ສະພາບໍລິຫານກອງທຶນປົກປ້ອງຜູ້ຝາກເງິນສະເໜີແລະຮັບຮອງບັນຫາສຳຄັນໃນສະເພາະໜ້າ

         ກອງປະຊຸມສະພາບໍລິຫານ ກອງທຶນປົກປ້ອງຜູ້ຝາກເງິນທະ ນາຄານ ແຫ່ງ ສປປ ລາວ ສະ ໄໝສາມັນ ຄັ້ງທີ I ປະຈຳປີ 2013 ໄດ້ຈັດຂຶ້ນໃນວັນທີ 25 ມັງ ກອນ ນີ້ຢູ່ຫ້ອງປະຊຸມກອງທຶນປົກ ປ້ອງ ຜູ້ຝາກເງິນ ນະຄອນຫຼວງວຽງ ຈັນ ໂດຍການເປັນປະທານຂອງ ທ່ານ ຈັນທະໜອມ ພິດທະສອນ ປະທານສະພາບໍລິຫານ ກອງທຶນ ປົກປ້ອງຜູ້ຝາກເງິນ ແລະ ມີສະ ມາ ຊິກສະພາບໍລິຫານ, ຄະນະອຳ ນວຍການກອງທຶນປົກປ້ອງຜູ້ ຝາກເງິນເຂົ້າຮ່ວມເປັນຈຳນວນ ຫລາຍ.                                                                  

         ທ່ານ ສັນຕິ ພົນເມືອງລາວ ຮັກສາການຜູ້ອຳນວຍການກອງ ທຶນປົກປ້ອງຜູ້ຝາກເງິນ ໄດ້ຜ່ານ ບົດສະຫຼຸບການເຄື່ອນໄຫວວຽກ ງານກອງທຶນປົກປ້ອງຜູ້ຝາກເງິນ ປະຈຳປີ 2012 ຕໍ່ກອງປະຊຸມວ່າ: ໃນໜຶ່ງປີຜ່ານມາ,ກອງທຶນດັ່ງ ກ່າວ ສາມາດຍາດໄດ້ຜົນສຳເລັດ ໃນຫຼາຍດ້ານ ແລະ ພົ້ນເດັ່ນແມ່ນ

ໄດ້ເກັບເບ້ຍປະກັນເງິນຝາກໃນ ອັດຕາໃໝ່ສະກຸນເງິນກີບ 0,14%, ສະກຸນເງິນບາດ-ໂດລາ 0,05% ແລະ ເກັບໄດ້ 100%. ພ້ອມນີ້ ກໍ ໄດ້ສຳເລັດການສ້າງແຜນງານ, ໂຄງການດຳເນີນງານຂອງກອງ ທຶນແຕ່ປີ 2011-2015,ໄດ້ຮັບການ ກວດກາ ແລະ ເຊັນຮັບຮອງເອົາ ບົດລາຍງານກວດກາຈາກກົມ ຄຸ້ມຄອງທະນາຄານທຸລະກິດແຕ່ ປີ 2007-2011. ພ້ອມນີ້ກໍໄດ້ເຂົ້າ ຮ່ວມຝຶກອົບຮົມຢູ່ພາຍໃນ ແລະ ຕ່າງປະເທດຈຳນວນໜຶ່ງ ແລະ ໃນຫວ່າງບໍ່ດົນມານີ້ ໄດ້ຮັບທະ ນາຄານຫວຽດຕິນສາຂາລາວ (ສສ ຫວຽດນາມ) ແລະ ທະນາ ຄານ ໄອຊີບີຊີ (ສປ ຈີນ) ສາຂາ ນະຄອນຫຼວງວຽງຈັນ ເຂົ້າເປັນ ສະມາຊິກເຊິ່ງມາຮອດປັດຈຸບັນ ມີສະມາຊິກກອງທຶນປົກປ້ອງຜູ້ ຝາກເງິນທັງໝົດ 26 ທະນາຄານ.       

        ຮັກສາການຜູ້ອຳນວຍ ການກອງທຶນປົກປ້ອງຜູ້ຝາກເງິນ ເປີດເຜີຍວ່າ:ປີ 2012 ຜ່ານມາ, ສາມາດເກັບເບ້ຍປະກັນເພີ່ມຂຶ້ນ 60,74% ທຽບໃສ່ປີ 2011 ຍ້ອນມີ ສະມາຊິກເພີ່ມຂຶ້ນ, ຍອດຊັບສິນ ເພີ່ມຂຶ້ນ 56,15% ທຽບໃສ່ປີ 2011 ແລະ ປະຕິບັດລື່ນແຜນການປີ 0,51%,ຍອດໜີ້ສີນ+ທຶນທັງໝົດ ເພີ່ມຂຶ້ນ 56,15% ທຽບໃສ່ປີ 2011, ສາມາດສ້າງ ລາຍຮັບເພີ່ມ ຂຶ້ນ 85,36% ທຽບ ໃສ່ປີ 2011, ສ່ວນດ້ານລາຍຈ່າຍກໍເພີ່ມຂຶ້ນ 19,31% ທຽບໃສ່ປີ 2011, ເວົ້າລວມແລ້ວລາຍຮັບສຸດທິປີ 2012 ແມ່ນເພີ່ມຂຶ້ນເຖິງ 973,29% ທຽບໃສ່ປີ 2011 ແລະ ລື່ນແຜນ ການປີວາງໄວ້ 40,17%.    

        ກອງປະຊຸມສະພາບໍລິຫານ ກອງທຶນປົກປ້ອງຜູ້ຝາກເງິນ ຍັງ ໄດ້ສະເໜີແລະຮັບຮອງເອົາບັນ ຫາສຳຄັນຫຼາຍດ້ານ ເຂົ້າໃນແຜນ ການເຄື່ອນໄຫວວຽກງານກອງ ທຶນປະຈຳປີ 2013 ແລະ ສະເພາະ ໜ້າ.ຈາກນັ້ນທ່ານນາງ ແສງ ດາວວີ ວົງຄຳຊາວ ຮອງຜູ້ອຳ ນວຍການກອງທຶນປົກປ້ອງຜູ້ ຝາກເງິນ ກໍໄດ້ສະເໜີຮັບຮອງ ເອົາລະບຽບເງິນກູ້ນະໂຍບາຍພະ ນັກງານເພື່ອສົມທົບປຸກສ້າງ- ສ້ອມແປງທີ່ຢູ່ອາໃສ, ສະເໜີເພີ່ມ ທຶນໃຫ້ແກ່ກອງທຶນປົກປ້ອງຜູ້ ຝາກເງິນ ແລະ ນອກນັ້ນ ກອງ ປະຊຸມຍັງໄດ້ສະເໜີ ແລະຮັບຮອງ ເອົາບັນຫາສຳຄັນອື່ນໆອີກທີ່ພົວ ພັນກັບວຽກງານກອງທຶນປົກ ປ້ອງຜູ້ຝາກເງິນ.