ໃນວັນທີ 12-15 ກຸມພານີ້, ທີມງານຜ່າຕັດໂຮງໝໍແມ່
ແລະ ເດັກແດງ ນຳໂດຍທ່ານ ຮສ. ດຣ. ບົວວັນ ແສນສະຖິດ ອຳນວຍການໂຮງໝໍແມ່ ແລະ
ເດັກສູນກາງ ພ້ອມດ້ວຍທ່ານ Urs Lauper ຫົວໜ້າໂຄງການລາວ-ສະວິດ ໄດ້ລົງເປີດຫ້ອງຜ່າຕັດໃຫ້ແກ່ໂຮງໝໍເມືອງຄູນເປັນທາງການແລ້ວ
ແລະ ໃນໂອກາດດັ່ງກ່າວ, ທີມ ງານຜ່າຕັດຂອງໂຮງໝໍເມືອງຄູນ ສົມທົບກັບທີມງານຜ່າຕັດມາຈາກໂຮງໝໍແມ່
ແລະ ເດັກແດງສູນກາງ ໄດ້ຜ່າຕັດ 5 ກໍລະນີ ຄືຜ່າຕັດກ້ອນເບົ້າມົດລູກ 2 ກໍລະນີ,
ຜ່າຕັດເອົາລູກອອກ 2 ກໍລະນີ ແລະຜ່າຕັດລູກນອກພົກ
1 ກໍລະນີ ການຜ່າຕັດປະສົບຜົນສຳເລັດ ແລະ ບໍ່ມີອາການສົນຫຍັງເກີດຂຶ້ນ ຍ້ອນວ່າຜ່ານມາໂຮງໝໍແມ່
ແລະ ເດັກ ໄດ້ເລືອກເອົາພະນັກ ງານຂອງໂຮງໝໍເມືອງຂັ້ນສູນກາງສ້າງທີມງານຜ່າຕັດຄົບຊຸດ
ລວມມີທ່ານໝໍຜ່າຕັດ, ທ່ານໝໍວາງຢາສະຫລົບ ຫລື ຟື້ນຟູຊີບ, ພະຍາບານສົ່ງເຄື່ອງມື,
ພະຍາ ບານຊ່ວຍຊີບເດັກເກີດໃໝ່ເປັນເວລາ 1 ປີ ຢູ່ໂຮງໝໍແມ່ ແລະ ເດັກ ໂດຍການສະໜັບ
ສະໜູນທຶນຈາກໂຄງການຮ່ວມມືລາວ- ສະວິດ. ພ້ອມນັ້ນ ໂຄງການດັ່ງ ກ່າວໄດ້ປະກອບເຄື່ອງມືວາງ
ຢາສະຫລົບ, ໂຕະຜ່າຕັດ, ດອກໄຟຜ່າຕັດ ພ້ອມດ້ວຍເຄື່ອງມືຜ່າຕັດສຸກເສີນຄົບຊຸດໃຫ້ໂຮງໝໍເມືອງດັ່ງກ່າວສາມາດຜ່າຕັດສຸກເສີນດ້ານປະສູດ-ພະຍາດຍິງໄດ້.
ຜ່ານມາຖ້າມີກໍລະນີສຸກເສີນໄດ້ສົ່ງໄປໂຮງໝໍແຂວງແມ່ນມີຄວາມຫຍຸ້ງຍາກດ້ານພາຫະ
ນະເປັນຕົ້ນຕອນກາງຄືນ ແລະ ບາງກໍລະນີກໍນຳສົ່ງບໍ່ທັນ.
ທ່ານ
ຮສ. ດຣ ບົວວັນ ແສນສະຖິດ ຍັງໃຫ້ຮູ້ວ່າ: ຈະສົ່ງທ່ານໝໍຜ່າຕັດ ແລະ ທ່ານໝໍວາງຢາສະຫລົບມາຢູ່ນຳທີມ
ງານຜ່າຕັດຂອງເມືອງອີກ 2 ເດືອນ ເພື່ອສ້າງຄວາມເຂັ້ມແຂງດ້ານປະສົບການໃຫ້ເມືອງດັ່ງ
ກ່າວຕື່ມອີກ.
No comments:
Post a Comment