ໃນວັນທີ 23 ກຸມພານີ້, ໄດ້ມີພິທີມອບ-ຮັບ
ແລະ ເປີດນຳໃຊ້ເສັ້ນທາງຫລວງມາຍ ເລກ 2E ເມືອງຂວາ-ໄຕຈາງ ແຂວງຜົ້ງສາລີ ໂດຍການເຂົ້າຮ່ວມຂອງທ່ານ
ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີແຫ່ງ ສປປ ລາວ, ທ່ານ ຫງວຽນ ຊວນ ຟຸກ ຮອງນາຍົກລັດຖະມົນຕີແຫ່ງ
ສສ ຫວຽດນາມ, ມີລັດຖະມົນຕີວ່າການກະຊວງໂຍ ທາທິການ ແລະ ຂົນສົ່ງສອງປະເທດ ລາວ-ຫວຽດນາມ
ແລະ ເຈົ້າໜ້າທີ່ລະດັບສູງກ່ຽວຂ້ອງສອງປະເທດເຂົ້າ ຮ່ວມ.
ກະຊວງໂຍທາທິການ ແລະ ຂົນສົ່ງຂອງລາວລາຍງານວ່າ:
ເສັ້ນທາງຫລວງໝາຍເລກ 2E ເມືອງຂວາ-ໄຕຈາງ ແມ່ນນອນໃນແຜນພັດທະນາເສດຖະກິດ-ສັງຄົມຂອງລັດຖະບານ
ກໍຄືແຜນຂະຫຍາຍເສັ້ນທາງຂອງກະຊວງໂຍທາທິການ ແລະ ຂົນສົ່ງ ເພື່ອອຳນວຍຄວາມສະດວກໃຫ້ແກ່ການຄົມມະນາຄົມລະຫວ່າງສອງປະເທດລາວ-
ຫວຽດນາມ ກໍຄືໃນອະນຸພາກພື້ນໄດ້ຮັບທຶນກູ້ຢືມຈາກລັດຖະບານແຫ່ງ ສສ ຫວຽດນາມ
ໃນມູນຄ່າ 43 ລ້ານໂດລາສະຫະລັດ ເປັນທາງປູຢາງ (ປະເພດ 3) ມີຄວາມຍາວ 68,2 ກິໂລແມັດ
ແລະ ມີຂົວ 8 ແຫ່ງ, ມີຄວາມກວ້າງ 6 ແມັດ
ແລະ ສາມາດຮັບນ້ຳໜັກໄດ້ປະມານ 9 ໂຕນ
ໂດຍໃຊ້ເວລາກໍ່ສ້າງປະ ມານ 42 ເດືອນ ຈຶ່ງສຳເລັດ ໂດຍແມ່ນບໍລິສັດປະສົມລາວຮ່ວມກໍ່ສ້າງຈຳກັດ
(LCC) ແລະ ບໍລິ ສັດທາງເລກ 18 (CEI 18) ຫວຽດນາມເປັນຜູ້ຮັບເໝົາກໍ່ສ້າງ.
ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ
ກ່າວວ່າ: ເສັ້ນທາງດັ່ງກ່າວເປັນໜຶ່ງໃນບັນດາເສັ້ນ ທາງເຊື່ອມຕໍ່ລະຫວ່າງປະເທດລາວ
ແລະ ຫວຽດນາມ ທີ່ມີຄວາມໝາຍສຳຄັນຍິ່ງເປັນເສັ້ນທາງບູລິມະສິດໃນແຜນພັດທະນາເສດຖະກິດ-ສັງຄົມຂອງລັດຖະບານເຊິ່ງໄດ້ຮັບທຶນຊ່ວຍເຫລືອ
ແລະ ກູ້ຢືມໄລຍະຍາວດ້ວຍດອກເບັ້ຍ ຜ່ອນຜັນຈາກລັດຖະບານຫວຽດນາມ. ອັນເປັນການສ້າງເງື່ອນໄຂໃຫ້ລາວມີທາງອອກສູ່ທະເລ
ແລະ ເປັນເສັ້ນ ທາງຜ່ານລະຫວ່າງບັນດາປະເທດໃນພາກພື້ນ ແລະ ອະນຸພາກພື້ນ, ສ້າງເງື່ອນໄຂໃຫ້ແກ່ການພັດທະນາເສດຖະ
ກິດ-ສັງຄົມຂອງ ສປປ ລາວ ໂດຍສະເພາະດ້ານການຄົມມະນາຄົມຂົນສົ່ງ, ການຄ້າ, ການລົງທຶນ,
ການທ່ອງ ທ່ຽວ ແລະ ການໄປມາຫາສູ່ລະຫວ່າງປະຊາຊົນສອງຊາດລາວ-ຫວຽດນາມ ເວົ້າສະເພາະແມ່ນບັນດາແຂວງພາກເໜືອຂອງສອງປະເທດໃຫ້ສະດວກຂຶ້ນກວ່າເກົ່າ.
No comments:
Post a Comment