laophatthananewspaper: ງານວາງສະແດງທ່ອງທ່ຽວອາຊຽນ ຄືໂອກາດໃນການເຊື່ອມໂຍງເຂົ້າກັບສາກົນຂອງ ສປປ ລາວ

ງານວາງສະແດງທ່ອງທ່ຽວອາຊຽນໄດ້ໄຂຂຶ້ນ ໄປຄຽງຄູ່ກັບກອງປະຊຸມລັດຖະມົນຕີທ່ອງທ່ຽວອາຊຽນ ແລະ ເປີດຂຶ້ນຢ່າງເປັນທາງການໃນຄ່ຳຄືນຂອງວັນທີ 21 ມັງກອນ 2013 ນີ້ ທີ່ສູນການຄ້າລາວ - ໄອເຕັກ ນະ ຄອນຫຼວງວຽງຈັນ ເປັນການພົບປະລະຫວ່າງຜູ້ຊື້ ແລະ ຜູ້ຂາຍ ດ້ວຍບັນຍາກາດອັນຟົດຟື້ນ, ງານ ດັ່ງກ່າວຈະເປັນໂອກາດອັນດີໃຫ້ແກ່ ສປປ ລາວ ເພື່ອເຊື່ອມໂຍງເຂົ້າກັບສາກົນ ແລະ ພາກພື້ນເທື່ອລະກ້າວໃນຂະນະທີ່ຈຳນວນ ນັກທ່ອງທ່ຽວທີ່ເຂົ້າມາລາວນັບມື້ນັບເພີ່ມຂຶ້ນເລື້ອຍໆ.

ມື້ນີ້ ເປັນມື້ທີ່ສາມຂອງການຈັດງານວາງສະແດງທ່ອງທ່ຽວດັ່ງກ່າວ ປັດຈຸບັນຫ້ອງວາງ ສະແດງຕ່າງໆທີ່ທາງຄະນະກຳ ມະການໄດ້ຈັດຕຽມໄວ້້ນັ້ນ ເກືອບວ່າບໍ່ມີຫວ່າງແລ້ວ. ບັນຍາກາດໃນການພົບປະລະຫວ່າງຜູ້ຊື້ ແລະ ຜູ້ຂ່າຍໃນງານມື້ນີ້ເລີມຄຶກ ຄັກຫຼາຍຂຶ້ນກວ່າເກົ່າ ໂດຍຜູ້ເຂົ້າຮ່ວມງານ ຕ່າງກໍທະ ຍອຍກັນອອກໄປພົບປະ ແລະ ທຳຄວາມຮູ້ຈັກກັບຮ້ານວາງສະແດງຂອງປະເທດຕ່າງໆ...ຄາດວ່າຜູ້ເຂົ້າຮ່ວມໃນງານດັ່ງກ່າວມີຄວາມໝັ້ນໃຈສູງ ທີ່ຈະຍາດເອົາໂອກາດ ເພື່ອໂຄສະນາເຜີຍແຜ່ສິນຄ້າແລະ ຜະ ລິດຕະພັນທ່ອງທ່ຽວຂອງຕົນໃຫ້ປະເທດຕ່າງໆໄດ້ຮູ້ຈັກ.

