ທະນາຄານລາວກໍ່ສ້າງສະຫລອງ ວັນສ້າງຕັ້ງຄົບຮອບ 1 ປີ ດ້ວຍຜົນສຳເລັດ

         ທະນາຄານລາວກໍ່ສ້າງ ທີ່ເປັນທະນາຄານເອກະຊົນລົງທຶນ ໂດຍນັກລົງທຶນຊາວຕ່າງປະເທດທີ່ໄດ້ສ້າງຕັ້ງຂື້ນໃນປີ 2012 ແລະ ກໍມີຜົນສຳເລັດເປັນກ້າວໆມາ, ໃນວັນທີ 1 ມີນານີ້ ທະນານຄານດັ່ງກ່າວກໍໄດ້ຈັດງານລ້ຽງສະຫຼອງວັນ ສ້າງຕັ້ງ ຄົບຮອບ 1 ປີ ຂື້ນທີ່ໂຮງແຮມດອກຈຳປາ ນະຄອນຫຼວງວຽງຈັນ ແລະ ໄດ້ມອບເງິນຈຳນວນ 60 ລ້ານກີບປະກອບ ສ່ວນ ເຂົ້າໃນການພັດທະນາວຽກງານສຶກສາຂອງລາວ ແລະ ວຽກງານໂຄສະນາດ້ານກົດໝາຍ ຊຶ່ງກ່າວມອບໂດຍ ທ່ານ ຢູ ຫາວ ໄອຊິງ ຈີລໍ ປະທານຄຸ້ມຄອງກວດກາທະນາຄານລາວກໍ່ສ້າງ ແລະ ຮັບໂດຍ ທ່ານ ດຣ ພັນຄຳ ວິພາ ວັນ ກຳມະການກົມການ ເມືອງສູນກາງພັກ ລັດຖະມົນຕີວ່າການກະຊວງສຶກສາທິການແລະກິລາ ແລະ ທ່ານ ສົມພັນ ແພງຄຳມີຮອງປະທານສະພາ ແຫ່ງຊາດລາວ.

        ທ່ານ ເຊີນ ຈິງຫຼົງ ປະທານ ບໍລິຫານທະນາຄານລາວກໍ່ສ້າງກ່າວວ່າ: ທະນາຄານພວກເຮົາໄດ້ດຳເນີນທຸລະກິດຄົບ ຮອບ 1 ປີ ແລະ ມີການພັດທະນາທາງທຸລະກິດກໍຄືຍອດຊັບສິນເພີ່ມຂື້ນ ແລະ ມີລູກຄ້າຈຳນວນຫຼາຍ, ຂະນະດຽວກັນ ທາງທະ ນາຄານໄດ້ເຫັນຄວາມສຳຄັນຂອງການພັດທະນາເສດຖະກິດສັງຄົມຂອງລາວ ໂດຍສະເພາະການສຶກສາທີ່ລັດຖະບານໄດ້ມີ ການປະຕິຮູບທາງການສຶກສາເພື່ອໃຫ້ທຽບເທົ່າສາກົນ ສະນັ້ນ ທາງທະນານຄານຈຶ່ງໄດ້ປະກອບສ່ວນໃນສ່ວນໃດໜຶ່ງນີ້ ຄື ນະໂຍບາຍ ຢູ່ທະນາຄານຫວັງໄວ້ເພື່ອປະກອບສ່ວນພັດທະນາສັງຄົມລາວກ້າວຂື້ນ.

      ທ່ານ ຢູ ຫາວ ໄອຊິງ ຈີລໍ ປະທານຄຸ້ມຄອງກວດກາທະນາຄານລາວກໍ່ສ້າງ ກ່າວວ່າ: ການດຳເນີນທຸລະກິດຂອງທະ ນາຄານມີການຂະຫຍາຍຕົວ ແລະ ເພື່ອຕອບສະໜອງອຳນວຍຄວາມສະດວກໃຫ້ສັງຄົມທີ່ເຂົ້າມາໃຊ້ບໍລິການທະນາຄານໄດ້ ກຽມຂະຫຍາຍສາຂາໃນນະຄອນຫຼວງວຽງຈັນ ແລະ ຕ່າງແຂວງຫຼາຍແຫ່ງຕື່ມອີກ.