ລາວ-ຫວຽດນາມເພີ່ມທະວີການຮ່ວມມືດ້ານວັດທະນະທໍາ ແລະ ທ່ອງທ່ຽວ

          ໃນວັນທີ 19 ກັນຍານີ້, ທີ່ນະຄອນຫລວງວຽງຈັນ, ທ່ານ ວັນສີ ກົວມົວ ຫົວໜ້າຫ້ອງການກະ ຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວຂອງລາວ, ໄດ້ພົບປະຫາລືແລກປ່ຽນບົດຮຽນກັບທ່ານ ຫງວຽນ ທາຍ ບິງ ຫົວໜ້າຫ້ອງການກະຊວງວັດທະນະທໍາ, ກິລາ ແລະ ທ່ອງທ່ຽວຫວຽດ ນາມ, ໂດຍສອງຝ່າຍໄດ້ລາຍງານໃຫ້ກັນຊາບກ່ຽວກັບສະພາບການເຄື່ອນໄຫວວຽກງານໃນຊຸມປີຜ່ານມາ ແລະ ໄດ້ຢືນຢັນສືບຕໍ່ເສີມຂະຫຍາຍໝາກຜົນການຮ່ວມມືໃນຕໍ່ໜ້າ ໃຫ້ບັນລຸຜົນຢ່າງຈົບ ງາມ, ພ້ອມທັງຍົກສູງສາຍພົວພັນສອງຫ້ອງການໃຫ້ນັບມື້ກວ້າງຂວາງ ແລະ ພັດທະນາດີຂຶ້ນ ເຊັ່ນ: ການແລກປ່ຽນບົດຮຽນລະຫວ່າງ ສອງຫ້ອງການ, ການຢ້ຽມຢາມຂອງຄະນະຜູ້ແທນສອງຫ້ອງວ່າການຢ່າງເປັນປົກກະຕິ, ສໍາລັບດ້ານງົບປະມານການຢ້ຽມຢາມ ແລະ ແລກປ່ຽນຄະນະຜູ້ແທນ ເຫັນດີໃຫ້ຝ່າຍສົ່ງຮັບຜິດຊອບຄ່າເດີນທາງໄປ-ກັບລະຫວ່າງປະເທດ, ຄ່າປະກັນໄພ, ຄ່ານ້ຳໜັກເກີນ, ຄ່າພາສີ ແລະ ຄ່າຜ່ານເດີນ, ສ່ວນຝ່າຍຮັບແມ່ນຮັບຜິດ ຊອບດ້ານການກິນຢູ່ພັກເຊົາ, ການເຄື່ອນ ໄຫວ ແລະ ພາຫະນະຮັບໃຊ້ພາຍໃນປະເທດ.