ປັດຈຸບັນຢູ່ປະເທດເຮົາມີຫລາຍໂຄງການທີ່ລັດອະນຸມັດໃຫ້ບໍລິສັດເອກະຊົນເປັນຜູ້ລົງທຶນຮັບເໝົາກໍ່ສ້າງ
ແລະ ລັດຈະຊຳລະຕາມພາຍຫລັງ ເນື່ອງຈາກເປັນ ໂຄງການທີ່ສຳຄັນ ແລະ ຈຳເປັນ ຕ້ອງພັດທະນາ,
ແຕ່ເບື້ອງລັດມີງົບປະມານຈຳກັດ. ສະນັ້ນ ຈຶ່ງເປີດໂອກາດໃຫ້ບໍລິສັດເອກະຊົນເຂົ້າມາມີບົດບາດໃນການປະ
ກອບສ່ວນພັດທະນາອີກແຮງໜຶ່ງ ດ້ວຍການເຂົ້າມາລົງທຶນໃສ່ໂຄງ ການກໍ່ສ້າງຕ່າງໆເຊັ່ນ:
ການຂະຫຍາຍຕາຂ່າຍໄຟຟ້າ, ຊົນລະ ປະທານ ແລະ ກໍ່ສ້າງເສັ້ນທາງ ເຫລົ່ານີ້ ເປັນຕົ້ນ, ແຕ່ມີບາງໂຄງ
ການເຫັນວ່າມີມູນຄ່າສູງກວ່າຄວາມເປັນຈິງ ແລະ ບໍ່ມີຄວາມໂປ່ງໃສ.
ບັນຫາດັ່ງກ່າວໄດ້ມີການອະທິບາຍຈາກທ່ານ
ສົມບູນ ລາ ຊາສົມບັດ ລັດຖະມົນຕີຊ່ວຍວ່າ ການກະຊວງພະລັງງານ ແລະ ບໍ່ແຮ່ ຢູ່ກອງປະຊຸມອົບຮົມວຽກງານກວດກາພັກ-ລັດຂອງກະ
ຊວງດັ່ງກ່າວ ເຊິ່ງຈັດຂຶ້ນໃນລະ ຫວ່າງວັນທີ 28 ມັງກອນ ຫາວັນທີ 8 ກຸມພາ
2013 ເພື່ອເພີ່ມຄວາມຮູ້ພື້ນຖານໃຫ້ສະມາຊິກພັກຕໍ່
ກັບວຽກງານກວດກາມີຄວາມໜັກແໜ້ນ
ເພື່ອປົກປ້ອງນະໂຍບາຍ, ລະບຽບກົດໝາຍ ແລະ ຊັບສົມ ບັດຂອງລັດບໍ່ໃຫ້ຕົກເຮ່ຍເສຍຫາຍ
ໂດຍບັນຫາທີ່ຈະລົງເລິກໃນການເຝິກອົບຮົມເທື່ອນີ້ ແມ່ນແນໃສ່ວຽກງານກວດກາ
ແລະ ຕ້ານການສໍ້ລາດບັງຫລວງ.
ທ່ານລັດຖະມົນຕີຊ່ວຍວ່າ ການ ກະຊວງພະລັງງານ
ແລະ ບໍ່ແຮ່ ສົມບູນ ລາຊາສົມບັດ ກ່າວວ່າ: ການສໍ້ລາດບັງຫລວງແມ່ນພຶດຕິກຳສວຍໃຊ້ຖານະຕຳແໜ່ງ,
ສິດອຳນາດໜ້າທີ່ຂອງຕົນ ເພື່ອຫາຜົນປະໂຫຍດສ່ວນຕົວ, ພັກພວກເພື່ອຍັກຍອກ,
ສໍ້ໂກງ, ຮັບສິນບົນ ເຊິ່ງສ້າງຄວາມເສຍຫາຍໃຫ້ແກ່ຜົນປະໂຫຍດຂອງລັດ, ສັງ ຄົມ
ແມ່ນການກະທຳທີ່ຊົ່ວຮ້າຍ ແລະ ທຳລາຍປະເທດຊາດ ແລະ ປະຊາຊົນ. ເຖິງວ່າຕະຫລອດໄລ
ຍະຜ່ານມາ ການສະກັດກັ້ນ ແລະ ຕ້ານການສໍ້ລາດບັງຫລວງຢູ່ປະເທດເຮົາໄດ້ມີການສະກັດກັ້ນ
ແລະ ປາບປາມມາແລ້ວດ້ວຍຫລາຍຮູບການ ແລະ ສາມາດເຮັດໃຫ້ການສໍ້ລາດບັງຫລວງໃນຮູບການໃດໜຶ່ງຫລຸດຜ່ອນລົງເທື່ອລະກ້າວ,
ແຕ່ມາຮອດປັດຈຸ ບັນ ການສໍ້ລາດບັງຫລວງແມ່ນມີຫລາຍຮູບການເກີດຂຶ້ນ ແລະ ປັບຕົວເຊື່ອມເຂົ້າໃນສະພາບຂອງການພັດທະນາສັງຄົມ
ແລະ ຍາກຕໍ່ການກວດສອບ-ກວດກາ ໂດຍສະເພາະແມ່ນໂຄງການເອກະຊົນລົງທຶນກ່ອນຈຳນວນໜຶ່ງຍິ່ງບໍ່ມີຄວາມໂປ່ງໃສ
ເພາະວ່ານັບແຕ່ການສຳຫລວດ, ອອກແບບແມ່ນເອກະຊົນເປັນຜູ້ເຮັດທັງໝົດ ແລະ
ເກືອບວ່າບໍ່ມີການປະມູນດ້ານລາ ຄາ ຈຶ່ງເຮັດໃຫ້ບາງໂຄງການມີມູນຄ່າສູງ
ເຊິ່ງສະພາບດັ່ງກ່າວແມ່ນເກີດມາຈາກຫລາຍສາເຫດທີ່ມີການພົວພັນກັນລະຫວ່າງນັກ
ທຸລະກິດກັບພະນັກງານລັດ ແລະ ການສວຍໂອກາດອາໄສຊ່ອງຫວ່າງຂອງກົນໄກ, ລະບຽບການທີ່ຍັງບໍ່ທັນຮັດກຸມ
ເຊິ່ງບັນຫາທັງ ໝົດ ນີ້ແມ່ນພວກເຮົາ ຈະຕ້ອງໄດ້ ເອົາໃຈໃສ່ປັບປຸງແກ້ໄຂໃຫ້ຕົກໄປ ໂດຍໄວ.
No comments:
Post a Comment