ບ້ານປ່າໄມ້ຂຽວ ແຫລ່ງທ່ອງທ່ຽວແບບຜະຈົນໄພທີ່ຫນາສຳຜັດ ແລະ ທ່ຽວຊົມ

      ອາດຈະຍັງມີຫຼາຍໆຄົນທີ່ບໍ່ທັນເຄີຍຮູ້ຈັກແລະເຄີຍໄດ້ໄປສຳພັດບ້ານປາຍ ໄມ້ ຂຽວແຫຼ່ງທ່ອງທ່ຽວໜອງຫຼວງບ່ອນກຸ ຫຼາບພັນປີຜູ້ເມືອງປາກຊ່ອງແດນໜາວ, ເຊິ່ງ ດິນແດນກຸຫຼາບພັນປີແຫ່ງນີ້ທີ່ຂຽນຈະນຳມາບອກເລົ່າໃຫ້ທ່ານໄດ້ຮູ້ຈັກແມ່ນ ນອນ ໃນເຂດດົງບໍລະເວນເມືອງປາກຊ່ອງແດນໜາວທາງພາກໃຕ້ແຂວງຈຳປາສັກພຸ້ນ ເພາະຢູ່ເມືອງປາກຊ່ອງແມ່ນຈະມີແຫຼ່ງທ່ອງທ່ຽວອີກແຫ່ງຫນຶ່ງທີ່ພວມຖືກກ່າວ ຂານຈາກນັກທ່ອງ ທ່ຽວຊາວຕ່າງປະເທດເຊັ່ນແຫຼ່ງທ່ອງທ່ຽວໜອງຫຼວງ, ນ້ຳຕົກຕ າດ ເຈັດຊັ້ນທີ່ສວຍງາມ ແລະ   ບ້ານປາຍໄມ້ຂຽວໂດຍແມ່ນບໍລິສັດກຣີນດິສໂກເວີຣີ (Greendis covery) ເປັນຜູ້ສຳປະທານ ເຮັດເປັນແຫຼ່ງທ່ອງທ່ຽວແບບເຄິ່ງພະຈົນໄພໃນດິນແດນນ້ຳຕົກຕາດທີ່ສູງຊັນ ແລະ ງົດງາມ, ການທ່ອງທ່ຽວຊົມດິນແດນກຸຫຼາບພັນປີບ່ອນທີ່ມີທຳມະຊາດອຸດົມສົມບູນມີສາຍນ້ຳໄຫຼຜ່ານຕາດແກ້ງຫຼາຍແຫ່ງ ທີ່ ສວຍສົດງົດງາມທັງເສັ້ນທາງກໍຜ່ານໂຄກຄ້ອຍເຂົາຊັນໂດຍຈະມີເສັ້ນທາງເປັນທາງດິນແດງອອກຈາກຕົວເມືອງປາກຊ່ອງໄປຫາໝູ່ບ້ານນອງຫຼວງປະມານ 14 ກິໂລແມັດ ທີ່ລົດສາມາດແລ່ນໄປເຖິງໄດ້ຈາກນັ້ນຈະເປັນທາງຍ່າງອີກ 4 ກິໂລແມັດຈິ່ງໄປຮອດສະຖານທີ່ແຕ່ກ່ອນອອກເດີນ ທາງທຸກ ຄັ້ງຕ້ອງໄດ້ຮັບຟັງການອະທິບາຍ ແລະການສາທິດວິທີໃຊ້ອຸປະກອນເພື່ອປ້ອງກັນໄພໃນເບື້ອງຕົ້ນຈາກຜູ້ຊ່ຽວຊານເສຍ ກ່ອນເພື່ອ ໃຫ້ແຕ່ລະຄົນໄດ້ຮັບຮູ້ວິທີປ້ອງກັນຕົນເອງ.

