ຫລາຍບໍລິສັດມອບເງິນສະຫນັບສະຫນູນແມ່ຍິງກະຊວງຖະແຫລ່ງຂ່າວໃນໂອກາດວັນແມ່ຍິງສາກົນ

      ໃນວັນທີ 7 ມີນາ 2013 ນີ້ ສະ ຫະພັນແມ່ຍິງກະຊວງຖະແຫລງ ຂ່າວ,ວັດ ທະນະທຳ ແລະ ທ່ອງທ່ຽວ, ໄດ້ຮັບເງິນສະ ໜັບສະໜູນ ຈາກສອງບໍລິສັດ ຄື: ບໍລິສັດ ລ້ານ ຊ້າງມີເນໂຣນສ໌ ລິມິເຕັດ ຈຳນ ວນ 11 ລ້ານກີບ ແລະ ບໍລິສັດເບຍ ລາວ ຈຳກັດ ຈຳນວນ 10 ລ້ານ ກີບ ໃນໂອກາດສະເຫລີມສະ ຫລອງວັນ ແມ່ຍິງສາກົນ 8 ມີນາ ຄົບຮອບ 103 ປີ (8/3/1910-8/3/ 2013).ໂດຍພິທີມອບ-ຮັບເງິນສະ ໜັບ ສະໜູນ ມີຂຶ້ນໃນໂອກາດທີ່ບໍ ລິສັດ ລ້ານຊ້າງມີເນໂຣນສ໌ ລິມິ ເຕັດ ຈັດພາເຂົ້າສາ ມັກຄີ ເພື່ອສະ ເຫລີມສະຫລອງວັນແມ່ຍິງສາກົນ 8 ມີນາ ຢູ່ບໍລິສັດດັ່ງກ່າວ ໂດຍ ແມ່ນ ທ່ານ ໂຣບິນ ຮາມິລຕັນ- ຄອດສ໌, ຜູ້ຈັດການດ້ານ ການພົວ ພັນພາຍນອກບໍລິສັດ ລ້ານຊ້າງ ມີເນໂຣນສ໌ ລິມິເຕັດ ເປັນຜູ້ມອບ ແລະ ທ່ານນາງ ສຸພາລັກ ທິລາ ວົງ ປະທານສະຫະພັນແມ່ຍິງກະ ຊວງ ຖວທ ເປັນຜູ້ຮັບ.

    ໃນໂອກາດນີ້, ທ່ານນາງ ສຸພາລັກ ທິລາວົງ ໄດ້ຕາງໜ້າໃຫ້ແກ່ຄະນະສະຫະພັນແມ່ຍິງກໍຄືເອື້ອຍນ້ອງສະມາຊິກ ສະຫະ ພັນແມ່ຍິງທົ່ວກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສະແດງຄວາມຂອບໃຈມາຍັງບໍລິສັດລ້ານຊ້າງ

ມີເນໂຣນສ໌ ລິມິເຕັດ ທີ່ໄດ້ໃຫ້ການສະໜັບສະໜູນຊ່ວຍເຫລືອເອື້ອຍນ້ອງແມ່ຍິງກະຊວງ ຖວທ ເນື່ອງໃນໂອກາດ ສະເຫລີມ ສະຫລອງວັນແມ່ຍິງສາກົນ 8 ມີນາຄົບຮອບ 103 ປີ ຊຶ່ງ ເປັນການສະແດງໃຫ້ເຫັນເຖິງການໃຫ້ຄວາມສຳຄັນຕໍ່ພາລະບົດ ບາດຂອງບັນດາເອື້ອຍນ້ອງແມ່ຍິງ ແລະ ທ່ານຍັງໃຫ້ຄຳໝັ້ນສັນຍາວ່າຈະນຳໃຊ້ເງິນຈຳນວນດັ່ງກ່າວເຂົ້າໃນການເຄື່ອນໄຫວ ວຽກງານຂອງສະຫະພັນແມ່ຍິງພາຍໃນກະຊວງໃຫ້ເກີດປະໂຫຍດສູງສຸດ.

           ຂ່າວຍັງໃຫ້ຮູ້ອີກວ່າ:ໃນຕອນບ່າຍວັນດຽວກັນ, ບໍລິສັດເບຍ ລາວຈຳກັດ ກໍໄດ້ມອບເງິນຈຳນວນ 10 ລ້ານກີບ ໃຫ້ ແກ່ສະຫະພັນແມ່ຍິງກະຊວງຖະແຫລງ ຂ່າວ,ວັດທະນະທຳ ແລະ ທ່ອງທ່ຽວ ເຊັ່ນດຽວກັນ.