ໃນນທີ 19-21 ມີນານີ້, ຢູ່ຫ້ອງວ່າການລັດຖະບານ
ຄະນະລັດຖະບານ ໄດ້ພ້ອມກັນຄົ້ນຄວ້າ, ປຶກສາຫາລື ແລະ ຕົກລົງ ວຽກງານສໍາຄັນ ໂດຍຜ່ານສອງກອງປະຊຸມ
ຄືກອງ ປະຊຸມສະໄໝສາມັນຂອງລັດຖະບານ ແລະ ກອງປະຊຸມ ນາຍົກ-ຮອງນາ ຍົກລັດຖະມົນຕີປະຈໍາເດືອນມີນາ
2013 ພາຍໃຕ້ການເປັນປະທານຂອງທ່ານ ທອງສິງ ທຳມະວົງ ນາຍົກລັດຖະມົນຕີ.
ທ່ານນາງ ບຸນເພັງ ມູນໂພໄຊ ລັດຖະມົນຕີປະຈໍາຫ້ອງວ່າການລັດຖະບານທັງເປັນໂຄສົກລັດຖະບານໄດ້ຖະແຫລງວ່າ:
ກອງປະຊຸມໄດ້ພິຈາລະນາບົດລາຍງານຂອງກະຊວງແຮງງານ ແລະ ສະຫວັດດີການສັງຄົມ ກ່ຽວກັບບັນຫາແຮງງານຕ່າງປະ
ເທດທີ່ເຂົ້າມາທໍາຫາກິນ ແລະ ອອກແຮງງານທັງຖືກຕ້ອງ ແລະ ບໍ່ຖືກຕ້ອງຢູ່ລາວໂດຍກອງປະຊຸມມີຄໍາຫັນວ່າ:
ການນໍາໃຊ້ ແຮງງານຕ່າງປະເທດໃນຂົງເຂດຕ່າງໆແມ່ນມີຄວາມຈໍາເປັນ ແລະ ຫຼີກລ້ຽງບໍ່ໄດ້ຕາມຄວາມຕ້ອງການຂອງແຕ່ລະປະເທດ.
ໂດຍສະເພາະແມ່ນໃນເງື່ອນໄຂເຊື່ອມໂຍງພາກພື້ນ ແລະ ສາກົນ. ແຕ່ພວກເຮົາຈະມີນະໂຍບາຍ, ມີລະບຽບການ,
ມີວິທີການ ແລະ ມາດຕະການຄຸ້ມຄອງ, ນໍາໃຊ້ແນວໃດ.?
ເພື່ອໃຫ້ບ້ານ, ເມືອງເຮົາມີຄວາມເປັນລະບຽບຮຽບຮ້ອຍ, ມີການພັດທະ ນາ, ມີຄວາມຖຶ້ກຕ້ອງ
ແລະ ຮັບປະກັນຜົນປະໂຫຍດອັນເໝາະສົມລະຫວ່າງລັດ, ຜູ້ອອກແຮງງານ ແລະ ຜູ້ໃຊ້ແຮງງານ. ຕໍ່ບັນ
ຫານີ້ກອງປະຊຸມກໍໄດ້ເຫັນດີຮັບຮອງເອົາບັນດາວິທີການແກ້ໄຂທີ່ກະຊວງແຮງງານ ແລະ ສະຫວັດດີການສັງຄົມສະເໜີ.
ພ້ອມ ນັ້ນ, ກໍໃຫ້ກະຊວງທີ່ກ່ຽວຂ້ອງນໍາເອົາເນື້ອໃນໃນຮ່າງກົດໝາຍຄຸ້ມຄອງແຮງງານທີ່ໄດ້ພິຈາລະນາໃນກອງປະຊຸມເຂົ້າ
ໃນການ ປັບປຸງກົດໝາຍແຮງງານທີ່ຄົບຖ້ວນກວ່າເກົ່າ.