        ການເດີນທາງໄປແຫຼ່ງທ່ອງທ່ຽວບ້ານປາຍໄມ້ຂຽວທີ່ນ້ຳຕົກຕາດຂະມຶດຈະຕ້ອງໄດ້ຜ່ານຂົວໄມ້ຂ້າມຫ້ວຍຕວຍ, ຜ່ານທົ່ງຫຍ້າທີ່ອຸດົມສົມບູນ ແລະ ຊີວະນາໆພັນຈາກນັ້ນຈິ່ງ ເຂົ້າສູ່ເຂດປ່າຕຶບດົງໜາທີ່ຢືນສະຫງ່າສູງຊັນແລະຍັງເປັນເຂດ ທີ່ອຸດົມສົມບູນອີກແຫ່ງຫນຶ່ງເຊິ່ງ ການເດີນທາງຄັ້ງນັ້ນແມ່ນເປັນ ການມາທັດສະນະສຶກສາແບບ ທຳມະຊາດທັງພະຈົນໄພອີກ ດ້ວຍຂໍໃຫ້ທຸກຄົນມີສະຕິລະວັງຕົວທຸກບາດກ້າວຍ່າງ, ອັນນັ້ນຄື ຄຳເວົ້າທີ່ຜູ້ຮັບຜິດຊອບໄດ້ຕັກເຕືອນໃຫ້ຜູ້ຮ່ວມເດີນ ທາງ ທຸກໆຄັ້ງເພາະອີກບໍ່ດົນເຮົາອາດຈະໄດ້ພົບຂຸມຊັບທີ່ແສນອັດສະຈັນຍ່າງຍິ່ງໃນເຂດເມືອງປາກຊ່ອງເພາະທັງໝົດທິມງານນັ້ນໄດ້ເດີນທາງຜ່ານໂຄກຄ້ອຍແລ້ວຈິ່ງລົງສູ່ຕາດເສືອ, ຕາດຕວຍແລ້ວຍ່າງຂ້າມຂົວອູ່ທີ່ໜ້າຫວາດສຽວ ແລະ ຕື່ນເຕັ້ນເຊິ່ງມີ ຄວາມ ຍາວ ປະມານ 50 ແມັດແລະຈາກນັ້ນກໍ ຈິ່ງໄປເຖິງສາຍສະລິງເສັ້ນທີ 1 ມີຄວາມຍາວ 50 ແມັດແລ້ວຜ່ານ ຍັງເສັ້ນທີ 2 ເຊິ່ງມີ ຄວາມຍາວ 100 ແມັດ ແລະ ເສັ້ນທີ 3 ມີ ຄວາມຍາວ 150 ແມັດຈົນໄປຮອດສາຍສະລິງເສັ້ນທີ8ທ່ີມີຄວາມຍາວ 250 ແມັດແລ້ວຈິ່ງ ລົງສູ່ຮ້ານອາຫານໃນກຸ່ມບ້ານປາຍໄມ້ຂຽວເຊິ່ງຖືືກສ້າງຂຶ້ນເທິງປາຍໄມ້ທີ່ມີຄວາມສູງຈາກໜ້າ ດິນເປັນສິບປາຍ ແມັດ, ແລ້ວ ຈາກນັ້ນຈິ່ງຈະໄດ້ແຍກຍ້າຍກັນໄປທ່ຽວຊົມແຕ່ລະບ່ອນຕາມອັດທະຍາໃສໃນກິດຈະກຳຕ່າງໆ ຂອງການທ່ອງ ທ່ຽວ, ເຊິ່ງບາງທ່ານກໍສາມາດລົງອາບນ້ຳສະລ້າງເຫື່ອໄຄໃນໜ້າຕາດຂະມຶດ ແລະ ຕາດເສືອທີ່ຕົກລົງມາຄົບກັນພໍດີອັນ ເປັນສະ ຖານທີ່ທ່ອງ ທ່ຽວທີ່ງົດງາມໜ້າປະທັບໃຈທີ່ ສຸດ.

