ລາຄາສິນຄ້າໃນທ້ອງຕະຫລາດບາງປະເພດຍັງສືບຕໍ່ເພີ່ມຂຶ້ນ

           ເຖິງວ່າລັດໄດ້ຕັ້ງເພດານລາ ຄາສິນຄ້າໄວ້ແລ້ວກໍ ຕາມ,ແຕ່ລາຄາສິນຄ້າ ໃນທ້ອງຕະຫຼາດບາງ ແຫ່ງບາງປະເພດ ຍັງມີການເໜັ່ງຕິງ ແລະ ເພີ່ມຂຶ້ນໂດຍສະ ເພາະແມ່ນສິນຄ້າ ບໍລິໂພກອັນສົ່ງຜົນກະ ທົບບໍ່ໜ້ອຍຕໍ່ຜູ້ບໍລິໂພກໂດຍະເພາະແມ່ນ ຜູ້ທີ່ມີລາຍຮັບໜ້ອຍໂດຍສະເພາະແມ່ນລາ ຄາຊິ້ນງົວ,ຄວາຍ ແລະ ແມ່ນແຕ່ລາຄາ ເຂົ້າ ແລະ ປາ ກໍມີການເໜັງຕີງເພີ່ມຂຶ້ນ ເຊັ່ນດຽວກັນໂດຍຫລ້າສຸດນັກຂ່າວໜັງສືພິມລາວພັດທະນາ ໄດ້ລົງໄປຕິດຕາມລາ ຄາສິນຄ້າຢູ່ຕະຫລາດບາງແຫ່ງຄືຕະຫຼາດ ຂົວດິນ,ໂພນສະຫວ່າງ ແລະຕະຫຼາດໜອງ ວຽງຄຳ ເຫັນວ່າ:ລາຄາສິນຄ້າ

ບາງປະເພດມີການເໜັງຕິງ ແລະ ເພີ່ມຂຶ້ນຈາກລາຄາທີ່ລັດຄວບຄຸມ ຫຼື ກຳນົດໄວ້ ຄືລາຄາປານິນຢູ່ຕະ ຫຼາດຂົວດິນ ແລະ ຕະຫຼາດໂພນ ສະຫວ່າງໃນປັດຈຸບັນມີລາຄາກິ ໂລລະ 20 - 22 ພັນກີບ ເພີ່ມຂຶ້ນ   2 - 4 ພັນກີບ ທຽບກັບເພດານລາ ຄາທີ່ລັດຕັ້ງໄວ້ແມ່ນ 18 - 19 ພັນ ກີບ,ລາຄາເຂົ້າຈ້າວຢູ່ຕະຫຼາດ ຂົວດິນ,

ໂພນສະຫວ່າງ ແລະ ຕະ ຫຼາດໜອງພະຍາແມ່ນຢູ່ໃນລະ ຫວ່າງກິໂລລະ 7.000 - 9.000 ຫລື 10.000 ກີບ ເພີ່ມຂຶ້ນ 2 ພັນ ກີບທຽບກັບລາຄາທີ່ລັດຕັ້ງໄວ້ທີ່ 8 ພັນກີບຕໍ່ກິໂລ,ສ່ວນລາຄາຊີ້ນ ໝູປະເພດໜຶ່ງ ແລະ ສອງຍັງຢູ່ ໃນເກນປົກກະຕິກິໂລລະ  30 - 35 ພັນກີບ ເຊິ່ງຖືວ່າລາຄາດັ່ງກ່າວ ຢູ່ໃນເກນທີ່ລັດຕັ້ງໄວ້,ແຕ່ສຳລັບ ລາຄາຊີ້ນງົວ ແລະ ຄວາຍຢູ່ຕະ ຫຼາດຫຼັກ 8 ຍັງຢູ່ໃນລະດັບກິໂລ ລະ 60 - 65 ພັນກີບ ຈາກ 50 - 55 ພັນກີບຕໍ່ກິໂລ ໃນເມື່ອກ່ອນ ແລະ ຄາດວ່າລາຄາ ດັ່ງກ່າວອາດຈະ ບໍ່ຢຸດນິ້ງຫາກພາກລັດບໍ່ຢື່ນ ມືແກ້ ໄຂຈະກະທົບຕໍ່ຜູ້ບໍລິໂພກໂດຍສະ ເພາະຜູ້ທີ່ມີລາຍຮັບໜ້ອຍ.

