ເຖິງວ່າເຈົ້າໜ້າທີ່ຈະເພີ່ມທະວີການອອກລາດຕະເວນກວດກາ
ເພື່ອສະກັດກັ້ນ ແລະ ປ້ອງກັນບໍ່ໃຫ້ມີສະ ພາບການສ້າງຄວາມບໍ່ສະຫງົບຕໍ່ສັງຄົມເກີດຂຶ້ນປານໃດກໍຕາມ,ແຕ່ກຸ່ມຄົນບໍ່ດີກໍຍັງຊອກຫາຫລາຍວິທີເພື່ອພະຍາຍາມສວຍໂອກາດກໍ່ເຫດໃນຫລາຍຮູບການທີ່ມີເລ່ຫລ່ຽມເລິກແລບ
ແລະ ຫລົບຫລີກສາຍຕາຂອງເຈົ້າໜ້າທີ່ໂດຍສະເພາະແມ່ນບັນຫາປຸ້ນຈີ້-
ຊີງຊັບພົນລະເມືອງ ເປັນຕົ້ນແມ່ນບັນຫາການດຶງກະເປົາ ໂດຍໃນອາທິດຜ່ານມາມີຜູ້ເຄາະຮ້າຍ
4 ລາຍໄດ້ຕົກເປັນເຫຍື່ອ.
ກອງບັນຊາການ ປກສ ນະ ຄອນ ຫລວງວຽງຈັນ ໃຫ້ຮູ້ວ່າ:
ໃນອາທິດໜຶ່ງຜ່ານມາ ເກີດມີເຫດດຶງກະເປົາຈຳນວນ 4 ຄັ້ງ ຢູ່ນະ ຄອນຫລວງວຽງຈັນ
ຄືໃນເວລາ 10:30 ໂມງ ຂອງວັນທີ 29 ມັງ ກອນຜ່ານມາ ມີຄົນຮ້າຍ 2 ຄົນ ດຶງກະເປົາຍິງສາວຄົນໜຶ່ງຢູ່ເຂດໜ້າໂຮງຮຽນມັດທະຍົມສົມບູນວຽງຈັນຂະນະທີ່ຜູ້ກ່ຽວບໍ່ຍອມປ່ອຍ,ຄົນຮ້າຍທັງສອງໄດ້ທຳຮ້າຍຮ່າງກາຍຍິງສາວຄົນດັ່ງກ່າວຈົນໄດ້ຮັບບາດເຈັບສົມ
ຄວນ ກ່ອນເອົາກະເປົາຫລົບໜີໄປ ໂດຍພາຍໃນກະເປົາມີເງິນ 4 ແສນກີບ, 700 ໂດ
ລາສະຫະລັດ,
1.000 ບາດ, 2 ແສນດົງ ແລະ ສະ ກຸນເງິນກຳປູເຈຍຈຳນວນໜຶ່ງ ພ້ອມບັດ ATM, ໂທລະສັບມືຖື
ແລະ ເອກະສານສຳຄັນຈຳນວນໜຶ່ງ. ໃນວັນທີ 4 ກຸມພາ 2013 ເວລາປະມານ 24:00 ໂມງ
ເກີດເຫດການຄົນຮ້າຍ 2 ຄົນ ຂີ່ລົດຈັກມາດຶງກະເປົານັກທ່ອງທ່ຽວຊາວຍີ່ປຸ່ນເຂດເສັ້ນທາງແຄມຂອງ
ບ້ານວັດຈັນ ເມືອງຈັນທະບູລີ ນະ ຄອນຫລວງວຽງຈັນ ພາຍໃນກະເປົາປະກອບມີກ້ອງວີດີໂອ
1 ໜ່ວຍ, ກ້ອງຖ່າຍຮູບ 1 ໜ່ວຍ, ຄອມພິວເຕີໂນ໊ດບຸກ 1 ໜ່ວຍ, ໄອແພັດ 1 ໜ່ວຍ, ໂມງ
1 ໜ່ວຍ ແລະ ວັດຖຸມີຄ່າຈຳນວນໜຶ່ງ ແລະ ໃນມື້ດຽວກັນ ເວລາປະມານ 11:30 ໂມງ,ເກີດເຫດຄົນຮ້າຍ
2 ຄົນ ຂີ່ລົດຈັກດຶງກະເປົາຢູ່ເຂດບ້ານບຶງຂະຫຍອງ ເມືອງສີສັດຕະນາກ ນະຄອນຫລວງວຽງຈັນ
ພາຍໃນກະເປົາຂອງຜູ້ເສຍຫາຍປະກອບມີເງິນ 1 ລ້ານກີບ, 100 ກວ່າໂດລາສະຫະລັດ,
ໂທລະສັບ 1 ໜ່ວຍ ແລະ ເອກະສານສຳຄັນຈຳນວນໜຶ່ງ ແລະ ເວລາປະມານ 10:30 ໂມງຂອງວັນທີ
4 ກຸມພາ 2013 ເຊັ່ນດຽວກັນ,ຄົນຮ້າຍຈຳນວນ 2 ຄົນ ຂີ່ລົດຈັກກໍ່ເຫດດຶງກະເປົາຢູ່ຕໍ່ໜ້າຫ້ອງວ່າການປົກຄອງນະ
ຄອນຫລວງວຽງຈັນ ເຮັດໃຫ້ຜູ້ເສຍຫາຍທີ່ຂີ່ລົດຈັກລົ້ມລົງຕຳເສົາໄຟຟ້າຂ້າງທາງບາດເຈັບເລັກໜ້ອຍ
ແລະ ຄົນຮ້າຍໄດ້ເອົາກະເປົາໄປ ພາຍໃນມີໃບຕາດິນ 1 ຊຸດ ແລະ ເອກະສານສຳຄັນອື່ນໆ.
ຕໍ່ບັນຫາດັ່ງກ່າວເຫັນວ່າສະ ພາບການດຶງກະເປົາແມ່ນຍັງເກີດມີຢ່າງລຽນຕິດ
ເຊິ່ງໄດ້ສ້າງຄວາມເສຍຫາຍທາງດ້ານຊັບສິນ ແລະ ສຸຂະພາບ. ດັ່ງນັ້ນ ເພື່ອຫລີກເວັ້ນຄວາມສູນເສຍທີ່ອາດຈະເກີດຂຶ້ນຄືດັ່ງກ່າວ
ເຈົ້າໜ້າທີ່ຈຶ່ງເຕືອນມາຍັງຜູ້ເດີນທາງໄປມາ ໂດຍສະເພາະຜູ້ທີ່ຂັບຂີ່ລົດຈັກ
ຫລື ຍ່າງຕາມທາງ ຈົ່ງມີສະຕິລະມັດ ລະວັງຂຶ້ນຕື່ມ ໂດຍສະເພາະແມ່ນການພົກພາກະເປົາໄປມາ
ຄວນໃຫ້ມີການປົກປິດໃຫ້ດີ ເພື່ອບໍ່ໃຫ້ຕົກເປັນເປົ້າລໍ້ສາຍຕາຂອງກຸ່ມຄົນບໍ່ດີ.
No comments:
Post a Comment