ເກີດໄຟໄໝ້ເຮືອນປະຊາຊົນບ້ານສົມສະຫງ່າ

          ທ່ານຮອງຫົວໜ້າຫ້ອງການ ພະແນກຕຳຫລວດ ສະກັດກັ້ນ ແລະ ຕ້ານອັກຄີໄພ ນະຄອນ ຫລວງວຽງຈັນ ໃຫ້ຮູ້ວ່າ: ເວລາປະມານ 20:00 ໂມງຂອງວັນທີ 17 ຕຸລາຜ່ານມານີ້, ໄດ້ເກີດເຫດໄຟໄໝ້ເຮືອນທ້າວ ສຸກທະວີ, ອາຍຸ 38ປີ, ອາຊີບຄ້າຂາຍ ຢູ່ບ້ານສົມສະຫງ່າ, ເມືອງໄຊເສດຖາ ນະ ຄອນຫລວງວຽງຈັນ, ຊຶ່ງເປັນເຮືອນ 2 ຊັ້ນ, ເທິງໄມ້-ລຸ່ມກໍ່, ສົ່ງຜົນໃຫ້ໄຟໄໝ້ໝົດກ້ຽງ ລວມມູນຄ່າປະມານ 800 ລ້ານກີບ, ຍ້ອນຂາດສະຕິໃຕ້ທຽນບູຊາປະໄວ້ແລ້ວລືມມອດ. ດັ່ງນັ້ນເຈົ້າໜ້າທີ່ ຈິງໄດ້ເຕືອນມາຍັງສັງຄົມຈົ່ງມີສະຕິລະມັດລະວັງໃຫ້ຫລາຍຂຶ້ນໃນການນຳໃຊ້ຝຶນໄຟ, ເພື່ອສະກັດກັ້ນການເກີດອັກຄີໄພ.