ໄອເອັມເອັຟຊ່ວຍເຫລືອລາວປັບປຸງລະບຽບການທີ່ຕິດພັນກັບການດຳເນີນທຸລະກິດ

        ພິທີລົງນາມຂຶ້ນໃນວັນທີ 21 ມີນານີ້ ໂດຍແມ່ນກະຊວງແຜນການ ແລະ ການລົງ ທຶນ,ໄດ້ຕາງ ໜ້າໃຫ້ລັດຖະບານລາວ ເຊັນສັນຍາການຮ່ວມມືກັບອົງການການເງິນ ສາກົນ (IMF) ລະຫວ່າງ ທ່ານ ດຣ ບຸນທະວີ ສີສຸພັນທອງ ລັດຖະມົນຕີ ຊ່ວຍວ່າ ການກະຊວງ ແຜນການ ແລະ ການລົງທຶນ ແລະ ທ່ານ ອາມິລິອອດສ໌ ຮັດຊິນິ ໂກລາອູຜູ້ຕາງໜ້າອົງ ການການເງິນສາກົນປະ ຈຳລາວ.          

      ການຊ່ວຍເຫລືອຄັ້ງນີ້ແນໃສ່ປັບປຸງລະບຽບການຕ່າງໆທີ່ຕິດພັນກັບການອຳນວຍຄວາມ ສະດວກໃຫ້ແກ່ການດຳເນີນ ທຸລະກິດຂອງນັກລົງທຶນທີ່ມາລົງທຶນ ຢູ່ ສປປ ລາວ ໂດຍຈະ ຊ່ວຍໃນການຫລຸດຜ່ອນຂັ້ນຕອນທີ່ບໍ່ຈຳ ເປັນໃນການຂໍອະ ນຸຍາດດຳເນີນທຸລະກິດ ຊຶ່ງລວມ ມີລະບຽບການໃນການສ້າງຕັ້ງທຸລະກິດ, ການອອກໃບອະນຸຍາດດຳເນີນທຸລະກິດ ແລະ ການປົກປ້ອງຜູ້ລົງທຶນ. ໃນພິທີລົງນາມ ທ່ານ ດຣ ບຸນທະ ວີ ສີສຸພັນທອງ ໄດ້ມີຄຳເຫັນວ່າ: ການປັບປຸງລະບຽບການທີ່ຕິດ ພັນກັບການດຳເນີນທຸລະກິດແມ່ນມີຄວາມຈຳເປັນຕໍ່ການສ້າງສະພາບແວດລ້ອມຂອງການດຳ ເນີນທຸລະກິດທີ່ເປັນມິດແກ່ ການລົງທຶນ ແລະ ດ້ວຍປະສົບການຂອງອົງການການເງິນສາກົນຈະຊ່ວຍນຳເອົາແບບວິທີປະຕິບັດ ທີ່ດີທີ່ສຸດຂອງສາກົນ ໃນການຄຸ້ມຄອງດ້ານລະບຽບການດຳເນີນ ທຸລະກິດທີ່ເໝາະສົມມາຈັດຕັ້ງປະຕິບັດ ຢູ່ ສປປ ລາວ.

       ໃນຊຸມປີຜ່ານມາອົງການການເງິນສາກົນໄດ້ໃຫ້ການຊ່ວຍເຫລືອລັດຖະບານລາວໃນການປັບປຸງສະພາບແວດລ້ອມຂອງ ການລົງທຶນເພື່ອພັດທະນາພາກເອກະຊົນທີ່ເປັນທ່າແຮງຂອງການພັດທະນາເສດຖະກິດ, ໃນນ້ັນລັດຖະບານລາວໄດ້ຈັດຕັ້ງ ປະຕິບັດມາດຕະການຫລຸດຜ່ອນຄ່າໃຊ້ຈ່າຍໃນການດຳເນີນທຸລະກິດຜ່ານການປັບປຸງລະບົບໂຄ່ງລ່າງການດຳເນີນທຸລະກິດ, ການອຳນວຍຄວາມສະດວກໃນການກະຈາຍສິນຄ້າ, ຄັດຮອນຂັ້ນຕອນການຕັ້ງທຸລະກິດ ແລະ ສ້າງຄວາມສະດວກ ໃຫ້ແກ່ ລະບົບສວຍສາອາກອນ. ໂຄງການໃຫ້ຄຳປຶກສາກ່ຽວກັບບັນຍາກາດໃນການລົງທຶນຢູ່ ສປປ ລາວ ຂອງ ອົງການການ ເງິນສາ ກົນໄດ້ຈັດຕັ້ງປະຕິບັດໂດຍການຮ່ວມມືກັບບັນດາປະເທດທີ່ໃຫ້ທຶນເຊັ່ນ: ກາ ນາດາ, ຟິນແລນ, ໄອແລນ, ເກົາ ຫລີ, ເນເທີ ແລນ, ນິວຊີແລນ ແລະ ສະວິດສະແລນ .