ທສກ ສາຂາແຂວງຈຳປາສັກມອບເງິນລາງວັນໃຫ້ຜູ້ໂຊກດີເງິນຝາກທະວີໂຊກ2

       ພິທີມອບລາງວັນເງິນຝາກທະວີໂຊກ2ໃຫ້ແກ່ຜູ້ໂຊກດີຂອງທະນາຄານສົ່ງ ເສີມກະສີກຳສາຂາແຂວງຈຳປາສັກໄດ້ຈັດຂຶ້ນ ໃນວັນທີ27ກຸມພາ2013ຢູ່ອາຄານ ສຳນັກງານທະນາຄານດັ່ງກ່າວໂດຍ ທ່ານ ສຸວັນພົມມະລອງສີ ຫົວໜ້າສາຂາ ທກສ ເປັນຜູ້ ມອບລາງວັນດັ່ງກ່າວລວມມີເງິນສົດທັງຫມົດ 70 ລ້ານກີບ ໃນນັ້ນມອບ ໃຫ້ແກ່ຜູ້ໂຊກດີ ນາງ ສົມສະຫວັນ ວົງສຸວັນ ບ້ານທ່າ ຫີນ ເໜືອເມືອງປາກເຊ ແຂວງຈຳປາສັກ ຖືກລາງວັນທີIIIໄດ້ຮັບເງິນ ສົດ30ລ້ານກີບພ້ອມດ້ວຍລາງວັນທີ 5ໄດ້ຮັບເງິນສົດ 5 ລ້ານກີບ, ນາງ ຈັນສະໝອນບ້ານຫາດ, ເມືອງໂຂງ,ທ່ານ ນິຄົມ ມະນີແສງ ບ້ານ ທ່າຕານ ເມືອງຈຳປາສັກ ແລະ ນາງທອງໃສ ໝື່ນດວງ ບ້ານຫ້ວຍຍາງຄຳເມືອງປາກເຊ ໄດ້ຮັບລາງວັນຄົນ ລະ10ລ້ານກີບ.

         ສ່ວນການຈັດພິທີອອກສະຫຼາກເງິນຝາກທະວີໂຊກ 2 ຄັ້ງທີ I ປະຈຳສົກປີ 2013 ນີ້ໄດ້ຈັດຂຶ້ນຢ່າງ ເປັນທາງການໃນ ວັນທີ 18 ກຸມພາ2013ຢູ່ແຂວງບໍລິຄຳໄຊ. ສຳລັບສົກປີ 2013 ນີ້ ທະນາຄານສົ່ງເສີມກະສີກຳສາຂາແຂວງຈຳປາສັກຈະຈຳ ໜ່າຍສະຫຼາກໃຫ້ລູກຄ້າທັງໝົດໄດ້ປະມານ 4 ຕື້ກີບ ແລະ ສະເພາະການອອກສະຫຼາກເງິນຝາກທະວີໂຊກໃນຄັ້ງທີ 2 ຈະ ໄດ້ຈັດຂຶ້ນໃນວັນທີ 18/5/2013, ຄັ້ງທີ 3 ວັນ ທີ 18/8/2013 ແລະ ຄັ້ງສຸດທ້າຍໃນວັນທີ 18/12/2013.