ຈົ່ງເອົາໃຈໃສ່ຮັກສາສຸຂະພາບໃນສະພາບອາກາດຮ້ອນແຮງ

ເມື່ອມໍ່ໆມານີ້, ໜ່ວຍເຝົ້າລະວັງພະຍາດກະຊວງສາທາລະນະສຸກໄດ້ອອກມາເຕືອນໃຫ້ປະຊາຊົນໃນຂອບເຂດທົ່ວປະເທດ, ໂດຍສະເພາະໃນເຂດທີ່ມີສະພາບອາກາດຮ້ອນແຮງຈົ່ງເພີ່ມທະວີຄວາມເອົາໃຈໃສ່ຮັກສາສຸຂະພາບຂອງຕົນໃຫ້ດີ, ເປັນຕົ້ນແມ່ນເດັກນ້ອຍ , ເນື່ອງຈາກສະພາບອາ ກາດທີ່ຮ້ອນແຮງ, ຊຶ່ງອາດຈະສົ່ງຜົນກະທົບຕໍ່ສຸຂະພາບ ແລະ ເປັນສາເຫດເຮັດໃຫ້ເກີດພະຍາດຕ່າງໆຕາມາເຊັ່ນ: ພະຍາດຖອກທ້ອງ,ໄຂ້ຍຸງລາຍ ແລະ ພະຍາດຕາມລະດູການອື່ນໆອື່ນໆ, ດ້ວຍການປະຕິບັດຕາມຫຼັກ ການອະນາໄມ 3 ສະອາດຄື: ກິນ, ດື່ມໃຫ້ສະອາດ  ແລະ ບໍ່ຄວນຕາກແດດດົນເກີນໄປ, ພ້ອມນັ້ນກໍຕ້ອງໝັ່ນທຳ

ຄວາມສະອາດຮ່າງກາຍ ແລະ ສິ່ງແວດລ້ອມໃນເຮືອນຊານໃຫ້ສະອາດຢູ່ສະເໝີ, ສິ່ງສຳຄັນແມ່ນລ້າງມືທຸກຄັ້ງກ່ອນ ແລະ ຫຼັງກິນອາຫານ, ຄວນເກັບມ້ຽນອາຫານໃຫ້ດີເນື່ອງຈາກສະພາບອາກາດຮ້ອນຈະເຮັດໃຫ້ອາຫານບູດເນົ່າງ່າຍ, ຊ່ຶ່ງເປັນສາເຫດເຮັດໃຫ້ເກີດພະຍາດຖອກທ້ອງ ແລະ ຖ້າຫາກຮູ້ສຶກບໍ່ສະບາຍຄວນໄປພົບແພດໝໍເພື່ອປິ່ນປົວຮັກສາທີ່ຖືກຕ້ອງ, ອີກບັນຫາໜຶ່ງແມ່ນໃຫ້ເປັນເຈົ້າການເບິ່ງແຍງ ແລະ ຕັກເຕືອນລູກຫຼານຂອງຕົນໃຫ້ດີຕໍ່ການຮັກສາສຸຂະພາບຂອງເຂົາເຈົ້າ.