ເມື່ອມໍ່ໆມານີ້, ຄະນະຜູ້ແທນຂະແໜງການກ່ຽວຂ້ອງຕ່າງໆຂອງແຂວງອຸດົມໄຊ
ໄດ້ໄປຢ້ຽມ ຢາມແລກປ່ຽນບົດຮຽນໃນການປູກ ແລະ ບົວລະບັດຮັກສາຕົ້ນ ຢາງພາລາຂອງບໍລິສັດຫຸ້ນສ່ວນກາວຊູດຽນບຽນ
ແລະ ບໍລິສັດຫຸ້ນສ່ວນກາວຊູເລກ II ລາຍເຈົາ ສສ ຫວຽດນາມ ໃນເນື້ອທີ່ 7.000 ເຮັກຕາ
ທີ່ໄດ້ປູກຢູ່ແຂວງດຽນ ບຽນ ແລະ ລາຍເຈົາ ແຕ່ປີ 2008 ເປັນຕົ້ນ ມາ ແລະ ເຫັນວ່າການປູກຕົ້ນໄມ້ອຸດສາຫະກຳດັ່ງກ່າວບໍ່ພຽງແຕ່ເປັນການສ້າງວຽກເຮັດງານທຳ
ແລະ ໃຫ້ປະຊາຊົນມີລາຍຮັບທີ່ໝັ້ນຄົງເທົ່ານັ້ນ ມັນຍັງປະກອບສ່ວນກະຕຸກຊຸກຍູ້ເສດຖະກິດຂອງທ້ອງຖິ່ນ
ກໍຄືຂອງຊາດໃຫ້ເຕີບໃຫຍ່ເຂັ້ມແຂງນຳອີກ.
ໃນໂອກາດຖອດຖອນບົດຮຽນອັນມີຄຸນຄ່ານັ້ນ,
ຄະນະນຳ ກໍຄືຄະນະຮັບຜິດຊອບໂຄງ ການປູກຕົ້ນຢາງພາລາແຂວງອຸດົມໄຊ ກໍໄດ້ຕີລາຄາສູງຕໍ່ຜົນສຳເລັດການໄປແລກປ່ຽນບົດ ຮຽນ
ແລະ ປະ ສົບການປູກ ແລະ ບົວລະບັດຮັກ ສາຕົ້ນຢາງພາລາຢູ່ສອງແຂວງດັ່ງກ່າວ ແລະ
ໃຫ້ຄວາມຫວັງວ່າຈະນຳເອົາບົດຮຽນອັນປະເສີດນີ້ໄປນຳໃຊ້ເຂົ້າໃນວຽກງານຕົວຈິງຢູ່ທ້ອງຖິ່ນຂອງຕົນໃຫ້ເກີດດອກອອກຜົນ.
No comments:
Post a Comment