ໄລຍະນີ້ການໃຊ້ຈ່າຍຊື້ຂາຍສິນຄ້າອຸປະໂພກຄຶກຄື້ນດີຂຶ້ນ

       ຈາກການລົງຕິດຕາມຂອງນັກຂ່າວພວກເຮົາຢູ່ຕະຫຼາດໃຫຍ່ ເຊັ່ນຕະຫຼາດເຊົ້າ:ຕະຫຼາດຂົວດິນ ຊ່ວງນີ້ການໃຊ້ຈ່າຍຊື້ ຂາຍສິນຄ້າປະເພດອຸປະໂພກໂດຍສະເພາະເຄື່ອງນຸ່ງຫົ່ມແມ່ນມີຄວາມຄຶກຄື້ນ, ໜາແໜ້ນຫຼາຍເປັນເພາະໄລຍະວັນແມ່ຍິງສາ ກົນນັ້ນເອງຜູ້ຍິງພາກັນມາຫາຊື້ເຄື່ອງໃຊ້ຂອງສອຍໃຫ້ແກ່ຕົນເອງ ແລະ ເອົາໄປເປັນຂອງຂັວນໃຫ້ແກ່ຜູ້ອາວຸໂສຍິງ, ເພື່ອນຍິງ ທີ່ຕົນເອງນັບຖືຮັກແພງສິ່ງເຫຼົ່ານີ້ແມ່ນນິຍົມກັນປະຕິບັດມາໃນແຕ່ລະປີ, ສິນຄ້າທີໄດ້ຂາຍດີ ແລະ ນິຍົມກັນຊື້ຫຼາຍທີ່ສຸດ ໃນໄລຍະນີ້ແມ່ນສິ້ນໄໜ, ເສື້ອໄໝ, ຮອງລົງມາແມ່ນ ເຄື່ອງນຸ່ງຫົມ ແລະເຄື່ອງສຳອາງຕ່າງໆ. ປ້າພັນເຈົ້າຂາຍຮ້ານຂາຍສ້ິນຢູ່ ຕະຫຼາດຂົວດິນກ່າວວ່າ: ໄລຍະນີ້ຄົນມາຕະຫຼາດໜາແໜ້ນຫຼາຍ ແລະ ສິນຄ້າກໍໄດ້ຂາຍດີໂດຍສະເພາະປະເພດສິ້ນໄໝ, ເສື້ອໄໝ, ສ່ວນລາຄາຂອງສິນຄ້າຖ້າທຽບໃສ່ໄລຍະນີ້ຂອງທຸກໆປີແມ່ນການຊື້ຂາຍສິນຄ້າມີຄວາມ...?         

        ວັນແມ່ຍິງສາກົນເປັນວັນໜຶ່ງທີ່ສຳຄັນຕໍ່ແມ່ຍິງໃນທົ່ວໂລກກຳເນີດຈາກການນັດຢຸດວຽກ, ເດີນຂະບວນປະທ້ວງຂອງ ກຳມະກອນຍິງຢູ່ໂຮງງານເມືອງຊິກາໂກເພື່ອຮຽກຮ້ອງສິດຂອງແມ່ຍິງໃນການໃຊ້ແຮງງານຍິງນຳໂດຍຜູ້ນຳແຮງງານຍິງຊາວເຢຍ ລະມັນທີ່ມີການເຮັດວຽກພາຍໃຕ້ສະພາບແວດລ້ອມອັນໂຫດຮ້າຍ, ມື້ໜິ່ງເຮັດວຽກ 16-17 ຊົ່ວໂມງ. ຫຼັງການຕໍ່ສູ້ດົນເຖິງ 3 ປີໃນວັນທີ 8 ມີນາ 1910, ຂໍ້ຮຽກຮ້ອງຂອງແມ່ຍິງຈິງປະສົບຄວາມສຳເລັດເມື່ອຕົວແທນແມ່ ຍິງຈາກ18ປະເທດເຂົ້າຮ່ວມປະ ຊຸມສະມັດຊາແມ່ຍິງສັງຄົມນິຍົມຄັ້ງທີ2ເມືອງໂຄເປນຮາກປະເທດດານມາກ.   

      ກອງປະຊຸມໄດ້ປະກາດຮັບຮອງຂໍ້ຮຽກຮ້ອງຂອງແມ່ຍິງໂດຍຫຼຸດເວລາການເຮັດວຽກເຫຼືອພຽງ8ຊົ່ວໂມງ/ມື້, ອີກ 8 ຊົ່ວ ໂມງແມ່ນໄປສຶກສາຫາຄວາມຮູ້ ແລະ ອີກ 8 ຊົ່ວໂມງ ແມ່ນພັກຜ່ອນ ແລະ ກຳນົດໃຫ້ຄ່າແຮງງານຂອງແມ່ຍິງເທົ່າກັບແຮງ ງານຂອງຜູ້ຊາຍ.ນອກນັ້ນກອງປະຊຸມຍັງໄດ້ຮັບຮອງເອົາຂໍ້ສະເໜີທີ 8 ມີນາຂອງທຸກປີເປັນວັນແມ່ຍິງສາກົນ, ຫຼາຍປະເທດໃນ ໂລກໄດ້ເຫຼີມສະຫຼອງວັນດັ່ງກ່າວ ແລະ ປະເທດລາວຂອງພວກເຮົາກໍໄດ້ສະເຫຼີມສະຫຼອງວັນແມ່ຍິງສາກົນເຊັນດຽວກັບປະ ເທດ ອື່ນໆ.