ລູກຄ້າລາວໂທລະຄົມຄວນອ່ານ

          ຈາກຫາງສຽງຂອງລູກຄ້າລາວໂທລະຄົມກ່ຽວກັບບັນຫາການໄປແລກຮັບເອົາ ລາງວັນຈາກ ໂປຣໂມຊັນຕ່າງໆທີ່ລາວໂທລະຄົມຈັດຂຶ້ນນັ້ນວ່າ:ໃນໄລຍະຜ່ານມາແມ່ນພົບ ຄວາມຫຍຸຸ້ງຍາກຫຼາຍບາງເທື່ອ ລາງວັນເລັກໆນ້ອຍໆກໍໄດ້ກ້ຽວໄປກ້ຽວມາຫຼາຍຄັ້ງ ຍ້ອນຂອດບໍລິການຕ່າງໆຍັງບໍ່ທັນຄ່ອງແຄ້ວ. ຕໍ່ບັນຫານີ້, ຜູ້ຕາງໜ້າຂອງບໍລິສັດ ລາວໂທລະ ຄົມທ່ານກິ່ງແກ້ວ ວ່າງກາເນັ່ງ ຫົວໜ້າພະແນກການຕະຫຼາດຂອງບໍລິສັດລາວໂທລະຄົມ, ໄດ້ອອກມາອະທິບາຍຜ່ານໜັງສືພິມລາວ ພັດທະນາຂອງພວກເຮົາວ່າ:ໂຄງການຂູດບັດຊີງ ໂຊກຂອງລາວໂທລະຄົມໃນໄລຍະທຳອິດ ໄດ້ເລີ່ມມາແຕ່ວັນທີ 25 ເດືອນພະຈິກ 2011 ຫາວັນທີ 31 ທັນວາ 2012, ດ້ວຍກະແສການຕອບຮັບເປັນຢ່າງດີບວກກັບຄວາມຮຽກ ຮ້ອງຕ້ອງການຂອງລູກຄ້າ ໃນຂອບເຂດທົ່ວປະເທດ, ລາວໂທລະຄົມຈຶ່ງໄດ້ຂະຫຍາຍເວລາ ຂອງໂຄງການຂູດບັດຊິງໂຊກອອກໄປອີກຈົນເຖິງວັນທີ 30 ມິຖຸນາ 2013, ໂຄງການດັ່ງກ່າວ ມີລາງວັນລວມທັງໝົດ 160.000 ກ່ວາລາງວັນ, ມີມູູນຄ່າຫຼາຍກວ່າ 15 ຕື້ກີບນັບແຕ່ເລີ່ມ ຕົ້ນໂຄງການຈົນເຖິງປັດຈຸບັນ (25 ພະຈິກ 2011- 3 ມີນາ 2013 ມີ ລູກຄ້າຖືກລາງວັນຈາກລາວໂທລະຄົມ ແລະ ລູກຄ້າໄດ້ ຮັບເຄື່ອງຕົວຈິງ ແລ້ວທົ່ວປະເທດລວມທັງໝົດ 56.140ລາງວັນເທົ່າກັບ 35% ຂອງລາງວັນທັງໝົດ:ຊຶ່ງໃນນັ້ນ ນະຄອນ ຫຼວງວຽງຈັນມີຜູ້ຖືກລາງວັນໄປແລ້ວ 24.556 ລາງວັນ, ສາຂາ ແຂວງທົ່ວປະເທດມີຜູ້ຖືກລາງວັນໄປແລ້ວ 31.584 ລາງວັນ. 

             ສ່ວນການແລກຮັບລາງຂອງລູກຄ້າແຕ່ເລີ່ມຕົ້ນຈົນເຖິງປັດຈຸບັນຖືວ່າລາວໂທລະຄົມໄດ້ຕອບສະໜອງການແລກ ເອົາຂອງລາງວັນໄດ້ຢ່າງພຽງພໍ ແລະ ທັນກັບເວລາທີ່ລູກຄ້າຕ້ອງການ, ທັງຢູ່ໃນນະຄອນຫຼວງວຽງຈັນ ແລະສາ ຂາແຂວງ ທົ່ວປະເທດ, ແຕ່ຢູ່ໃນລະຫວ່າງທ້າຍເດືອນພະຈິກຫາເດືອນທັນວາ 2012 ທີ່ຜ່ານ ມານີ້ມີເຄື່ອງລາງວັນບາງລາຍການທີ່ ລູກຄ້າ ເຂົ້າມາແລກຫຼາຍເຮັດໃຫ້ເຄື່ອງລາງວັນຂາດ Stock, ສ່ວນໃຫຍ່ແມ່ນເຄື່ອງໃຊ້ໄຟຟ້າ, ເຄື່ອງເອເລັກໂຕຣນິກເຊິ່ງ ຜະລິດຢູ່ຕ່າງ ປະເທດ,ທາງລາວໂທລະຄົມໄດ້ອອກໃບຈອງໃຫ້ກັບລູກຄ້າໄວ້ຫຼັງຈາກເຄື່ອງລາງວັນມາຮອດລາວໂທລະຄົມຈະຕິດຕໍ່ຫາລູກຄ້າມາຮັບເອົາ.ສຳລັບລູກຄ້າທີ່ຢູ່ຕ່າງແຂວງແມ່ນໃຊ້ເວລາຂົນສົ່ງປະມານ2ມື້ຫາ1ອາທິດລູກຄ້າກໍສາມາດມາຮັບເອົາເຄື່ອງ ລາງວັນທີ່ຈອງໄວ້ນັ້ນໄດ້ທັນທີ, ຕໍ່ກັບບັນຫາດັ່ງກ່າວພາກສ່ວນທີ່ກ່ຽວຂ້ອງຂອງລາວໂທລະຄົມໄດ້ ເອົາໃຈໃສ່ແກ້ໄຂຢ່າງ ຮີບດ່ວນເພື່ອໃຫ້ລູກຄ້າໄດ້ຮັບເຄື່ອງທັນທີທີ່ເຂົ້າມາແລກ ແລະ ອີກເທື່ອໜິ່ງຂໍຢືນຢັນຕໍ່ສື່ມວນຊົນແລະ ລູກຄ້າທຸກທ່ານວ່າ ລາວໂທລະຄົມໄດ້ແຈກແທ້ແລະລູກຄ້າໄດ້ຮັບຈິງ, ຈະໄວຫຼືຊ້າແມ່ນລູກຄ້າຈະໄດ້ຮັບເຄື່ອງລາງວັນໝົດທຸກຄົນ ແລະ ຄົບຕາມ ຈຳນວນທຸກຢ່າງ. ຜ່ານມາມີກໍລະນີທີ່ລູກຄ້າຂູດບັດຕື່ມເງິນແລ້ວຖິ້ມໄປທັງທີ່ບັດນັ້ນມີຂອງລາງວັນເຊັ່ນ: ລົດຈັກ,ໂທລະສັບ ມືຖື, ແລະ ລາງວັນອື່ນໆອີກ, ລາວໂທລະຄົມກວດພົບໃນລະບົບກໍໄດ້ໂທຫາລູກຄ້າມາຮັບເອົາຂອງລາງວັນ, ເຮັດໃຫ້ລູກຄ້າ ພາກພູມໃຈຫຼາຍທີ່ລາວໂທລະຄົມມີຄວາມຊື່ສັດ ແລະໂປ່ງໃສຕໍ່ກັບທຸກໆຄົນ.