ລັດຖະບານລາວຈະມີລາຍຮັບຈາກໂຄງການນ້ຳເທີນ 2 ສະເລ່ຍ 80 ລ້ານໂດລາ/ປີ

          ທ່ານ ໄຊປະເສີດ ພົມສຸພາ ຫົວໜ້າກົມທຸລະກິດພະລັງງານ ໄດ້ລາຍງານໃຫ້ຮູ້ກ່ຽວກັບການ ພັດທະນາໂຄງການນ້ຳ ເທີນ 2 ໃນພິທີປະດັບຫລຽນ ແລະ ມອບ ໃບຍ້ອງຍໍລັດຖະບານ ໃຫ້ຜູ້ທີ່ມີ ຜົນງານດີເດັ່ນປະກອບສ່ວນ ເຫື່ອແຮງ ແລະ ສະຕິປັນຍາເຂົ້າ ໃນການກໍ່ສ້າງໂຄງການເຂື່ອນ ໄຟຟ້ານ້ຳຕົກນ້ຳເທີນ 2 ໃນວັນ ທີ 28 ມີນາ 2013 ຜ່ານມາຢູ່ກະຊວງ ພະ ລັງ ງານ ແລະ ບໍ່ແຮ່.ໂຄງການ ດັ່ງກ່າວເປັນໂຄງການໜຶ່ງທີ່ ສ້າງຜົນປະໂຫຍດທາງກົງ ແລະ ທາງອ້ອມໃຫ້ແກ່ປະຊາຊົນກໍຄື ລັດ ຖະບານຫລາຍສົມຄວນ ເຊັ່ນ: ຜົນປະໂຫຍດທາງກົງຕໍ່ລັດຖະ ບານຕໍ່ການເກັບຄ່າພາກຫລວງ ອາກອນກຳໄລ ແລະ ເງິນປັນ ຜົນຕະຫລອດໄລຍະສຳປະທານ 25 ປີ ເຖິງ 2.000  ລ້ານໂດລາສະ ຫະລັດ ຫລື ສະເລ່ຍ 80 ລ້ານ ໂດລາສະຫະລັດຕໍ່ປີ.

       ຫົວໜ້າກົມທຸລະກິດພະລັງ ງານ ຍັງໃຫ້ຮູ້ອີກວ່າ:ໂຄງ ການ ເຂື່ອນໄຟຟ້ານ້ຳຕົກນ້ຳເທີນ 2 ຕັ້ງ ຢູ່ເທິງພູພຽງນາກາຍ ແຂວງ ຄຳ ມ່ວນ ແລະ ແຂວງບໍລິຄຳໄຊ, ເຂື່ອນມີຄວາມສູງ 39 ແມັດ, ມີອ່າງເກັບນ້ຳ 450 ກີໂລ ຕາ ແມັດ ສາມາດເກັບ ນ້ຳໄດ້ 3.500 ລ້ານແມັດກ້ອນ, ສາຍສົ່ງແຮງ ສູງ 500 ກິໂລໂວນ ເພື່ອສົ່ງ ຂາຍໄປປະເທດໄທ ມີຄວາມ ຍາວ 138

ກິໂລແມັດ ແລະ ສາຍ ສົ່ງ 115 ກິໂລໂວນ ເພື່ອສະໜອງ ໄຟຟ້າຊົມໃຊ້ພາຍໃນປະເທດມີ ຄວາມຍາວ 30 ກິໂລແມັດ.ໂຄງ ການນ້ຳເທີນ 2 ມີກຳລັງຕິດຕັ້ງ 1.074 ເມກາວັດແລະສາມາດຜະ ລິດພະລັງງານໄຟຟ້າໄດ້ 6.000 ກິ ກາວັດໂມງ/ປີ,ມີລາຍ ຮັບຈາກ ການຂາຍໄຟຟ້າປະມານ 280 ລ້ານໂດລາສະຫະລັດ/ປີ.ໂຄງ ການດັ່ງກ່າວນອກຈາກໄດ້ສ້າງ ຜົນປະໂຫຍດທາງກົງ ໃຫ້ແກ່ລັດຖະບານແລ້ວ, ຍັງໄດ້ສ້າງຜົນປະໂຫຍດທາງອ້ອມໃຫ້ແກ່ປະຊາຊົນ ທ້ອງຖິ່ນ ເປັນຕົ້ນແມ່ນສ້າງວງກ ເຮັດງານທຳ, ສ້າງທາງ ໃໝ່, ສະໜອງທຶນເພື່ອພັດທະນາຊີວິດ ການເປັນຢູ່ຂອງປະຊາຊົນ 223 ບ້ານຢູ່ເຂດໃຕ້ເຂື່ອນ, ສ້າງປະຕູນ້ຳຈາກອ່າງ ດັດສົມ ແລະຄອງເໝືອງເພື່ອສະໜອງນ້ຳໃຫ້ແກ່ລະບົບຊົນລະປະທານເຂດຍົມມະລາດ, ເຂດເຊບັ້ງໄຟ ແລະ ອື່ນໆ.

          ໂຄງການເຂື່ອນໄຟຟ້ານ້ຳ ຕົກນ້ຳເທີນ 2 ໄດ້ລົງມືກໍ່ສ້າງ ໃນ ປີ 2005 ແລະ ໄດ້ເລີ່ມຂາຍໄຟຟ້າ ຢ່າງເປັນທາງການ ໃນວັນທີ 30 ເມສາ 2010 ລວມມູນຄ່າການກໍ່ ສ້າງໂຄງການ 1.250 ລ້ານໂດ ລາສະຫະລັດ.