ດ້ວຍຄວາມເປັນຫ່ວງເປັນໃຍຂອງພັກ-ລັດ
ກໍຄືຄະນະພັກ- ອຳນາດການປົກຄອງແຂວງເຊກອງຕໍ່ຊີວິດການເປັນຢູ່ຂອງປະ ຊາຊົນບັນດາເຜົ່າເວົ້າລວມ,
ເວົ້າສະເພາະກໍຄືປະຊາຊົນ 17 ຄອບ ຄົວ ບ້ານຈະຫຼາມເກົ່າ ເມືອງທ່າແຕງ ແຂວງເຊກອງ
ທີ່ປະສົບເຄາະຮ້າຍຈາກອັກຄີໄພ ເກີດຂຶ້ນ ເມື່ອວັນທີ 9 ກຸມພາ 2013 ເວລາ 12:30 ນາທີ ກາງເວັນ.
ໃນວັນທີ 10 ກຸມພາ 2013 ຜ່ານມານີ້, ທ່ານ ຄຳເຜີຍ
ບຸດດາວຽງ ເຈົ້າແຂວງເຊກອງ,ທ່ານ ພອນເພັດ ຄິວລະວົງ ຮອງເຈົ້າແຂວງເຊກອງ ແລະ
ທ່ານ ຄຳສອນ ກອນເຍີ ເຈົ້າເມືອງ-ເມືອງທ່າແຕງ
ຕາງໜ້າໃຫ້ຄະນະພັກ, ອຳນາດການປົກຄອງ ແຂວງ, ເມືອງ ແລະ ພາກສ່ວນຕ່າງໆ ຄື ພະແນກແຮງງານແລະສະຫວັດດີການແລະສັງຄົມແຂວງ,ອົງການ
ກາແດງແຂວງ ແລະ ບໍລິສັດ ຄູນມີໄຊ ໄດ້ນຳເອົາສັງກະສີ ຈຳ ນວນ
480 ແຜ່ນ; ເຂົ້າສານໜຽວ 2 ໂຕນ; ເຄື່ອງນຸ່ງຫົ່ມ 800 ຜືນ; ໄມ້ 6 ຄິວ; ໝີ່;ປາກະປ໋ອງ;ນ້ຳດື່ມ ແລະ ເຄື່ອງໃຊ້ສອຍອື່ນໆ
ລວມ ມູນຄ່າເກືອບ 50 ລ້ານກີບ ມອບໃຫ້ປະຊາຊົນ 17 ຄອບຄົວ ບ້ານຈະຫຼາມ ເມືອງທ່າແຕງ
ແຂວງເຊກອງ ທີ່ປະສົບເຄາະຮ້າຍຈາກໄຟໄໝ້ເຮືອນໂດຍຊ້ອງໜ້າພາກ ສ່ວນທີ່ກ່ຽວຂ້ອງ.
ໃນໂອກາດດັ່ງກ່າວ,ທ່ານ ພອນເພັດ ຄິວລະວົງ
ຮອງເຈົ້າແຂວງໆເຊກອງ ກໍໄດ້ແນະນຳໃຫ້ ຄະນະພັກ-ອຳນາດການປົກຄອງ ແລະ ຂະແໜງການຕ່າງໆຂັ້ນແຂວງ, ເມືອງປຸກລະດົມທຸກພາສ່ວນທົ່ວສັງຄົມໃຫ້ມີສ່ວນຮ່ວມຊ່ວຍເຫຼືອຕາມຄວາມອາດສາ
ມາດຂອງຕົນ ແລະ ຄະນະພັກ, ອຳນາດການປົກຄອງເມືອງ ຕ້ອງແຕ່ງຕັ້ງຂະແໜງການກ່ຽວ
ຂ້ອງລົງຕິດຕາມກວດກາ, ໃຫ້ ການຊ່ວຍເຫຼືອ ແລະ ສຶກສາອົບ ຮົມດ້ານການເມືອງແນວໃຫ້ປະ
ຊາຊົນມີແນວຄິດອຸ່ນອ່ຽນທຸ່ນທ່ຽງເຊື່ອໝັ້ນຕໍ່ການຊີ້ນຳ-ນຳພາຂອງພັກ-ລັດ.
No comments:
Post a Comment