ວັນທີ 6 ເມສາຜ່ານມາ, ຢູ່ຮ້ານຂາຍຄຳພູວົງ ສາຂາໄອເຕັກມໍ, ໄດ້ຈັດພິທີສະ ເຫລີມສະຫລອງການດຳເນີນທຸລະກິດອັນຍະມະນີດ້ວຍຄຸນນະພາບທີ່ໜ້າພໍໃຈຂອງລູກຄ້າຕະຫລອດ 33 ປີຜ່ານມາ, ໂດຍທ່ານ ພູວົງ ພະມີສິດ ເຈົ້າຂອງຮ້ານຄຳພູວົງ ໄດ້ກ່າວວ່າ: ການດຳເນີນທຸລະກິດຄ້າຂາຍເຄື່ອງປະດັບ, ຊຶ່ງໄດ້ຮັບການຕອບຮັບ ແລະ ປະສົບຜົນສຳເລັດມາເລື້ອຍໆຈາກຮ້ານຂາຍຄຳນ້ອຍໆພຽງຮ້ານດຽວກາຍມາເປັນທຸລະກິດໃຫຍ່ ແລະ ມີສາຂາເກືອບ 10 ແຫ່ງ, ພ້ອມນີ້ ໃນໂອກາດສະເຫລີມສະຫລອງຄົບຮອບ 33 ປີ, ທາງຮ້ານໄດ້ຈັດກິດຈະກຳຄືນກຳໄລໃຫ້ລູກຄ້າທີ່ມາໃຊ້ບໍລິການ, ດ້ວຍການມອບໂຊກ 3 ຊັ້ນ ລວມມູນຄ່າ
ຫລາຍກວ່າ 70 ບາດຄຳ, ໂດຍມີກະຕິກາງ່າຍໆພຽງແຕ່ລູກຄ້າຊື້ຄຳຢູ່ສາຂາຕະຫລາດເຊົ້າມໍ 2, ວັງທອງໄນພລາຊາ ແລະ ສາຂາໄອເຕັກມໍ ຊັ້ນ 2 ໃຫ້ຄົບ 1 ບາດ ກໍມີສິດລຸ້ນເພື່ອຮັບໂຊກ 3 ຊັ້ນໄດ້, ຊຶ່ງປະກອບມີ: ໂຊກຊັ້ນທີໜຶ່ງ ພຽງຊື້ຄຳ 1 ບາດ ຮັບໄປເລີຍ ຈອກແກ້ວ, ເສື້ອ, ຄັນຮົ່ມ, ໝວກ, ເຄື່ອງໄຟຟ້າ ແລະ ອື່ນໆ, ໂຊກຊັ້ນທີ 2 ຮັບບັດຊິງໂຊກແລ້ວຂຽນຊື່, ທີ່ຢູ່ ແລະ ເບີໂທລະສັບ ແລ້ວປ່ອນລົງກ່ອງຮັບບັດເພື່ອລຸ້ນໂຊກປະຈຳເດືອນ ຈຳນວນ 2 ລາງວັນຄື: ຄຳນ້ຳໜັກ 1 ບາດ 1 ລາງວັນ ແລະ ຄຳນ້ຳໜັກ 2 ສະຫລຶງ 1 ລາງວັນ ແລະ ໂຊກໃຫຍ່ຊັ້ນທີ 3 ບັດຊິງໂຊກທຸກໃບຈະມາສິດລຸ້ນໂຊກໃນທ້າຍປີ 2016ນີ້ຄື: ຊຸດຄຳ ອອກງານຍິງ-ຊາຍ ນ້ຳໜັກ 33 ບາດ 1 ລາງວັນ, ຄຳ ນ້ຳໜັກ 5 ບາດ 1 ລາງວັນ, 2 ບາດ 2 ລາງວັນ, 1 ບາດ 2 ລາງວັນ ແລະ 1 ສະຫລຶງ 33 ລາງວັນ. ນອກຈາກນີ້ ຍັງມີລາງວັນພິເສດ ແຈກຄຳ ນ້ຳໜັກ 5 ບາດ 1 ລາງວັນ ແລະ ຄຳ ນ້ຳໜັກ 2 ບາດ 1 ລາງວັນ ໃນເດືອນສິງຫາ 2016 ນີ້ອີກດ້ວຍ.
No comments:
Post a Comment