ຮ້ານອາຫານລັອດເຕເລຍລາວ ເປີດໃຫ້ບໍລິການແລ້ວ

          ທ້າຍອາທິດຜ່ານມາ, ກຸ່ມບໍລິສັດ ໂຊກໄຊ ໄດ້ຈັດພິທີເປີດໃຫ້ບໍລິການຮ້ານອາຫານລັອດເຕເລຍລາວ ຢ່າງເປັນທາງການ, ໂດຍການເຂົ້າຮ່ວມຂອງທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ.

          ທ່ານ ໂຊກໄຊ ສົມໃຈນຶກ ປະທານກຸ່ມບໍລິສັດ ໂຊກໄຊ ກ່າວວ່າ: ຮ້ານອາຫານລັອດເຕເລຍ ແມ່ນໃຫ້ບໍລິການປະເພດແຮັມເບີເກີ, ໄກ່ທອດ, ມັນຝຣັ່ງທອດ ແລະ ຂອງ ຫວານປະເພດຕ່າງໆຢ່າງຫລາກຫລາຍລາຍການ ແລະ ເປັນທຸລະກິດອັນໃໝ່ຂອງກຸ່ມບໍລິສັດພວກເຮົາ, ໂດຍໄດ້ຮັບການຮ່ວມມືຈາກບໍລິສັດ ລັອດເຕເລຍຈາກປະເທດ ສ.ເກົາຫລີ ແລະ ເຊື່ອວ່າທຸລະກິດດັ່ງກ່າວນີ້ຈະເປັນທີ່ນິຍົມຂອງ ຄົນລາວໃນອະນາຄົດ.

          ລັອດເຕເລຍ ເປັນຮ້ານອາຫານທີ່ມີຊື່ສຽງໂດ່ງດັງຢູ່ເກົາຫລີ, ຊຶ່ງມີສາຂາຫລາຍແຫ່ງຢູ່ໃນທະ ວີອາຊີເຊັ່ນ: ຫວຽດນາມ, ຈີນ, ອິນໂດເນເຊ, ພະມ້າ, ກຳປູເຈຍ, ກາສັກສະຖານ ແລະ ຍີ່ປຸ່ນ, ໂດຍເນັ້ນຄຸນນະພາບສູງໃນການບໍລິການອາຫານ ແລະ ຖືກຍອມຮັບຈາກຫລາຍປະເທດໃນທະວີບອາຊີ. ປັດຈຸບັນລັອດເຕເລຍລາວ ແມ່ນມີ 2 ສາຂາທົ່ວນະຄອນຫລວງວຽງຈັນຄື: ສີບຸນເຮືອງ ແລະ ດົງໂດກ ແລະ ຈະມີແຜນຂະຫຍາຍສາຂາຂຶ້ນຕື່ມອີກໃນອະນາຄົດ.