ນາງອາເລັກຊານດຣາ ໄດ້ຮັບການແຕ່ງຕັ້ງເປັນທູດໄມຕີຈິດປະຈຳລາວ ຂອງອົງການສະຫະປະຊາຊາດ

     ໃນວັນທີ 9 ເມສາ 2013 ນີ້ ທີ່ນະຄອນຫລວງວຽງຈັນ,  ທ່ານ ມິງຟາມ ຜູ້ຕາງ ໜ້າອົງການສະຫະປະຊາຊາດເພື່ອການ ພັດທະນາ (ສປຊ) ໄດ້ປະກາດແຕ່ງຕັ້ງ ນາງ ສາວ ອາເລັກຊານດຣາ ບຸນ ຊ່ວຍ ເປັນທູດໄມຕີຈິດ ຜູ້ທຳອິດ ຂອງອົງການ ສປຊ ປະຈຳ ສປປ. ລາວ ໂດຍມີພະນັກງານທີ່ ກ່ຽວຂ້ອງເຂົ້າຮ່ວມ.

     ທ່ານ ມິງຟາມ ກ່າວວ່າ: ສຳ ລັບບົດບາດການເປັນທູດໄມຕີ ຈິດ ຂອງ ສປຊ ຂອງ ນາງສາວ  ອາເລັກຊານດຣາ ແມ່ນແນ ໃສ່ວຽກງານສະໜັບສະໜູນໃນ ເລື່ອງ ບັນຫາລະເບີດບໍ່ທັນແຕກຈົນກວ່າຈະເຖິງກຳນົດການບັນລຸເປົ້າໝາຍສະຫັດສະ ວັດແຫ່ງການພັດທະນານີ້ຊຶ່ງເປັນສິ່ງທີ່ສຳຄັນທີ່ຈະເລັ່ງຄວາມພະຍາຍາມໃນການ ເຮັດວຽກເພື່ອມຸ່ງ ໄປສູ່ການບັນລຸເປົ້າໝາຍດັ່ງກ່າວ ເພື່ອຫລຸດຜ່ອນຜົນກະທົບຈາກລະເບີດບໍ່ທັນແຕກໃນປີ 2015 ແລະ ທີ່ສຳຄັນ, ທູດໄມຕີຈິດຖືເປັນບົດບາດອັນມີຄວາມ ໝາຍໃນການສື່ສານ ແລະ ສະ ໜັບສະໜູນການພັດທະນາຂໍ້ ຄວາມຕ່າງໆ.

    ຜູ້ຕາງໜ້າອົງການສະຫະປະ ຊາຊາດ ເພື່ອການພັດທະນາ (ສປຊ) ກ່າວວ່າ: ນາງອາເລັກຊານດຣາ  ເປັນຄົນມີຄວາມຮູ້ ຄວາມສາມາດ ແລະ ມີຊື່ສຽງຕໍ່ສາທາລະນະ, ສາມາດນຳໃຊ້ສະຖານະພາບໃນການເຂົ້າເຖິງຫລາກຫລາຍກຸ່ມເປົ້າໝາຍ ແລະ  ຜູ້ໃຫ້ບໍລິຈາກທຶນຕ່າງໆເພື່ອສືບຕໍ່ມຸ່ງໝັ້ນຕໍ່ເປົ້າໝາຍຂອງອົງການສະຫະປະຊາຊາດເພື່ອການພັດທະນາ.