ຄະນະລັດຖະບານໄດ້ຮັບ ຮອງເອົາຮ່າງມະຕິຂອງກົມການເມືອງ
ວ່າດ້ວຍການຫັນຊັບສິນຂອງລັດ ເປັນທຶນ ເພື່ອ ສະເໜີຕໍ່ກົມການເມືອງສູນກາງພັກແນໃສ່ຂຸດຄົ້ນຄວາມສາມາດບົ່ມຊ້ອນທາງດ້ານຊັບພະຍາກອນທຳມະຊາດ,
ຊັບສິນຂອງ ລັດ ໃຫ້ເກີດເປັນທຶນຮອນເພື່ອພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງໜັກແໜ້ນຕໍ່ເນື່ອງ;
ແນໃສ່ປົກປັກຮັກ ສາຊັບສິນຂອງລັດບໍ່ໃຫ້ຕົກເຮ່ຍເສຍຫາຍໂດຍບໍ່ສົມເຫດສົມຜົນ ແລະ ຍິ່ງກວ່ານັ້ນຕ້ອງມີການພັດທະນາ
ສ້າງມູນຄ່າເພີ່ມຂຶ້ນ, ທັງເປັນແຫຼ່ງລາຍຮັບງົບປະມານແຫ່ງຊາດທີ່ສຳຄັນເພື່ອສະໜອງທຶນຮອນສຳລັບການພັດທະນາເສດຖະກິດ-ສັງຄົມໃຫ້ໝັ້ນຄົງ
ດ້ວຍຮູບການໃຫ້ເຊົ່າ ຫຼື ສຳປະທານ, ການຂາຍມີກຳນົດ, ການຄ້ຳປະກັນ, ການແລກປ່ຽນມອບໂອນສິດນຳໃຊ້ມີກຳນົດ,
ສ້າງເງື່ອນໄຂສະພາບແວດລ້ອມທີ່ດີສຳລັບການດຶງດູດການລົງທຶນຈາກພາຍໃນ ແລະ ຕ່າງປະເທດສາມາດເຊື່ອມໂຍງກັບ
ພາກພື້ນ ແລະ ສາກົນໄດ້ຢ່າງຄ່ອງຕົວດີຂຶ້ນ.
ຮັບຮອງບົດລາຍງານການກຳນົດເຂດສ້າງສຳນັກງານຂອງລັດຈຳນວນໜຶ່ງຢູ່ນະຄອນຫຼວງວຽງຈັນ.
ເນື່ອງຈາກວ່າໃນໄລ ຍະ 20 ປີ ຜ່ານມານະຄອນຫຼວງວຽງຈັນ ໄດ້ມີການພັດທະນາ ແລະ ຫັນປ່ຽນຢ່າງວ່ອງໄວບວກກັບການເພີ່ມຂຶ້ນຂອງປະຊາ
ກອນໃນຕົວເມືອງ ແລະ ການຂະຫຍາຍຕົວດ້ານເສດຖະກິດ-ສັງຄົມ ຊຶ່ງມີຄວາມຈໍາເປັນຕ້ອງມີການວາງແຜນຈັດສັນທີ່ຕັ້ງສຳ
ນັກງານຂອງບັນດາກະຊວງ ແລະ ອົງການຈັດຕັ້ງຂັ້ນສູນກາງແຫ່ງໃໝ່ຈໍານວນໜຶ່ງ ລວມທັງວາງແຜນກໍ່ສ້າງພື້ນຖານໂຄງລ່າງ,
ສິ່ງອຳນວຍຄວາມສະດວກ ແລະ ການຈັດສັນທີ່ຢູ່ອາໄສ. ທັງໝົດ, ເພື່ອຮັບປະກັນທາງດ້ານຄວາມສະຫງົບ-ປອດໄພ,
ຄວາມ ເປັນລະບຽບຮຽບຮ້ອຍ, ຄວາມຈົບງາມ ແລະ ທັງເປັນການຫຼຸດຜ່ອນຄວາມແອອັດໃນຕົວເມືອງເຊິ່ງພວມປະເຊີນຢູ່ຄືທຸກ
ມື້ນີ້.
ກອງປະຊຸມໄດ້ພິຈາລະນາຮ່າງດໍາລັດວ່າດ້ວຍເງິນອຸດໜູນຕໍ່ຜູ້ເຮັດວຽກງານກວດກາ
ແລະ ຜູ້ເຂົ້າຮ່ວມການກວດກາ ເຊິ່ງຈຸດປະສົງເພື່ອກໍານົດນະໂຍບາຍ, ເງິນອຸດໜູນ ແລະ ເງິນບໍາເນັດ
ຕໍ່ຜູ້ເຂົ້າຮ່ວມການກວດກາແນໃສ່ຊຸກຍູ້ ແລະ ຮັບປະ ກັນໃຫ້ພະນັກງານກວດກາ ແລະ ຜູ້ເຂົ້າຮ່ວມການກວດກາສາມາດເຄື່ອນໄຫວປະຕິບັດສິດ,
ພັນທະ ແລະ ໜ້າທີ່ຂອງຕົນໃຫ້ ມີຄວາມຮັບຜິດຊອບ ແລະ ມີປະສິດທິພາບ, ປະສິດທິຜົນສູງຂຶ້ນ. ການກໍານົດເງິນບໍາເນັດນີ້ບໍ່ແມ່ນສະເພາະແຕ່ອົງການ
ກວດກາລັດເທົ່ານັ້ນແຕ່ຫາກແມ່ນການກໍານົດນະໂຍບາຍລວມຕໍ່ວຽກງານກວດກາຂອງທຸກຂະແໜງການທີ່ດໍາເນີນການກວດ
ກາຊຶ່ງສາມາດນໍາ ລາຍໄດ້ ຫຼື ກູ້ເອົາຊັບສິນຂອງລັດທີ່ເສຍຫາຍຄືນມາໄດ້ເປັນຜົນຕົວຈິງ.
ສໍາລັບກອງປະຊຸມນາຍົກ- ຮອງນາຍົກລັດຖະມົນຕີ
ໃນວັນທີ 21 ມີນາ 2013 ນີ້ ແມ່ນໄດ້ສືບຕໍ່ພິຈາລະນາ ບາງວຽກ ທີ່ຈໍາເປັນຄືໄດ້ປຶກສາຫາລືເຖິງວິທີການ,
ມາດຕະການໃນການເບີກຈ່າຍເງິນເດືອນພະນັກງານ, ລັດຖະກອນຕາມລະບົບດັດ ສະນີໃໝ່ໃຫ້ມີຄວາມຄ່ອງຕົວ,
ໂດຍສະເພາະກໍ່ແມ່ນໃຫ້ສຸມໃສ່ແກ້ໄຂຄວາມຊັກຊ້າໃນການຈ່າຍເງິນ ເດືອນໃຫ້ລັດຖະກອນຄູ, ແພດ, ທະຫານ,
ຕໍາຫຼວດ ແລະ ພະນັກງານບໍານານຢູ່ທ້ອງຖິ່ນຈໍານວນໜຶ່ງ. ພ້ອມນັ້ນ, ໃຫ້ກວດກາຄືນການນໍາໃຊ້ງົບປະ
ມານເພື່ອໃຫ້ປະຕິບັດຕາມນະໂຍບາຍບູລິມະສິດທີ່ໄດ້ກໍານົດໄວ້ຢ່າງຖືກຕ້ອງ; ໄດ້ພິຈາລະນາສອງໂຄງການໃຫຍ່ຂອງ
ແຂວງ ຊຽງຂວາງ ເຊັ່ນ: ແຜນພັດທະນາເຂດຈຸດສຸມ ຄັງວຽງ, ເມືອງມອກ ເຊິ່ງເປັນ ເຂດຊົນນະບົດໜຶ່ງຂອງແຂວງ
ທີ່ຍັງທຸກຍາກ ຫຼາຍດ້ານ ແລະ ໂຄງການກໍ່ສ້າງພື້ນຖານໂຄງ ລ່າງ ເພື່ອກຽມໃສ່ມະຫາກໍາກິລາ ແຫ່ງຊາດ