           ຕໍ່ບັນຫາດັ່ງກ່າວ,ແມ່ຄ້າຢູ່ ຕະຫຼາດບາງແຫ່ງເວົ້າວ່າ:ການ ເພີ່ມຂຶ້ນດັ່ງກ່າວແມ່ນອິງໃສ່ລາ ຄາຕົ້ນທຶນການຜະລິດໂດຍສະ ເພາະແມ່ນລາຄາເຂົ້າ. ໃນຂະນະ ທີ່ແມ່ຄ້າຂາຍຊີ້ນບາງຄົນ ໃຫ້ເຫດ ຜົນວ່າ:ລາຄາດັ່ງກ່າວແມ່ນບໍ່ ເກີນເພດານທີ່ລັດຕັ້ງໄວ້,ສ່ວນລາ ຄາຊີ້ນງົວ ແລະ ຄວາຍນັ້ນ ຫາກ ລັດຄວບຄຸມລາຄາໄວ້ອາດຈະ ເປັນການດີ ແລະ ຈະບໍ່ເປັນຊ່ອງ ຫວ່າງໃຫ້ແມ່ຄ້າບາງຄົນສວຍໂອ ກາດຂຶ້ນລາຄາໂດຍລຳພັງໄດ້.

            ຕໍ່ສະພາບດັ່ງກ່າວ ເມື່ອ ບໍ່ດົນມານີ້,ພະແນກອຸດສາຫະກຳ ແລະ ການຄ້ານະຄອນຫຼວງໃຫ້ຮູ້ ວ່າ:ປັດຈຸບັນ,ໜ່ວຍງານກ່ຽວ ຂ້ອງຂອງຕົນໄດ້ລົງຕິດຕາມ ແລະ ກວດກາເປັນລາຍອາທິດ ຫຼື  ລາຍເດືອນ ແລະ ຫາກເຫັນວ່າມີ ການລະເມີດ ຫຼື ຕັ້ງລາຄາເກີນ ກວ່າທີ່ລັດກຳນົດ ແມ່ນຈະມີມາດ ຕະການຕໍ່ຜູ້ລະເມີດ. ສຳລັບປະ ຊາຊົນຜູ້ໃດຫາກບໍ່ໄດ້ຮັບຄວາມ ຍຸຕິທຳໃນການຊື້ - ຂາຍ ໂດຍສະ ເພາະຊື້ສິນຄ້າ ບໍ່ກົງກັບປ້າຍລາ ຄາ ຫຼື ບໍ່ໄດ້ນ້ຳໜັກຕາມລາຄາທີ່ຊື້ ກໍສາມາດແຈ້ງຕໍ່ຫ້ອງການຈັດ ສັນ ຫຼື ເຈົ້າຂອງຕະ ຫຼາດແລ້ວໂທ ຫາພະນັກງານກວດກາການຄ້າທີ່ ປະຈຳຢູ່ຫ້ອງການແຕ່ລະເມືອງ ຫຼື ສາມາດແຈ້ງຫາອົງການຄຸ້ມ ຄອງລາຄາສິນຄ້າຂັ້ນນະຄອນ ຫຼວງ ແລະ ພະນັກງານກວດກາ ການຄ້າຂະແໜງການຄ້າພາຍ ໃນຂອງພະແນກອຸດສາຫະກຳ ແລະ ການຄ້າ ເພື່ອປະຕິບັດມາດ ຕະການຕໍ່ຜູ້ລະເມີດ.