ມອບ-ຮັບ ຫນ້າທີ່ຫນ່ວຍງານຕ້ານການຟອກເງິນ

        ພິທີມອບ-ຮັບໜ້າທີ່ຫົວໜ້າ ໜ່ວຍງານ ຂໍ້ມູນຕ້ານການຟອກ ເງິນທະນາຄານ ແຫ່ງ ສປປລາວ ໄດ້ມີຂຶ້ນໃນວັນທີ 19 ມັງກອນ ຢູ່ໂຮງແຮມລ້ານຊ້າງ ນະຄອນ ຫລວງວຽງຈັນ ລະຫວ່າງ ທ່ານ ເລື່ອນ ວົງພຣະນະຄອນ ຫົວໜ້າ ໜ່ວຍງານຜູ້ເກົ່າກັບທ່ານພັນທະ ບູນ ໄຊຍະເພັດ ຫົວໜ້າໜ່ວຍງານ ຜູ້ໃໝ່ ທັງນີ້ເພື່ອແນໃສ່ປັບປຸງກົງ ຈັກການຈັດຕັ້ງຄືນໃໝ່ ເຮັດໃຫ້ ວຽກງານຕ້ານການຟອກເງິນມີ ປະສິດທິພາບສູງຂຶ້ນໂດຍການ ເປັນກຽດເຂົ້າຮ່ວມຂອງທ່ານ ສົມພາວ ໄຟສິດ ຜູ້ວ່າການທະນາ ຄານ ແຫ່ງ ສປປ ລາວພ້ອມນີ້ ກໍມີບັນດາພະນັກງານຂັ້ນກົມ- ຂັ້ນພະແນກແລະພາກສ່ວນທີ່ ກ່ຽວຂ້ອງຕ່າງໆເຂົ້າຮ່ວມນຳ ດ້ວຍ.      

          ໃນໂອກາດດັ່ງກ່າວ, ທ່ານ ເລື່ອນ ວົງພຣະນະຄອນ ຫົວໜ້າ ໜ່ວຍງານຂໍ້ມູນຕ້ານການຟອກ ເງິນຜູ້ເກົ່າກໍໄດ້ລາຍງານສະພາບ ການເຄື່ອນໄຫວໃນໄລຍະຜ່ານ ມາວ່າ: ໜ່ວຍງານດັ່ງກ່າວໄດ້ຮັບ ການສ້າງຕັ້ງຂຶ້ນໃນປີ 2007 ມີພາ ລະບົດບາດເປັນເສນາທິການໃຫ້ ຄະນະຜູ້ວ່າການທະນາຄານແຫ່ງ

ສປປລາວໃນການຈັດຕັ້ງປະຕິບັດ ດຳລັດວ່າດ້ວຍການຕ້ານການ ຟອກເງິນຂອງນາຍົກລັດຖະມົນຕີ ແລະຜ່ານມາສາມາດໄດ້ຮັບ ຜົນສຳເລັດໃນຫຼາຍດ້ານ ໂດຍສະ ເພາະໄດ້ຮັບການສ້າງຕັ້ງຄະນະ ກຳມະການເຮັດ ວຽກຕ້ານການ ຟອກເງິນທີ່ມີຜູ້ຕາງໜ້າຈາກ 14 ກະຊວງ ເຊິ່ງໄດ້ຄົ້ນຄວ້າ ແລະ ສ້າງນະໂຍບາຍ ແຫ່ງຊາດກ່ຽວ ກັບການຕ້ານການຟອກເງິນ, ສ້າງແຜນຈັດຕັ້ງປະຕິບັດດຳລັດ ວ່າດ້ວຍການ ຕ້ານການຟອກເງິນ ແລະຈັດຕັ້ງປະຕິບັດພັນທະຂອງ ສປປລາວຕໍ່ກັບກຸ່ມຕ້ານການ ການຟອກເງິນພາກ ພື້ນອາຊີ-ປາ ຊີຟິກແລະທ້າຍເດືອນທັນວາ ຜ່ານມາ ໄດ້ສຳເລັດການຄົ້ນ ຄວ້າແລະຮ່າງກົດໝາຍວ່າດ້ວຍ ການຕ້ານການຟອກເງິນນຳສະ ເໜີຂັ້ນເທິງພິຈາລະນາແລະນຳ ສົ່ງໄປກະຊວງຍຸຕິທຳ.              

      ໃນການຮ່ວມມືສາກົນ ໜ່ວຍງານດັ່ງກ່າວກໍໄດ້ມີການ ຮ່ວມມືກັບອົງການຕ້ານການ ຟອກເງິນອົດສະຕຣາ ລີ,ສຳນັກ ງານປ້ອງກັນ-ປາບປາມການ າກພື້ນອາຊີ-ປາຊິຟິກ,ອົງການສະ ຫະປະຊາຊາດຕ້ານຢາເສບຕິດ ແລະອາຊະຍາກຳຂ້າມຊາດ,ສະ ຖານທູດເຢຍລະມັນ,ລຸກຊຳບວກ, ທະນາຄານກາງຝຣັ່ງ, ທະນາຄານໂລກ,ທະ ນາຄານພັດທະນາ ອາຊີແລະອື່ນໆ.ນອກນີ້ຍັງສົ່ງພະ ນັກງານເຂົ້າເຝິກອົບຮົມແລະເຂົ້າ ຮ່ວມກອງປະຊຸມຢູ່ຫຼາຍ ສິບປະເທດອີກດ້ວຍ.