laophatthananewspaper: ວາງສີລາເລີດບູລະນະ ແລະ ຂະຫຍາຍເຂດຮ່ອງຮອຍປະຫວັດສາດເຈົ້າໄຊເສດຖາຢູ່ແຂວງອັດຕະປື

ໃນຕອນເຊົ້າວັນທີ 26 ກຸມພາຜ່ານມານີ້, ຢູ່ທີ່ເມືອງໄຊເສດຖາ ແຂວງອັດຕະປື ໄດ້ຈັດພິທີວາງສີລາເລກ ເພື່ອບູລະນະ ແລະ ຂະຫຍາຍເຂດຮ່ອງຮອຍປະ ຫວັດສາດວັດເຈົ້າໄຊເສດຖາໂດຍການເປັນກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ,ທ່ານ ສົມສະຫວາດ ເລັ່ງສະ ຫວັດ ຮອງນາຍົກລັດຖະມົນຕີ ແຫ່ງ ສປປ ລາວ,ທ່ານ ຫງວຽນ ຊວນ ຟຸກ ຮອງ ນາຍົກລັດຖະ ມົນຕີແຫ່ງ ສສ ຫວຽດນາມ ພ້ອມດ້ວຍການນຳຂັ້ນສູງຂອງ ລາວ-ຫວຽດນາມ. ການບູລະນະດັ່ງກ່າວແມ່ນໄດ້ຮັບການຊ່ວຍເຫລືອລ້າຈາກທະນາຄານລົງທຶນ ແລະ ພັດທະນາຫວຽດນາມ ແລະ ກຸ່ມບໍລິສັດຮວ່າງແອງ ຢາລາຍ ເພື່ອມອບເປັນຂອງຂວັນໃຫ້ແກ່ແຂວງອັດຕະປື ທີ່ເປັນຖິ່ນຖານບ້ານເກີດຂອງປະ ທານປະເທດ ຈູມມາລີ ໄຊຍະສອນ.

ທ່ານ ເຈີນ ບັກ ຮ່າ ຜູ້ອຳນວຍ ການໃຫຍ່ທະນາຄານລົງທຶນ ແລະ ພັດທະນາຫວຽດນາມ ກ່າວວ່າ: ປະເທດລາວເປັນປະເທດໜຶ່ງທີ່ນັບຖືສາສະໜາພຸດເປັນສິ່ງສັກ ສິດມາແຕ່ດົນນານ ແລະ ຍັງເອີ້ນ ວ່າເປັນປະເທດລ້ານຊ້າງ ບໍ່ວ່າຈະຢູ່ແຫ່ງຫົນໃດໃນປະເທດລາວກໍຈະພົບເຫັນວັດວາອາຮາມອັນເກົ່າແກ່ຫລາຍແຫ່ງ, ໃນນັ້ນ ວັດທາດແມ່ນເປັນບ່ອນສັກກາລະບູຊາເຈົ້າໄຊເສດ