ຄັ້ງທີ XI ຢູ່ແຂວງ ຊຽງຂວາງ. ທັງ ສອງໂຄງການ ດັ່ງກ່າວ ກອງປະຊຸມໄດ້ຕົກລົງຮັບຮອງໂດຍພື້ນຖານແຕ່ໃຫ້ບັນດາພາກສ່ວນກ່ຽວຂ້ອງນຳໄປປັບປຸງ
ແກ້ໄຂບັນ ຫາລະອຽດເພື່ອຈັດລຽງຕາມຄວາມຈໍາເປັນບົນຈິດໃຈປະຍັດ-ມີປະສິດທິຜົນ, ກອງປະຊຸມໄດ້ພິຈາລະນາບາງບັນກາກ່ຽວກັບ
ການສ້າງເດີ່ນບິນໜອງຄ້າງ ແຂວງຫົວພັນ ແລະ ເດີ່ນບິນແຂວງອັດຕະປື ເພື່ອໃຫ້ ວຽກ ງານດັ່ງກ່າວ
ໄດ້ຖືກຈັດຕັ້ງປະຕິບັດ ຕາມຂັ້ນຕອນຢ່າງຄ່ອງຕົວ. ແນໃສ່ສ້າງເງື່ອນໄຂໃຫ້ສອງແຂວງນີ້ໄດ້ຮັບການພັດທະນາຢ່າງໄວຂຶ້ນ.
ໃນຕອນທ້າຍກອງປະຊຸມ ທ່ານ ນາຍົກລັດຖະມົນຕີ
ໄດ້ຊີ້ນໍາໃຫ້ສະມາຊິກລັດຖະບານເອົາໃຈໃສ່ຈັດຕັ້ງປະຕິບັດ ວຽກງານຈຸດສຸມໃນເດືອນ ເມສາ
2013 ດັ່ງນີ້: ສືບຕໍ່ເລັ່ງທວງເກັບລາຍຮັບງົບປະມານ
ໃຫ້ໄດ້ຕາມແຜນການເພື່ອໃຫ້ສາ ມາດຕອບສະໜອງບັນດາຮ່ວງລາຍຈ່າຍທີ່ມີຄວາມຈຳເປັນຕາມແຜນທີ່ວາງໄວ້,
ເອົາໃຈໃສ່ການເກັບລາຍຮັບຈາກທີ່ດິນ ແລະ ຢຸດຕິການອະນຸມັດຍົກເວັ້ນພາສີ-ອາກອນ ທີ່ບໍ່ສອດຄ່ອງຕາມລະບຽບກົດໝາຍ;
ວິທີແກ້ໄຂເງິນເດືອນຂອງພະນັກງານຄູ ແລະ ພະນັກງານບຳນານ ຊຶ່ງໃນທ້າຍເດືອນນີ້ ໃຫ້ສາມາດແກ້ໄຂໄດ້ໂດຍພື້ນຖານ;ເພີ່ມທະວີຄວາມເຂັ້ມງວດໃນການອະນຸມັດໂຄງ
ການລົງທຶນຂອງລັດໃຫ້ສອດຄ່ອງຕາມກົດໝາຍວ່າດ້ວຍການລົງທຶນຂອງລັດ, ໃຫ້ຢຸດເຊົາການປະຕິບັດໂຄງການລົງທຶນກ່ອນ,
ເພື່ອຫຼຸດຜ່ອນການສ້າງໜີ້ສິນເພີ່ມເຕີມ. ສຳຄັນແມ່ນໃຫ້ຮັກສາສະຖຽນລະພາບຂອງເສດຖະກິດມະຫາພາກ;
ເອົາໃຈໃສ່ຄຸ້ມຄອງລາຄາສິນຄ້າ ບໍ່ໃຫ້ມີການສວຍໂອກາດຂຶ້ນລາຄາຕາມໃຈ, ຄຸ້ມຄອງລາຄາໃນໄລຍະບຸນປີໃໝ່ລາວ.
