ທ່ານ ສົມດວງ ດວງດີ ລັດ
ຖະມົນຕີວ່າການກະຊວງແຜນ ການ ແລະ ການລົງທຶນ, ຫົວໜ້າຄະນະຮັບຜິດຊອບວຽກງານ3
ສ້າງຂອງກະຊວງແຜນການ ແລະ ການລົງທຶນໄດ້ລາຍງານຕໍ່ກອງປະຊຸມວຽກງານ 3
ສ້າງທົ່ວປະເທດທີ່ໄດ້ຈັດຂຶ້ນໃນລະຫວ່າງວັນທີ 4-5 ກຸມພາ 2013
ສູນຝຶກອົບຮົມຍີ່ປຸ່ນ ແລະ ການຮ່ວມມືສາກົນວ່າ ການຈັດສັນງົບປະ
ມານລົງທຶນໃຫ້ແກ່ການປະຕິບັດວຽກງານ 3 ສ້າງເປັນສິ່ງຈຳເປັນ ຮີບດ່ວນ ແລະ
ບູລິມະສິດຂອງລັດຖະບານຊຶ່ງໃນສົກປີ 2013-2014 ກະຊວງແຜນການ ແລະ
ການລົງທຶນຈະໄດ້ຈັດສັນງົບປະມານໃນການລົງທຶນໃຫ້ເມືອງ 3 ສ້າງ,
ເມືອງໜຶ່ງປະມານ 3-5 ຕື້ກີບ
ເພື່ອຈັດສັນໃສ່ໂຄງການສືບຕໍ່ ແລະ ໂຄງການທີ່ນຳສະເໜີໃໝ່ຂອງເມືອງ,
ແຕ່ຖ້າແຂວງໃດມີເງື່ອນໄຂກໍສາມາດຈັດໃຫ້ຫລາຍກ່ວາ 5 ຕື້ກີບກໍໄດ້, ແຕ່ບໍ່ຢາກໃຫ້ຫລຸດ 3 ຕື້ກີບ.
ທ່ານ
ລັດຖະມົນຕີຍັງໄດ້ກ່າວຕື່ມອີກວ່າທຶນດັ່ງກ່າວສະເໜີໃຫ້ແຂວງແບ່ງໃຫ້ເມືອງແຕ່ຫົວທີ
ເພື່ອໃຫ້ເມືອງເປັນເຈົ້າການໃນການຈັດເຂົ້າໂຄງການທັນເວລາ,
ໝາຍຄວາມວ່າ ພາຍຫລັງກະ ຊວງແຜນການ ແລະ ການລົງທຶນແບ່ງເພດານການລົງທຶນໃຫ້ແຂວງແລ້ວ,
ສະເໜີໃຫ້ແຂວງແບ່ງເພດານໃຫ້ເມືອງ 3 ສ້າງຢ່າງທັນເວລາ,
ແຜນການລົງທຶນຂອງເມືອງ 3 ສ້າງຕ້ອງສະແດງອອກຢູ່ບ້ານທົດລອງ 3 ສ້າງເປັນ
ສ່ວນໃຫຍ່, ເມືອງທົດລອງ 3
ສ້າງຕ້ອງຈັດສັນໂຄງການໃຫ້ບ້ານທົດລອງເປັນຕົ້ນຕໍ,
ແຕ່ລະບ້ານທົດລອງຕ້ອງໄດ້ປະຕິບັດໂຄງການຢ່າງໜ້ອຍ 1 ໂຄງການຂຶ້ນໄປ,
ໂດຍເລັ່ງໃສ່ບ້ານທົດລອງຢູ່ເຂດຊົນນະບົດທີ່ຈະສ້າງເປັນຕົວເມືອງນ້ອຍໃນຂັ້ນຕໍ່ໄປ,
ສຳ
ລັບໂຄງການໃໝ່ທີ່ຈະຄົ້ນຄ້ວາເອົາເຂົ້າແຜນຂອງເມືອງຕ້ອງມີການປະເມີນຕາມມາດຕາ
26 ຂອງກົດໝາຍວ່າດ້ວຍການລົງ ທຶນຂອງລັດ,
ໂຄງການທີ່ບໍ່ໄດ້ຜ່ານການປະເມີນຈາກອົງການ ຫລື
ໜ່ວຍງານທີ່ມີສິດອຳນາດແມ່ນບໍ່ອະນຸຍາດໃຫ້ເອົາເຂົ້າແຜນເດັດຂາດ,
ອິງໃສ່ທຶນຮອນມີຈຳ ກັດ, ການຈັດສັນສະເໜີທຶນໃສ່ໂຄງການໃໝ່ຕ້ອງມີຈຸດສຸມ,
ມີການເລືອກເຟັ້ນຕາມບູລິມະສິດຂອງຂະແໜງການໃຫ້ໄປຕາມມາດຕາ 15
ຂອງກົດໝາຍວ່າດ້ວຍການລົງທຶນຂອງລັດ, ສຳ
ລັບໂຄງການສືບຕໍ່ໃຫ້ແຕ່ລະຂະແໜງການ ແລະ ທ້ອງຖິ່ນກວດ
ກາໄລຍະຊຳລະໂຄງການເພື່ອຈັດສັນທຶນໃຫ້ໄປຕາມສັນຍາໂຄງ
ການທີ່ໄດ້ຕົກລົງກັບຜູ້ຮັບເໝົາແຕ່ລະປີ.
No comments:
Post a Comment