ຈາກນັ້ນ,
ໄດ້ມີການພົບປະສອງຝ່າຍ ເພື່ອປຶກສາຫາລື ກ່ຽວກັບການເສີມຂະຫຍາຍການພົວ ພັນຮ່ວມມືລະຫວ່າງສອງປະເທດໃນຕໍ່ໜ້າ
ແລະ ສອງຝ່າຍຕີລາຄາວ່າ: ໃນໄລຍະຜ່ານມາ ໄອແລນ
ໄດ້ໃຫ້
ການສະໜັບສະໜູນຊ່ວຍເຫລືອລາວຫລາຍດ້ານ,
ໂດຍສະເພາະດ້ານການສົ່ງເສີມຂີດຄວາມສາມາດຂອງບຸກຄະລະກອນລາວ
ກໍຄືດ້ານການສຶກສາ ການຝຶກອົບຮົມພາສາອັງກິດ, ດ້ານສະຖາບັນການທ່ອງທ່ຽວ
ແລະ ການໂຮງແຮມ, ເພື່ອສົ່ງເສີມການສ້າງຊັບພະຍາກອນມະນຸດ
ໃນຂະແໜງການທ່ອງທ່ຽວ ແລະ ໄດ້ໃຫ້ທຶນການສຶກສາລາວ
ໄປຮຽນຕໍ່ຢູ່ປະເທດໄອແລນ. ນອກຈາກນັ້ນ,
ສອງຝ່າຍຍັງໄດ້ມີການປຶກສາຫາລືກ່ຽວກັບ
ການສົ່ງເສີມການຮ່ວມມືດ້ານເສດຖະ ກິດ-ການຄ້າ ແລະ ການລົງທຶນຢູ່ ສປປ ລາວ
ພ້ອມທັງໄດ້ແລກປ່ຽນຄວາມຄິດເຫັນຕໍ່ບັນຫາພາກພື້ນແລະ ສາກົນ
ທີ່ສອງຝ່າຍມີຄວາມສົນໃຈ. ໃນໂອກາດນີ້ ທ່ານປະທານາທິບໍດີໄອແລນ
ໄດ້ສະແດງຄວາມຊົມເຊີຍຕໍ່ຜົນສຳເລັດການເປັນປະທານກອງປະຊຸມສຸດຍອດອາຊຽນ
ຄັ້ງທີ 28-29 ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງຂອງ ສປປ ລາວ.
ການຢ້ຽມຢາມ ສປປ ລາວ
ຢ່າງເປັນທາງການໃນຄັ້ງນີ້
ເປັນການສະແດງເຈດຕະນາລົມອັນດີຂອງຝ່າຍໄອແລນ
ເພື່ອເພີ່ມທະວີການພົວພັນຮ່ວມມື ລະຫວ່າງສອງປະເທດ
ກ້າວສູ່ຄຸນນະພາບໃໝ່ ໃນປະຫວັດສາດແຫ່ງການພົວພັນ ລາວ ແລະ ໄອແລນ
ໃຫ້ແໜ້ນແຟ້ນຍິ່ງໆຂຶ້ນ ພາຍຫລັງທີ່ສອງປະ ເທດໄດ້ມີການສ້າງຕັ້ງສາຍພົວພັນການທູດນຳກັນ
ໃນວັນທີ 7 ສິງຫາ 1998.
No comments:
Post a Comment