ສຳລັບ ສປປ ລາວ ຍິ່ງເປັນໂອກາດອັນດີທີ່ຈະໃຊ້ງານດັ່ງກ່າວນີ້ ເປັນເວທີໃນການເສີມຂະ ຫຍາຍບົດບາດ, ເຜີຍແຜ່ວັດ ທະນະທຳ- ຮີດຄອງປະເພນີ ແລະ ແຫຼ່ງທ່ອງທ່ຽວຕ່າງໆຂອງລາວໃຫ້ຄົນທັງໂລກໄດ້ຮູ້ຈັກ ທັງເປັນກາລະໂອກາດອັນດີໃນການເຊື່ອມໂຍງດ້ານການທ່ອງທ່ຽວກັບສາກົນ ແລະ ພາກພື້ນ ເພື່ອກຽມ ຄວາມພ້ອມກ້າວເຂົ້າສູ່ປະຊາຄົມເສດຖະກິດອາຊຽນປີ 2015. ໃນຂະນະທີ່ສະຖິຕິ ຈຳນວນນັກທ່ອງທ່ຽວທີ່ເຂົ້າມາລາວນັບມື້ນັບເພີ່ມຂຶ້ນ ພາຍຫຼັງ ສປປ ລາວ ໄດ້ເປີດປະຕູສູ່ໂລກພາຍນອກ,ສ້າງເງື່ອນ ໄຂ ແລະ ສະພາບແວດລ້ອມທີ່ເອື້ອອຳນວຍໃຫ້ນັກທ່ອງທ່ຽວຈາກປະເທດຕ່າງໆເຂົ້າມາລາວ ບວກກັບຄວາມສຳເລັດໃນການເປັນເຈົ້າພາບຈັດງານຕ່າງໆລະ ດັບສາກົນມາຫຼາຍຄັ້ງ ດັ່ງທີ່ທ່ານ ສີພອນ ແກ້ວມະນີວົງ ຮອງຫົວ ໜ້າໜ່ວຍງານທ່ອງທ່ຽວ ຈາກກົມໂຄສະນາທ່ອງທ່ຽວ ກະຊວງຖະແຫຼ່ງ ຂ່າວ, ວັດທະນະທຳ ແລະ ທ່ອງທ່ຽວລາວ ໃຫ້ສຳພາດຕໍ່ນັກຂ່າວລາວພັດທະນາວ່າ: ງານວາງສະແດງທ່ອງທ່ຽວຄັ້ງ ນີ້ ມີຄວາມສຳຄັນເປັນຢ່າງຍິ່ງສຳລັບ ສປປ ລາວ ເພາະນອກ ຈາກເປັນເວທີໃນການເຜິຍແຜ່ຜະ ລິດຕະພັນ ແລະ ແຫຼ່ງທ່ອງທ່ຽວຕ່າງໆຂອງລາວໃຫ້ນັກທ່ອງທ່ຽວຕ່າງຊາດໄດ້ຮູ້ຈັກແລ້ວ ຍັງເປັນເວທີໃນການເສີມຂະຫຍາຍສາຍພົວພັນອັນດີງາມກັບບັນດາປະເທດສະມາຊິກກຸ່ມອາຊຽນ ແລະ ຄູ່ຮ່ວມເຈລະຈາ. ນອກນັ້ນ ປັດຈຸບັນ ສປປ ລາວ ມີທ່າແຮງຫຼາຍດ້ານເພື່ອຮອງຮັບຈຳນວນນັກທ່ອງທ່ຽວທີ່ເຂົ້າມາລາວເຊັ່ນ: ແຫຼ່ງທ່ອງທ່ຽວທາງທຳມະຊາດ, ປະຫວັດສາດ ແລະ ວັດທະ ນະທຳ ທີ່ມີຊື່ສຽງໃນລະດັບໂລກ ບວກກັບການເຕີບໃຫຍ່ຂະຫຍາຍ ຕົວດ້ານການບໍລິການທີ່ນັບມື້ນັບແຂງແຮງຄື: ເຮືອນພັກ, ຮ້ານອາ ຫານ, ການບໍລິການຂົນສົ່ງ (ທາງ ນ້ຳ,ອາກາດ ແລະ ທາງບົກ) ແລະ ອື່ນໆ ພ້ອມນັ້ນ ສປປ ລາວ ຍັງເປັນປະເທດທີ່ມີຄວາມໝັ້ນຄົງທາງດ້ານການເມືອງ, ສັງຄົມມີ ຄວາມສະຫງົບ - ປອດໄພ, ພົນ ລະເມືອງລາວທຸກຄົນລ້ວນແລ້ວແຕ່ເປັນຄົນທີ່ມີນ້ຳໃຈອົບເອື້ອອາ ລີ ແລະໄມຕີຈິດມິດຕະພາບ ເພາະ ສະນັ້ນ ງານວາງສະແດງທ່ອງທ່ຽວຄັ້ງນີ້ ນອກຈາກ ເປັນການປະກາດໃຫ້ຊາວໂລກຮັບຮູ້ເຖິງ ສປປ ລາວ ແລ້ວ ຍັງເປັນໂອກາດໃນການເຊື່ອມໂຍງເຂົ້າກັບສາກົນ ຂອງ ສປປ ລາວອີກດ້ວຍ.