ໃນວັນທີ 12 ມີນານີ້
ຢູ່ຮ້ານສັບພະສິນຄ້າແຟຣນຊິບ ເມືອງປາກເຊ ແຂວງຈຳປາສັກ
ໄດ້ມີພິທີມອບເງິນຈຳນວນ 100 ລ້ານກີບ
ໃຫ້ຜູ້ໂຊກດີທີ່ດື່ມນ້ຳຊາໂອອີຊິແລ້ວພົບເຫັນໂຕເລກເງິນຢູ່ກ້ອງຝາເຄື່ອງດື່ມຍີ່ຫໍ້ດັ່ງກ່າວ
ເຊິ່ງຜູ້ໂຊກດີຄືທ້າວ ສີຄອນ ສີສັນເພັດ ອາຍຸ 28 ປີ ຢູ່ແຂວງເຊກອງ.
ນອກຈາກນີ້ ຍັງມີຜູ້ໂຊກດີທີ່ໄດ້ຮັບເງິນ 10 ລ້ານກີບ ອີກ 8 ຄົນ,
ໃນນັ້ນຢູ່ແຂວງຈຳປາສັກ 3 ຄົນ ກໍໄດ້ຮັບລາງວັນໃນເທື່ອນີ້ ໂດຍທ່ານ
ສົມກຽດ ລາມມະສູດ ກຳ ມະການຜູ້ຈັດການບໍລິສັດສະຫຍາມອິນເຕີລາວຈຳກັດ
ເປັນຜູ້ມອບໂຊກ.
ທ່ານນາງ ພິດສະນັນ ມະໂນດນະລືມົນ
ອຳນວຍການພັດທະ ນາທຸລະກິດເຄື່ອງດື່ມໂອອີຊິ ກຣຸບ ມະຫາຊົນປະເທດໄທ
ກ່າວວ່າ: ຜູ້ໂຊກດີດັ່ງກ່າວໄດ້ຮັບໂຊກຈາກໂຄງການ “ເປີດປຸບຮັບປັບ
ຍິ່ງດື່ມຫລາຍຍິ່ງລວຍ” ຂອງຊາໂອອີຊິກຣີນທີ
ເຊິ່ງໄດ້ເລີ່ມເປີດໂຄງການມາແຕ່ເດືອນມັງກອນ ແລະ
ຈະໝົດກຳນົດທ້າຍເດືອນເມສາ 2013.
ທ່ານ ສົມກຽດ ລາມມະສູດ ກ່າວວ່າ:
ໂຄງການແຈກໂຊກຂອງໂອອີຊິຄັ້ງຍິ່ງໃຫຍ່ນີ້ມີມູນຄ່າ 3 ຕື້ກວ່າກີບ,
ໃນນັ້ນ ມີລາງວັນ 100 ລ້ານກີບ 3 ລາງວັນ (ມີຜູ້ໂຊກດີໄດ້ໄປແລ້ວ 1 ລາງວັນ),
ລາງວັນ 10 ລ້ານກີບ ມີ 33 ລາງ ວັນ (ມີຜູ້ໂຊກດີໄດ້ແລ້ວ 8 ລາງ ວັນ). ນອກຈາກນີ້
ຍັງມີສິດສ່ຽງ ຮັບໂຊກດື່ມ ນ້ຳຊາໂອອີຊິລ້າໆ 1 ຕຸກ ຈຳນວນ 3 ແສນກວ່າລາງ
ວັນ.
No comments:
Post a Comment