ເປີດເທສະການອາຫານໃນໂອກາດຈັດກອງປະຊຸມວິຊາການທ່ອງທ່ຽວອາຊຽນຢູ່ແຂວງຈຳປາສັກ

         ໃນວັນທີ 19 ມີນານີ້ ຢູ່ໂຮງແຮມຈຳປາສັກແກຣນ ໄດ້ມີພິທີເປີດເທສະການ ອາຫານເນື່ອງໃນໂອກາດກອງ ປະຊຸມວິຊາ ການທ່ອງທ່ຽວອາຊຽນປີ 2013 ໂດຍ ການເຂົ້າຮ່ວມເປັນກຽດຂອງ ທ່ານ ດຣ. ສອນໄຊ ສີພັນດອນ ເຈົ້າແຂວງຈຳປາສັກ ພ້ອມດ້ວຍຄະນະຜູ້ແທນຈາກປະເທດສະມາຊິກອາຊຽນເຊິ່ງມີຮ້ານອາຫານຊື່ດັງຈາກ 8 ເມືອງ ແລະ ຫົວໜ່ວຍທຸລະກິດ ເຮືອນພັກ, ໂຮງແຮມ ແລະ ຮ້ານອາຫານທົ່ວ ເມືອງປາກເຊເຂົ້າຮ່ວມ.

           ເຈົ້າແຂວງຈຳປາສັກ ໄດ້ໃຫ້ກຽດກ່າວເປີດພິທີຢ່າງເປັນທາງການວ່າ: ໃນເດືອນມັງກອນຜ່ານມາ ສປປ ລາວ ກໍໄດ້ຮັບ ກຽດເປັນເຈົ້າພາບຈັດມະຫະກຳ ທ່ອງທ່ຽວອາຊຽນປີ 2013 (ATF). ພິທີດັ່ງກ່າວໄດ້ຮັບຜົນສຳເລັດຢ່າງຈົບງາມ ພາຍໃຕ້ຄຳ ຂວັນທີ່ວ່າ: “ອາຊຽນຈັບມືກັນ ສ້າງສັນອະນາຄົດ”ເຊິ່ງທັງໝົດນັ້ນຄືການເລັ່ງປັບໂຕເຂົ້າເປັນປະຊາຄົມເສດຖະກິດອາ ຊຽນໃນ ທ້າຍປີ 2015 ແລະ ເພື່ອຜັນຂະຫຍາຍກອງປະຊຸມດັ່ງທີ່ກ່າວມານັ້ນ ແຂວງຈຳປາສັກຈຶ່ງໄດ້ຮັບ ກຽດເປັນເຈົ້າພາບ ຮ່ວມກັບ ກະຊວງ ຖວທ ຈັດຕັ້ງກອງປະຊຸມດ້ານວິຊາການທ່ອງທ່ຽວອາຊຽນຂຶ້ນໃນເທື່ອນີ້. ອີກຢ່າງໜຶ່ງດິນແດນຈຳປາ

ສັກແມ່ນດິນ ແດນມໍລະດົກໂລກຂອງລາວທີ່ປ່ຽມລົ້ນໄປດ້ວຍສີສັນເປັນແຫຼ່ງວັດທະນະທຳທີ່ມີເອກະລັກຂອງທ້ອງຖິ່ນ ເປັນຕົ້ນກໍຄືອາຫານ ທີ່ນຳມາສະເໜີໃຫ້ບັນດາທ່ານໄດ້ຊີມລົດຊາດທີ່ເປັນເອກະລັກຂອງລາວພາກໃຕ້ ແຕ່ກໍໄດ້ສອດປະສານ ກັບລົດນິຍົມຂອງສາ ກົນໃນບາງລາຍການ ຊິ່ງທັງໝົດນັ້ນຄືການປະກອບສ່ວນຂອງພາກທຸລະກິດໂຮງແຮມ, ເຮືອນພັກ ແລະ ຮ້ານອາຫານພາຍ ໃນແຂວງຈຳປາສັກ.

         ນອກຈາກນັ້ນ, ເຈົ້າແຂວງ ຍັງໄດ້ເຊີນຊວນໃຫ້ບັນດາແຂກ ແລະຄະນະຜູ້ແທນທີ່ເຂົ້າຮ່ວມໃນ ກອງປະຊຸມ ໄດ້ສະລະ ເວລາໄປ ທ່ຽວຊົມ ຄວາມງົດງາມຂອງທຳ ມະຊາດ ແລະ ແຫຼ່ງອະລິຍະທຳທີ່ ໂດດເດັ່ນຂອງແຂວງໃນໄລຍະທີ່ ພັກເຊົາ ແລະ ຮ່ວມກອງປະຊຸມ ໃນ​ເທື່ອນີ້. ພ້ອມນີ້ ທ່ານຍັງໄດ້ສະ ແດງຄວາມຂອບໃຈໄປຍັງຄະນະ ຜູ້ແທນ ແລະ ຄະນະວິຊາການ ຈາກ ກະຊວງຖວທທີ່ຈັດພິທີນີ້ຂຶ້ນມາ ລວມທັງບັນດາທຸລະກິດທົ່ວ ແຂວງຈຳປາສັກທີ່ເຂົ້າຮ່ວມເທສະການອາຫານແຂວງຈຳປາ ສັກເພື່ອປະກອບສ່ວນໃຫ້ກອງປະຊຸມວິຊາການທ່ອງທ່ຽວອາຊຽນນີ້ມີສີສັນຂຶ້ນຕື່ມອີກ.