ພາຍຫລັງໂຄງການກໍ່ສ້າງເສັ້ນທາງແຕ່ຫົວຂົວ-ບ້ານນາຄວາຍ
ມີການຢຸດດຳເນີນການກໍ່ສ້າງມາໄດ້ຫລາຍເດືອນ ເຮັດໃຫ້ຜູ້ທຽວທາງຜ່ານໄປມາໃນເສັ້ນທາງດັ່ງກ່າວເກີດຂໍ້ສົງໄສວ່າ:
ຜູ້ຮັບເໝົາກໍ່ສ້າງໂຄງການດັ່ງກ່າວຈະມີການດຳເນີນການກໍ່ສ້າງຕໍ່ ຫລື ບໍ່
? ອີກດົນປານໃດຈະສຳເລັດ ? ເພາະວ່າສ້າງຄວາມຫຍຸ້ງຍາກລຳບາກຫລາຍຕໍ່ການສັນຈອນໄປມາ.
ແນວໃດກໍຕາມ,ນັກຂ່າວໜັງສືພິມລາວພັດທະນາໄດ້ສອບຖາມທ່ານ ສຸກ ວົງສາ ຫົວໜ້າໂຄງການກໍ່ສ້າງເສັ້ນທາງດັ່ງກ່າວ
ແລະ ໄດ້ຄຳຕອບວ່າ: ການກໍ່ສ້າງເສັ້ນທາງດັ່ງກ່າວຈະຕ້ອງສຳເລັດຕາມແຜນການທີ່ຜູ້ຮັບເໝົາໄດ້ເຊັນສັນ
ຍາກັບພະແນກໂຍທາທິການ ແລະ ຂົນສົ່ງນະຄອນຫລວງແນ່ ນອນ.
ທ່ານ ສຸກ ວົງສາ ກ່າວວ່າ: ໂຄງການກໍ່ສ້າງເສັ້ນທາງດັ່ງ
ກ່າວມີຄວາມຍາວ 7 ກິໂລແມັດ, ປູອັດສະຟານ ມີມູນຄ່າກໍ່ສ້າງປະມານ 152 ຕື້ກີບ.ການກໍ່ສ້າງໄດ້ລົງມືພາຍຫລັງມີພິທີເຊັນສັນຍາລະຫວ່າງພະແນກໂຍທາທິການ
ແລະ ຂົນສົ່ງ ກັບບໍລິສັດກໍ່ສ້າງ ແລະ ຊຸກຍູ້ກະສິກຳ ເປັນຜູ້ຮັບເໝົາໃນວັນທີ
1 ທັນວາ 2011. ການກໍ່ສ້າງໃຊ້ເວລາ 30 ເດືອນ, ແຕ່ຍ້ອນມີຫລາຍ
ບັນຫາຈາກຜູ້ຮັບເໝົາ
ຈຶ່ງເຮັດໃຫ້ການກໍ່ສ້າງເສັ້ນທາງດັ່ງກ່າວມີຄວາມຊັກຊ້າ ເນື່ອງຈາກວ່າມາຮອດປັດຈຸບັນມີຄວາມຄືບໜ້າບໍ່ຮອດ
20% ຂອງການກໍ່ສ້າງທັງໝົດ. ຈາກບັນຫາດັ່ງກ່າວຈຶ່ງເຮັດໃຫ້ເກີດມີຫາງສຽງຈາກສັງຄົມເວົ້າລວມ,
ເວົ້າ ສະເພາະແມ່ນປະຊາຊົນທີ່ຜ່ານໄປມາໃນເສັ້ນທາງດັ່ງກ່າວໄດ້ສະແດງຄວາມເປັນຫ່ວງວ່າ
ໂຄງການອາດຈະບໍ່ສຳເລັດຕາມກຳນົດ ແລະ ອາດຈະສ້າງຄວາມຫຍຸ້ງຍາກໃນການໄປມາຫລາຍກວ່າເກົ່າໃນລະດູຝົນ.ຍ້ອນສາເຫດດັ່ງກ່າວມາໃນວັນທີ
6 ກຸມພານີ້,ພະແນກໂຍທາທິການ ແລະ ຂົນສົ່ງ ຈຶ່ງໄດ້ມີກອງປະຊຸມກັບຜູ້ຮັບເໝົາເພື່ອຫາແນວ
ທາງໃນການສືບຕໍ່ດຳເນີນການກໍ່ສ້າງ ໂດຍພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ
ໄດ້ຊຸກຍູ້ໃຫ້ບໍລິສັດຜູ້ຮັບເໝົາເອົາໃຈໃສ່ປະຕິບັດແຜນງານໃນໂຄງ ການຂອງຕົນຮັບຜິດຊອບໃຫ້ໄປຕາມສັນຍາທີ່ໄດ້ເຊັນໃນກ່ອນໜ້ານັ້ນ.
ຂະນະດຽວກັນ,ຜູ້ຮັບເໝົາກໍເຫັນດີຈະສືບຕໍ່ການກໍ່ສ້າງ
ເພື່ອໃຫ້ສຳເລັດຕາມແຜນເພື່ອສ້າງຄວາມສະດວກສະບາຍໃນການສັນຈອນໄປມາ ແລະ ຫລຸດຜ່ອນຄວາມແອອັດໃນເສັ້ນທາງດັ່ງ
ກ່າວ.
No comments:
Post a Comment