ອີກບໍ່ເທົ່າໃດມື້,ການສະເຫລີມ
ສະຫລອງບຸນປີໃໝ່ຂອງຊາວຫວຽດ ນາມ ແລະ ຊາວຈີນກໍຈະມາເຖິງ. ສະ ນັ້ນ ເພື່ອເຮັດໃຫ້ການສະຫລອງບຸນດັ່ງກ່າວເຕັມໄປດ້ວຍບັນຍາກາດຟົດ
ຟື້ນມ່ວນຊື່ນ ແລະ ຮັບປະກັນໄດ້ຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍໃນສັງຄົມ,
ນະຄອນ ຫລວງວຽງຈັນຈຶ່ງໄດ້ເນັ້ນ 3 ບັນ ຫາສຳຄັນຜ່ານແຈ້ງການກ່ຽວກັບການສະເຫລີມສະຫລອງບຸນປີໃໝ່ຂອງພີ່ນ້ອງຊາວຈີນ
ແລະ ຫວຽດນາມ ລະຫວ່າງວັນທີ 9-10 ກຸມພານີ້.
ສຳລັບບັນຫາທີ່ນະຄອນຫລວງ ວຽງຈັນເນັ້ນໃຫ້ພີ່ນ້ອງຊາວຈີນ
ແລະ ຫວຽດນາມເອົາໃຈໃສ່ແມ່ນການສະເຫລີມສະຫລອງບຸນກຸດຈີນ-ບຸນເຕັດໃຫ້ຖືກຕ້ອງສອດ
ຄ່ອງກັບປະເພນີ-ວັດທະນະທຳ, ມີບັນຍາກາດມ່ວນຊື່ນ, ມີຄວາມສາມັກຄີຮັກແພງຢ່າງເລິກເຊິ່ງ,
ຮັບປະກັນຄວາມສະຫງົບປອດໄພ ແລະ ເປັນລະບຽບຮຽບຮ້ອຍຢ່າງໜັກແໜ້ນນັບທັງຢູ່ໃນບ່ອນທີ່ຈັດງານສະເຫລີມສະຫລອງ
ແລະໃນບ່ອນອື່ນໆ; ການຈັດບຸນຕ້ອງປະຢັດມັດທະຍັດ,ບໍ່ຫລິ້ນ ກິນຟຸມເຟືອຍ ເຮັດໃຫ້ເໝາະສົມກັບຖານະເສດຖະກິດຄອບຄົວ,
ບໍ່ສົ່ງຜົນສະທ້ອນຕໍ່ງົບປະມານຂອງທ້ອງຖິ່ນ ແລະຄອບຄົວຂອງ ຕົນ; ໃຫ້ບັນດາເມືອງ,
ພະແນກ ການ, ຫ້ອງການ, ກົມກອງອ້ອມຂ້າງນະຄອນຫລວງວຽງຈັນມີແຜນແປ້ອງກັນຄວາມສະຫງົບ,
ມີຄວາມເປັນລະບຽບຮຽບຮ້ອຍໃນ
ຂອບເຂດຕົນຮັບຜິດຊອບ, ຕັ້ງໜ້າເປັນເຈົ້າການປ້ອງກັນເວນຍາມ,
ຮັກສາຄວາມສະ ຫງົບພາຍໃນເຮືອນ,ບ້ານ,ສຳນັກງານອົງການ ແລະ ສະຖານທີ່ສຳຄັນຕ່າງໆ,ໃຫ້ເພີ່ມທະວີສະຕິລະວັງຕົວ
ແລະ ມີແຜນການຕອບຕ້ານກົນອຸບາຍມ້າງເພທຳລາຍຂອງສັດຕູ ແລະ ກຸ່ມຄົນບໍ່ດີທີ່ຈະກໍ່ໃຫ້ເກີດຂຶ້ນຢ່າງທັນການ,ຮັບປະກັນບໍ່ໃຫ້ມີເຫດການບໍ່ດີເກີດຂຶ້ນເຊັ່ນ:
ການກໍ່ສຽງແຕກ,ຫ້າມບໍ່ໃຫ້ຈູດໝາກກະໂພກ,ບັ້ງໄຟດອກທຸກຊະນິດເປັນອັນຂາດ,ຫ້າມທຸກຮ້ານຂາຍໝາກກະໂພກ-ບັ້ງໄຟດອກ
ແລະ ຫ້າມນຳເຂົ້າໝາກກະໂພກຢ່າງເດັດຂາດ, ໃຫ້ມີແຜນປ້ອງກັນຈຸດຫລໍ່ແຫລມ ແລະ
ຈຸດທີ່ມີຄວາມຫຍຸ້ງຍາກສັບສົນ, ຕ້ອງແບ່ງເຂດຄຸ້ມຄອງປ້ອງກັນຮັກສາຄວາມສະຫງົບປອດໄພໃຫ້ຈະແຈ້ງ
ເພື່ອບໍ່ໃຫ້ມີຊ່ອງຫວ່າງທີ່ບໍ່ມີຜູ້ໃດຮັບຜິດຊອບ. ພ້ອມທັງເອົາໃຈໃສ່ຍູ້ແຮງຂະບວນການອະນາໄມ,ປະດັບປະດາຕາມສຳ
ນັກງານ,ເຮືອນ, ບ້ານ,ວັດວາອາຮາມ,ຮ້ານ,ຖະໜົນຫົນທາງ, ສວນສາທາລະນະ ແລະສະຖານທີ່ຕ່າງໆໃຫ້ມີຄວາມສະອາດຈົບງາມ.
No comments:
Post a Comment