ໃນວັນທີ 22 ມີນາ 2013 ຢູ່ກະຊວງສາທາລະ ນະສຸກໄດ້ມີພິທີເຊັນສັນຍາຊ່ວຍເຫລືອ
4 ໂຄງການຄື :ໂຄງການປັບປຸງອຸປະກອນການແພດ ໃຫ້ແກ່ໂຮງໝໍມະໂຫສົດຂອງພະແນກຫູ,ດັງ,ຄໍ,ໂຄງ
ການກໍ່ສ້າງລະບົບນ້ຳລິນທີ່ບ້ານໂພສີ ແລະ ບ້ານນາໂຄ້ ເມືອງຜາໄຊ ແຂວງຊຽງຂວາງ,
ໂຄງການປັບປຸງສຸກສາລາ ຢູ່ ເມືອງອຸທຸມ ພອນ ແຂວງສະ ຫວັນນະເຂດ ແລະ ໂຄງການກໍ່ ສ້າງລະບົບນ້ຳລິນ
ບ້ານປາກຊຸນ ແລະ ບ້ານຫາດຊາຍຄຳ ເມືອງປາກກະດິງ ແຂວງ ບໍລິຄຳໄຊ ລວມມູນຄ່າກໍ່ສ້າງປະມານ
2 ແສນກວ່າໂດລາສະຫະລັດ ເຊິ່ງໄດ້ມີການ ເຊັນສັນຍາລະຫວ່າງ ທ່ານ ນາງ ຈຸນໂກະ ໂຢໂກຕະ
ເອກອັກຄະຣາຊະທູດຍີ່ປຸ່ນປະຈຳລາວ ແລະ
ທ່ານ ດຣ ບຸນທະພານີ ບຸນຊ່ວຍ ຜູ້ອຳນວຍການ ໂຮງໝໍມະໂຫສົດ, ທ່ານ ດຣວິນຍານ
ເຈີ້ຢ່າງໄຊຈູ ຫົວໜ້າພະແນກສາ ທາລະນະສຸກແຂວງຊຽງຂວາງ,
ທ່ານ ດຣ ສົມພອນ ຈັນທະສຸກ ຫົວໜ້າພະແນກສາທາລະນະສຸກແຂວງບໍລິຄຳໄຊ, ທ່ານ ດຣ ບຸນໂຮງ
ແສງອາລຸນ ຫົວໜ້າຫ້ອງ ການສາທາລະນະສຸກ ເມືອງອຸທຸມພອນ ແຂວງສະຫວັນນະເຂດ ໂດຍໃຫ້ກຽດເຂົ້າຮ່ວມເປັນສັກຂີພະຍານຂອງທ່ານ
ສາສະດາ ຈານ ດຣ ເອກສະຫວ່າງ ວົງວິ ຈິດ ລັດຖະມົນຕີວ່າການກະຊວງສາທາ ລະນະສຸກ.
ທ່ານເອກອັກຄະລາຊະທູດ ຍີປຸ່ນ ກ່າວວ່າ:ໂຮງໝໍຢູ່ລາວ
ມີຄົນເຈັບເຂົ້າຮັບການປິ່ນປົວຕາມຕົວເລກຫລາຍທີ່ສຸດແມ່ນໂຮງໝໍມະໂຫສົດ
ເຊິ່ງໃນປັດຈຸບັນພວມເອົາໃຈໃສ່ການບໍລິການໃຫ້ທັນສະໄໝຂຶ້ນກວ່າເກົ່າພ້ອມທັງຍົກລະດັບມາດຕະຖານໃຫ້ສູງເທົ່າທຽມກັບລະດັບສາກົນເພື່ອຫລຸດ
ຜ່ອນການຂ້າມໄປປິ່ນປົວທີ່ປະເທດເພື່ອນບ້ານ. ທັງເປັນການ ຕອບສະໜອງຄວາມຕ້ອງການໃນການພັດທະນາປັບປຸງມາດ
ຕະຖານຂອງໂຮງໝໍມະໂຫສົດ.ຜ່ານມາລັດຖະບານຍີ່ປຸ່ນ ກໍໄດ້ໃຫ້ການຊ່ວຍເຫລືອແກ່ໂຮງໝໍດັ່ງກ່າວຄືໃນປີ
1989 ໄດ້ຊ່ວຍເຫລືອການກໍ່ສ້າງອາຄານພະແນກຕາ,ໃນປີ1990 ຊ່ວຍເຫລືອການປັບປຸງອາຄານໂຮງໝໍຄືນໃໝ່
ແລະ ໃນປີ 1998 ໄດ້ກໍ່ສ້າງອາ ຄານສູນຝຶກອົບຮົມ,ສ່ວນການຊ່ວຍເຫລືອຢູ່ເມືອງອຸທຸມພອນ
ແຂວງສະຫວັນນະເຂດແມ່ນຈະມີການກໍ່ສ້າງສຸກສາລາໜຶ່ງແຫ່ງ ແລະ ສະໜອງອຸປະກອນການແພດໃຫ້ແກ່ສຸກສາລາອີກ
3 ແຫ່ງໃນເມືອງດັ່ງກ່າວເພື່ອຮັບໃຊ້ປະ ຊາຊົນຈຳນວນ 35 ພັນກວ່າ ຄົນຈາກ 26 ບ້ານ
ສຳລັບການກໍ່ສ້າງລະບົບນ້ຳລິນໃຫ້ແກ່ 4 ບ້ານ ຢູ່ແຂວງຊຽງຂວາງ ແລະ ບໍລິຄຳໄຊ
ຈະສາມາດສະໜອງນ້ຳສະ ອາດໃຫ້ແກ່ປະຊາຊົນ 2 ພັນກວ່າ ຄົນ ມາຮອດປັດຈຸບັນລັດ ຖະບານຍີ່ປຸ່ນ
ໄດ້ໃຫ້ການຊ່ວຍເຫລືອໂຄງ ການລະບົບນ້ຳສະອາດປະມານ 24 ໂຄງການ ແລະ ດ້ານສາທາລະນະສຸກ
68 ໂຄງການ. ໂດຍເຫັນຄວາມສຳຄັນດ້ານສຸຂະພາບ ແລະ ສຸຂະອານາໄມຂອງປະຊາ ຊົນ ສະເພາະຢູ່ເຂດຫ່າງໄກສອກ
ຫລີກ ລັດຖະບານຍີ່ປຸ່ນຈະສຶບຕໍ່ໃຫ້ການຊ່ວຍເຫລືອເພື່ອປະກອບສ່ວນເຂົ້າໃນວຽກງານປັບປຸງຄຸນນະພາບຂອງຂະແໜງສາທາລະນະສຸກຢູ່ລາວຕື່ມອີກ.
No comments:
Post a Comment