ຮີບຮ້ອນແກ້ໄຂບັນ ຫາລາຄາສິນຄ້າທີ່ເພີ່ມຂຶ້ນໄວເປັນຕົ້ນແມ່ນສິນຄ້າທີ່ຕິດພັນກັບຊີວິດຕົວຈິງ
ຂອງພະນັກງານ ແລະປະ ຊາຊົນ; ສືບຕໍ່ຊຸກຍູ້ສົ່ງ ເສີມການ ປູກພືດລະ ດູແລ້ງ ແລະ ການບົວ ລະບັດ
ຮັກສາເຂົ້ານາແຊງ, ສະ ໜອງ ວັດຖຸປັດໃຈ ແລະ ສະໜອງ ນ້ຳໃຫ້ແກ່ ການຜະລິດ; ບັນດາຂະແໜງການ
ແລະ ທ້ອງຖິ່ນ ສຸມໃສ່ການສະຫລຸບຕີລາຄາການຈັດຕັ້ງປະຕິບັດແຜນພັດທະນາເສດຖະ ກິດ-ສັງຄົມ
ແລະ ແຜນງົບປະ ມານແຫ່ງລັດ 6 ເດືອນຕົ້ນສົກປີ 2012-2013, ພ້ອມກັບກຳນົດແຜນຈັດຕັ້ງປະຕິບັດ
6 ເດືອນທ້າຍສົກປີ 2012-2013 ເພື່ອລາຍ ງານ ຕໍ່ກອງປະຊຸມສູນກາງ ແລະ ກອງປະຊຸມສະພາແຫ່ງຊາດ;
ຕັ້ງໜ້າສ້າງແຜນ ການ ສຳລັບສົກປີ 2013-2014. ກະກຽມການສະຫຼຸບ ກາງສະໄໝ ຂອງການຈັດຕັ້ງປະ
ຕິບັດ ແຜນການ 5 ປີ ຄັ້ງທີ VII; ສືບຕໍ່ເພີ່ມທະວີວຽກງານ
ປກຊ- ປກສ ຢ່າງເລິກເຊິ່ງຮອບດ້ານ ເພື່ອຮັບປະກັນຄວາມປອດໃຫ້ແກ່ສັງຄົມຢ່າງໜັກແໜ້ນ
ແລະ ສຸມ ໃສ່ການແກ້ໄຂປະກົດການຫຍໍ້ທໍ້ ໃນສັງຄົມ ໂດຍສະເພາະ ບັນຫາ ຂີ້ລັກ ປຸ້ນຈີ້ ຊິງຊັບ ແລະ ບັນຫາຢາເສບຕິດ; ຊີ້ນຳການສະເຫລີມສະຫລອງບຸນປີໃໝ່ລາວ
ປະຈຳປີ ພສ 2556 ດ້ວຍຈິດໃຈປະຢັດ ມັດທະ ຍັດ, ຮັບປະກັນຄວາມປອດໄພຕໍ່ ຊີວິດ ແລະ ຊັບສິນ
ແລະ ສົ່ງເສີມປະເພນີວັດທະນະທຳອັນດີງາມຂອງຊາດຕິດພັນກັບການສົ່ງເສີມການທ່ອງທ່ຽວ ລາວ; ບັນດາກະຊວງກະກຽມ
ເນື້ອໃນສຳລັບຫົວຂໍ້ທີ່ຈະນຳມາປຶກສາຫາລືໃນກອງປະຊຸມລັດຖະບານເປີດກວ້າງປະຈຳ 6 ເດືອນຕົ້ນ
ສົກປີ 2012-2013 ຕາມ ແຜນແບ່ງຄວາມ ຮັບຜິດຊອບ ແລະ ກະກຽມຈັດກອງປະຊຸມ ກິລາມວນຊົນທົ່ວປະເທດ
ຄັ້ງທີ 1 ປະຈຳປີ 2013 ທີ່ນະຄອນຫລວງວຽງຈັນ ແລະ ກະກຽມຈັດງານມະຫາກຳກິລາແຫ່ງຊາດ
ຄັ້ງທີ X ທີ່ແຂວງອຸດົມໄຊຈະ ເປັນເຈົ້າພາບໃນປີ
2014.
No comments:
Post a Comment