ຖາ ແລະ ທັງເປັນໜຶ່ງໃນບັນດາຮ່ອງຮອຍປະ ຫວັດສາດທີ່ສຳຄັນແລະນັບຖືບູ ຊາ ເຊິ່ງກໍ່ຕັ້ງຂຶ້ນປະມານ 400 ປີກ່ອນ, ສະຖານທີ່ນີ້ຍັງເປັນບ່ອນອະນຸລັກຮັກສາອັດຖິຂອງເຈົ້າຊີ ວິດຜູ້ຍິ່ງໃຫຍ່ໃນປະຫວັດສາດຂອງຊາດລາວ, ເຈົ້າຊີວິດ ໄຊເສດຖາ ຫລື ເອີ້ນອີກຢ່າງໜຶ່ງວ່າ: ເຈົ້າໄຊເສດຖາທິລາດ ແລະ ພາຍໃຕ້ການນຳພາຂອງເຈົ້າໄຊເສດຖາທິລາດ ຈຶ່ງເຮັດໃຫ້ລາວລ້ານຊ້າງກາຍເປັນປະເທດທີ່ເຂັ້ມແຂງ ແລະ ຍັງເປັນຂອງປວງຊົນລາວ ເວລານັ້ນ ຜູ້ເຕົ້າໂຮມຄວາມສາ ມັກຄີ ແລະ ວັດແຫ່ງນີ້ປະກອບມີຫລາຍປັດໄຈທີ່ອຸດົມສົມບູນທາງດ້ານທຳມະຊາດ, ທາງດ້ານທີ່ຕັ້ງພູມສັນຖານທີ່ອຳນວຍ ຄວາມສະດວກໃຫ້ແກ່ການພັດ ທະນາເສດຖະກິດຂອງປະເທດ, ລະບອບການປົກຄອງ, ການປ້ອງກັນຄວາມສະຫງົບໜາແໜ້ນສະ ດວກ ແລະ ການເປີດກວ້າງສາຍພົວພັນກັບປະເທດເພື່ອນບ້ານທີ່ໃກ້ຄຽງ. ພ້ອມນັ້ນ ເຈົ້າໄຊເສດຖາທິລາດຍັງເປັນຜູ້ນຳທີ່ເກັ່ງກ້າທາງດ້ານວິຊາສະເພາະ ແລະ ສະ ຕິປັນຍາ. ທ່ານຍັງເປັນຜູ້ທີ່ຄິດຄົ້ນເອົາພາສາລາວເຂົ້າມານຳໃຊ້ຈົນເຖິງທຸກວັນນີ້ ແລະ ຍັງເປັນຜູ້ສ້າງສາວັດວາອາຮາມຫລາຍແຫ່ງເຊັ່ນ: ວັດຊຽງທອງ ແຂວງຫລວງພະບາງ, ວັດພະແກ້ວ ນະ ຄອນຫລວງວຽງຈັນ ແລະ ເພື່ອລະນຶກເຖິງຄຸນງາມຄວາມດີຂອງພະອົງຜູ້ມີພະຄຸນຕໍ່ປະຊາຊົນລາວ ຈຶ່ງໄດ້ມີການກໍ່ສ້າງຮູບປັ້ນຂອງພະອົງຂຶ້ນຢູ່ຕໍ່ໜ້າພະທາດຫລວງ ນະຄອນຫລວງວຽງຈັນ. ດັ່ງນັ້ນ ເພື່ອເປັນການສະແດງເຖິງຄວາມຮູ້ບຸນຄຸນ ແລະ ລະນຶກເຖິງຄຸນ ງາມຄວາມດີຂອງເຈົ້າໄຊເສດຖາວິລະບູລຸດຂອງຄົນລາວບັນດາເຜົ່າ, ທະນາຄານລົງທຶນ ລາວ- ຫວຽດນາມ ແລະ ກຸ່ມຮວ່າງແອງ ຢາລາຍ ໄດ້ສະເໜີ ແລະ ໄດ້ຮັບອະນຸຍາດຈາກລັດຖະບານລາວ ພ້ອມກັບອຳນາດການປົກຄອງທ້ອງຖິ່ນຂອງແຂວງອັດຕະປືໃນການກໍ່ສ້າງສະຖານທີ່ສັກກາລະບູຊາທີ່ເຕັມໄປດ້ວຍຄວາມໝາຍທາງດ້ານປະຫວັດສາດ ແລະ ໃນ ຕໍ່ໜ້າ ຈະກາຍເປັນສະຖານທີ່ທ່ອງທ່ຽວທີ່ສຳຄັນຂອງແຂວງອັດຕະປື ເຊິ່ງການກໍ່ສ້າງຈະມີທາດເຈົ້າໄຊເສດຖາ, ຫໍມູນເຊື້ອ, ຫໍຕີຄ້ອງ, ເສັ້ນທາງສັນຈອນ, ລະ ບົບໄຟ ລວມມູນຄ່າການກໍ່ສ້າງທັງໝົດຫລາຍກວ່າ 2 ລ້ານໂດລາສະຫະລັດ. ຄາດວ່າຈະສຳເລັດການກໍ່ສ້າງໃນເດືອນພະຈິກ 2014 ນີ້.