ປະດິດສະຖານຮູບຫລໍ່ເຫມືອນອົງແກ້ວຂຶ້ນແຖ່ນ

          ພິທີປະດິດສະຖານຮູບຫລໍ່ເໝືອນອົງແກ້ວ (ຜູ້ມີບຸນ) ວິລະບູລຸດຂອງ ຊາດລາວເປັນອີກຫນຶ່ງພິທີທີ່ ມີຄວາມຫມາຍ, ຄວາມສຳຄັນທາງດ້ານປະຫວັດ ສາດຂອງຊາດລາວເວົ້າລວມ, ເວົ້າສະເພາະກໍຄືຂອງແຂວງສາລະວັນ;ນັບວ່າເປັນ ເວລາຄອງຄອຍມາດົນນານສົມຄວນທີ່ປະຊາຊົນບັນ ດາເຜົ່າແຂວງສາລະວັນທີ່ມີ ຄວາມມຸ້ງຫວັງອັນແຮງກ້າເພື່ອສ້າງອະນຸສາວະລີອົງແກ້ວວິລະບູລຸດຂອງຊາດລາວ ໃນວັນທີ 23 ກຸມພາ 2013 ຢູ່ ແຂວງສາລະວັນໄດ້ມີການເຄື່ອນຍ້າຍ ແລະ ປະດິດສະຖານຮູບຫລໍ່ເໝືອນອົງແກ້ວຂຶ້ນປະດິດສະຖານເທິງ ແຖ່ນ ຢູ່ສວນອະນຸສາວະລີ 3 ແຍກບ້ານນາໂດນເມືອງ ແລະ ແຂວງສາລະວັນ ໂດຍພາຍໃຕ້ການນຳພາ ຂອງຄະນະນຳຂັ້ນສູນກາງ ແລະ ໃຫ້ກຽດເຂົ້າຮ່ວມໂດຍທ່ານ ບົວສອນ ບຸບຜາວັນ, ອະດີດນາຍົກລັດຖະມົນຕີ ແຫ່ງ ສປປ ລາວ, ທ່ານ ຄຳບຸ່ນ ດ້ວງ ປັນຍາ, ກຳມະການສູນກາງພັກ, ເລຂາພັກແຂວງ, ເຈົ້າແຂວງ ສາລະວັນ, ທ່ານ ພັນເອກ ຄຳເຜີຍ ບຸດດາວຽງ, ກຳມະການສູນກາງພັກ, ເລຂາພັກແຂວງ, ເຈົ້າແຂວງເຊກອງ, ທ່ານ ດຣ.

ບຸນທ່ຽງ ສີລິປະພັນ, ຫົວຫນ້າກົມວິຈິດສິນຖະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ, ທ່ານ ວັນນະສຸກຈຳປາຄຳ, ກຳມະການພັກແຂວງ, ຫົວຫນ້າພະແນກຖະແຫລງຂ່າວ-ວັດທະນະທຳ ແລະ ທ່ອງທ່ຽວ ແຂວງສາລະວັນພ້ອມດ້ວຍຄະ ນະປະຈຳພັກແຂວງ, ກຳມະການພັກແຂວງ, ບັນດາເລຂາພັກເມືອງ 8 ຕົວ ເມືອງທົ່ວແຂວງ, ຫົວຫນ້າພະແນກການອ້ອມ ຂ້າງແຂວງ, ພະນັກງານສະມາຊິກພັກຫລັກ ແຫລງ, ພະນັກງານ ນັກຮົບ ແລະ ພີ່ນ້ອງປະຊາຊົນບັນດາເຜົ່ານັກຮຽນ, ນັກສຶກສາເຂົ້າຮ່ວມຫລາຍກວ່າພັນຄົນ.   ການສ້າງອະນຸສາວະລີອົງແກ້ວວິລະບູລຸດຂອງຊາດລາວໂດຍພັກ-ລັດຖະບານໄດ້ອະນຸ ຍາດໃຫ້ 2 ແຂວງ ຄື: ແຂວງ ສາລະ ວັນ ແລະ ແຂວງເຊກອງສ້າງອະນຸສາວະລີອົງແກ້ວໃນຈຸດທີ່ມີຄວາມຫມາຍ, ຄວາມສຳຄັນທີ່ສຸດຂອງແຂວງ ຕົນເພື່ອເປັນສະຖານທີ່ສັກກະລະບູຊາ ແລະ ເປັນອະນຸສາວະລີມິ່ງຂວັນ ຄູ່ບ້ານຄູ່ເມືອງ ຂອງຕົນເຊິ່ງພິທີດັ່ງ ກ່າວນີ້ມັນໄດ້ເຮັດໃຫ້ຄວາມຝັນຂອງປະຊາຊົນລາວບັນດາເຜົ່າໄດ້ກາຍເປັນຄວາມຈິງ. ໃນຕອນເຊົ້າເວລາ 5:00 ໂມງຂອງວັນດຽວກັນກໍໄດ້ດຳເນີນພິທີທາງສາສະຫນາເພື່ອບອກກ່າວເຖິງດວງວິນຍານຂອງທ່ານອົງແກ້ວຢູ່ທາດກອງຫີນ ບ້ານໂພນແກ້ວ ເມືອງ ແລະ ແຂວງສາລະວັນ; ຫລັງຈາກເຄື່ອນຍ້າຍຮູບປັ້ນຫລໍ່ເໝືອນອົງ ແກ້ວມາ ຈາກນະຄອນຫລວງວຽງຈັນ ໃນວັນທີ 20 ກຸມພາ 2013 ເຂົ້າສູ່ດິນແດນຖິ່ນຖານກຳເນີດຂອງບັນພະບູລຸດ ມີຄະນະນຳຂອງເມືອງປະຊາຊົນທະຫານ, ຕຳຫລວດ, ພໍ່ຄ້າຊາວຂາຍ, ພະນັກງານສະມາຊິກພັກ, ນ້ອງ ນ້ອຍ ນັກຮຽນຈາກເມືອງລະຄອນເພັງ, ເມືອງຄົງເຊໂດນ ແລະ ເມືອງວາປີ ແຂວງສາລະວັນພາກັນສະແດງຄວາມ ຈົງຮັກພັກດີຕໍ່ບັນພະບູລຸດຜູ້ນຳຊົນເຜົ່າທີ່ບໍ່ເຄີຍຍອມແພ້ຕໍ່ພວກຈັກກະພັດມາຮຸກຮານລາວເວົ້າລວມ, ເວົ້າສະ ເພາະກໍຄືອົງແກ້ວວິລະບູລຸດຂອງຊາດລາວຜູ້ນຳຊົນເຜົ່າທີ່ຫວງແຫນຜືນແຜ່ນດິນເກີດຂອງຕົນ, ປົກປ້ອງປະຊາ ຊົນບັນດາເຜົ່າດ້ວຍຊີວິດ ແລະ ຈິດໃຈອັນສູງສົງຂອງເພິ່ນເມື່ອລົດຂະບວນຮູບຫລໍ່ເໝືອນອົງ ແກ້ວ ວິລະບູລຸດ ຂອງຊາດລາວ ແລ່ນຜ່ານບັນດາເມືອງດັ່ງກ່າວ ເຕັມໄປດ້ວຍຜູ້ຄົນຢືນລຽນແຖວສອງຟາກທາງພາກັນຖືທຸງຊາດ, ທຸງພັກ, ສຽງຮ້ອງຊົມເຊີຍຢ່າງຄືກຄື້ນ ແລະ ເຕັມໄປດ້ວຍຄວາມປິຕິຊົມຊື່ນຜູ້ເຖົ້າຜູ້ແກ່, ລຸງປ້າອາວອາຕ່າງກໍ ພາກັນເອົາດອກຈຳປາຂາວມາສັກກະລະບູຊາຕາມຖະຫນົນຫົນທາງຕະຫລອດທາງຈົນຮອດເມືອງສາລະວັນ ເພື່ອທຳພິທີປະດິດສະຖານຂຶ້ນເທິງແຖ່ນໃນພິທີໄດ້ມີການເຄື່ອນຍ້າຍຮູບຫລໍ່ເໝືອນອອກຈາກສະໂມສອນ ໃຫຍ່ຂອງແຂວງໄປສູ່ຈຸດເລີ່ມຕົ້ນ 3 ແຍກອະນຸສາວະລີອົງແກ້ວບ້ານນາ ໂດນເພື່ອແຮ່ອ້ອມເທສະບານ ແຂວງສາລະວັນ 1 ຮອບໃນເວລາ 7:00 ໂມງເຊົ້າ ເຊິ່ງເປັນເລີກງາມຍາມດີໃນທາມກາງບັນຍາກາດທີ່ ຟົດຟື້ນມ່ວນຊື່ນຂອງບັນດາປວງຊົນບັນດາເຜົ່າໃນທົ່ວແຂວງທີ່ອອກມາຕ້ອນຮັບອົງແກ້ວວິລະບູລຸດຂອງຊາດ ລາວ ໃນນາມຂອງຜູ້ມີບຸນທີ່ປະຊາຊົນບັນດາເຜົ່າສະໄຫມກ່ອນໃຫ້ສັນຍານາມ; ຫລັງຈາກນັ້ນກໍໄດ້ທຳພິທີ ທາງສາສະຫນາອີກຄັ້ງເພື່ອອັງເຊີນຂຶ້ນປະດິດສະຖານຢູ່ເທິງແຖ່ນທີ່ອະນຸສາວະລີ 3 ແຍກບ້ານນາໂດນເມືອງ ແລະ ແຂວງສາລະວັນໃນຮູບຊົງລັກສະນະທ່າທາງຢືນສະຫງ່າຜ່າເຜີຍ ແລະ ອົງອາດກ້າຫານແຂນເບື້ອງ ຂວາຍົກຂຶ້ນກຳມືເຊິ່ງຫມາຍເຖິງໃຫ້ປະຊາຊົນບັນດາເຜົ່າເຕົ້າໂຮມຄວາມສາມັກຄີເປັນອັນຫນຶ່ງອັນດຽວ, ມື ເບື້ອງຊາຍຈັບດາບເຊິ່ງເປັນອາວຸດປະຈຳຕົວຂອງເພິ່ນ; ຮູບຫລໍ່ເໝືອນອົງແກ້ວຫລໍ່ດ້ວຍທອງສຳລິດ, ລວງສູງ 4,70 ແມັດ, ນ້ຳຫນັກ 4 ໂຕນກວ່າ. ການປະດິດສະຖານຮູບຫລໍ່ເໝືອນອົງແກ້ວແມ່ນສະແດງເຖິງຄວາມ ກະຕັນຍູກະຕະເວທີຕໍ່ຜູ້ທີ່ມີຜົນງານ ແລະ ຄຸນງາມຄວາມດີຊຶ່ງໄດ້ນຳພາປະຊາຊົນຢູ່ເຂດໃຕ້ຂອງລາວລຸກຂຶ້ນຕໍ່ ສູ້ຕ້ານກັບຈັກກະພັດຜູ້ຮຸກຮານເຖິງແມ່ນເວລາມາຮອດປັດຈຸບັນເກືອບ 200 ປີ ແຕ່ຊື່ສຽງຮຽງນາມຂອງອົງ ແກ້ວຍັງກ້ອງກັງວານໃນດວງໃຈຂອງພວກເຮົາຈົນຕະຫລອດການ, ການປະດິດສະຖານຮູບຫລໍ່ເໝືອຂອງອົງ ແກ້ວຈະກາຍເປັນສູນລວມຈິດໃຈໃນການເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າທັງເປັນສະຖານ ທີ່ສັກສິດເພື່ອເຄົາລົບບູຊາ ແລະ ເປັນອະນຸສາວະລີມິ່ງຂວັນຄູ່ບ້ານ, ຄູ່ເມືອງ. ທັງນີ້ກໍເພື່ອປູກຈິດສຳນຶກທາງ ດ້ານຈິດໃຈຟົດຟື້ນປະຕິວັດແນໃສ່ອົບຮົມບົ່ມສອນໃຫ້ຄົນຮຸ່ນ ຫລັງເພື່ອສືບສານມູນເຊື້ອອົງອາດກ້າແກ່ນ, ມູນເຊື້ອຕໍ່ສູ່ແບບບໍ່ຍອມຈຳນົນ, ມີຈິດໃຈຄຽດແຄ້ນຕໍ່ສັດຕູຜູ້ຮຸກຮານ  ແລະ ແນ່ ໃສ່ສຶກສາອົບຮົມເພື່ອເສີມ ຂະຫຍາຍລັດທິວິລະຊົນແຫ່ງຊາດເພື່ອໃຫ້ດວງວິນຍານຂອງອົງແກ້ວຄຸ້ມຄອງປົກປັກຮັກສາແຂວງສາລະວັນ ກໍຄືປະຊາຊົນບັນດາເຜົ່າໃຫ້ມີຄວາມປົກຄຸມຊຸ່ມເຢັນ, ປອດໄພ ແລະ ໃຫ້ແຂວງສາລະວັນມີແຕ່ຄວາມຈະ ເລີນຮຸ່ງເຮືອງກ້າວຫນ້າຍິ່ງຂຶ້ນໄປ. ການເຄື່ອນຍ້າຍຮູບປັ້ນຫລໍ່ເຫມືອນອົງແກ້ວວິລະບູລຸດຂອງຊາດກ່ອນມີ ພັກນຳພາຈາກນະຄອນຫລວງວຽງຈັນເຖິງສາລະວັນຈົນສຳເລັດພິທີປະດິດສະຖານເທິງແຖ່ນທີ່ສວນອະນຸສາ ວະລີອົງແກ້ວ ດຍແມ່ນບໍລິສັດ ດາວເຮືອງສົ່ງກໍ່ສ້າງຂົວທາງຈຳກັດສຳນັກງານຕັ້ງຢູ່ນະຄອນຫລວງວຽງຈັນ.