   ຫຼັງພາລະກິດອີ່ມໜຳສຳລານ ແລ້ວໆພາລະກິດຍ່າງປ່າຊົມໝູ່ ບ້ານປາຍໄມ້ຂຽວໂດຍຜ່ານສາຍສະລິງເສັ້ນທີ 9 ແລະ ເສັ້ນທີ 10 ເຊິ່ງມີຄວາມຍາວ 350 ແມັດ ແລະ 450 ແມັດ ກໍໄດ້ດຳເນີນຕໍ່ ເຊິ່ງແຕ່ລະທ່ານສາມາດຕັດສິນ ໃຈໄດ້ດ້ວຍຕົນເອງເພາະ ເປັນການພະຈົນໄພທີ່ໜ້າຫວາດສຽວທີ່ສຸດໃນການເດີນທາງໄປທ່ອງທ່ຽວປ່າ, ເຊິ່ງໃນປັດຈຸບັນມີນັກທ່ອງທ່ຽວທຳມະ ຊາດ ສົນໃຈເຂົ້າມາທ່ອງທ່ຽວຫຼາຍເປັນພິເສດໃນລະດູການທ່ອງທ່ຽວນີ້, ລວມໄປເຖິງການກັບຄືນມາອີກກໍເປັນ ໜ້າລະທຶກໃຈ ເພາະນອກຈາກຈະໄດ້ພະຈົນໄພແບບບໍ່ເຄີຍເລີຍໃນຊີວິດແລ້ວຍັງໄດ້ຖ່າຍຮູບໄວ້ເປັນທີ່ລະນຶກອີກເພາະໃນຄ່ຳຄືນນັ້ນຕ້ອງໄດ້ນອນພັກຜ່ອນທີ່ບ້ານປາຍໄມ້ຂຽວຫນຶ່ງຄືນກິນອາຫານພື້ນເມືອງຊົມແສງເດືອນຫງາຍປະສານດ້ວຍສາຍລົມເຢັນພັດຜ່ານມາ ທີ່ໝູ່ບ້ານປາຍໄມ້ຂຽວເຊິ່ງປະສົມດ້ວຍຝອຍລະອອງນ້ຳຈາກຕາດຂະມຶດທີ່ມີຄວາມສູງຊັນເຖິງ 200 ກວ່າ ແມັດ ເຮັດໃຫ້ອາ ກາດໜາວເຢັນຈົນເກືອບສະບັ້ນຫາກຜູ້ໃດບໍ່ເຄີຍໄດ້ສຳພັດອາກາດໜາວ, ມັນເປັນບັນຍາກາດທີ່ຄຸ້ມຄ່າທີ່ສຸດໃນຊີວິດການ ທ່ອງທ່ຽວ ແລະ ການຜະຈົນໄພ, ນອກຈາກນັ້ນ ຜູ້ນຳພາທ່ຽວຍັງໄດ້ພາເຮັດກິດຈະກຳຕ່າງໆຕາມລາຍການ ຂອງການທ່ອງ ທ່ຽວໂດຍມີກອງໄຟຈູດຟືນໃຕ້ຮຸ່ງສະຫວ່າງສະໄຫວເພື່ອຜ່ອນຄາຍຄວາມໜາວຟັງການເລົ່ານິທານຕະລົກຊວນຫົວແລະຫຼິ້ນເກມຕ່າງໆທີ່ທາງບໍລິສັດຈັດໄວ້ໃຫ້ເປັນການສ້າງຄວາມສະໜຸກລື່ນເລີງໃຫ້ກັບນັກທ່ອງທ່ຽວ, ຕອນເດີນທາງກັບ ຄືນມາຍັງໝູ່ ບ້ານໜອງຫຼວງໃນມື້ຕໍ່ມາຍັງໄດ້ແວ່ພັກກິນເຂົ້າທ່ຽງທີ່ນັ້ນພ້ອມທັງໄດ້ເຂົ້າອົບນວດແຜນໂບຮານໃນບ້ານພັກໂຮມສະເຕ (Homestay) ທີ່ທາງບໍລິສັດຈັດໄວ້ຕ້ອນຮັບຫຼັງຈາກນັ້ນຈິ່ງ ໄດ້ກັບຄືນປາກຊ່ອງດ້ວຍພາຫະນະນຳທ່ຽວຂອງບໍລິສັດດ້ວຍ ຄວາມປອດໄພເປັນການທ່ອງທ່ຽວແບບພະຈົນໄພໃນເຊີງອະນຸລັກທຳມະຊາດໂດຍໃຫ້ປະຊາຊົນມີສ່ວນຮ່ວມໃນການພັດທະນາ ທັງເປັນການສ້າງວຽກເຮັດງານທຳໃຫ້ກັບພໍ່ແມ່ປະຊາຊົນໄດ້ດີ ນຳອີກ.