ເອດີບີຄາດຄະເນເສດຖະກິດຂອງລາວຈະຂະຫຍາຍຕົວ 7,7% ໃນປີ 2013

        ທະນາຄານພັດທະນາອາຊີ (ADB) ໄດ້ ໃຫ້ຮູ້ວ່າ: ໃນປີ 2013, ເສດຖະກິດຂອງ ສປປ ລາວ ຄາດວ່າຈະຂະ ຫຍາຍ ຕົວປະມານ 7,7% ເນື່ອງຈາກບັນດາອຸດສາຫະກຳ ທີ່ອີງໃສ່ຊັບພະຍາກອນທຳມະຊາດ, ອຸດສາຫະກຳຕັດຫຍິບ ແລະ ຂະແໜງບໍລິການຈະສືບຕໍ່ຂະຫຍາຍຕົວຢ່າງແຂງແຮງ. ໃນວັນທີ 9 ເມສາ 2013 ຢູ່ທະນາຄານພັດທະນາອາຊີ ໄດ້ ຈັດກອງປະຊຸມເຜີຍແຜ່ການຄາດຄະເນການພັດທະນາຂອງ ອາຊີປະຈຳປີ 2013 ໂດຍມີບັນດາສື່ມວນຊົນເຂົ້າຮ່ວມ. ທ່ານ ຈັອງ ຈີນາຍ ຜູ້ຕາງໜ້າທະນາຄານພັດທະນາອາຊີປະຈຳ ລາວ ໄດ້ກ່າວໃນໂອກາດເປີດກອງປະຊຸມຄັ້ງນີ້ວ່າ: ການ ພັດທະນາອາຊີ ສຳລັບປີ 2013 ຊຶ່ງຄາດວ່າບັນດາກິດຈະກຳທາງດ້ານເສດ ຖະກິດ ໃນຂົງເຂດອາຊີຈະແຂງແຮງຂຶ້ນ ເພື່ອກະຕຸ້ນສ້າງແຮງກົດດັນໃຫ້ລາຄາສິນຄ້າມີການດັດປັບພ້ອມດ້ວຍອັດຕາເງິນເຟີ້ທີ່ ສູງຂຶ້ນຈາກ 3,7% ໃນປີ 2012 ເປັນ 4% ໃນປີ 2013 ແລະ 4,2% ໃນປີ 2014. ສະເພາະ ສປປ. ລາວ ໃນປີ 2013, ອັດ ຕາເງິນເຟີ້ ຄາດວ່າປະມານ 5,5% ຄວາມກົດດັນທາງລາຄາຍັງ ຄົງສາມາດຄວບຄຸມໄດ້ໃນປັດ ຈຸບັນ, ແຕ່ຈະຕ້ອງໄດ້ຕິດຕາມ ຢ່າງໃກ້ຊິດ ໂດຍສະເພາະການ ໄຫລເຂົ້າຂອງເງິນທຶນທີ່ແຂງແຮງຊຶ່ງຈະເປັນເງື່ອນໄຂເຮັດໃຫ້ຕະຫລາດອະສັງຫາລິມມະຊັບ ຂະຫຍາຍຕົວຂຶ້ນ.

        ທ່ານຜູ້ຕາງໜ້າທະນາຄານ ພັດທະນາອາຊີ ຍັງກ່າວອີກວ່າ: ສິ່ງທ້າທາຍດ້ານພະລັງງານຂອງອາຊີ ແມ່ນຫົວຂໍ້ຫລັກໃນ ບົດລາຍງານການຄາດຄະເນການພັດທະ ນາ ຂອງອາຊີ ໃນປີ 2013 ຊຶ່ງມັນ ໄດ້ສະແດງໃຫ້ເຫັນເຖິງຄວາມຫຍຸ້ງຍາກໃນການ  ດຳເນີນງານທີ່ດຸ່ນດ່ຽງທີ່ພາກພື້ນພະເຊີນ ເພື່ອຈະສະໜອງພະລັງງານໃຫ້ທົ່ວເຖິງ. ໃນຂະນະທີ່ການຜະລິດພະລັງງານຂະໜາດ ໃຫຍ່ຍັງອີງໃສ່ພະລັງງານເຊື້ອໄຟ.ຢູ່ ສປປ ລາວ, ການສົ່ງອອກດ້ານພະລັງງານທີ່ ເພີ່ມຂຶ້ນ 470 ລ້ານໂດລາສະຫະລັດ ໃນປີ 2012 ແຕ່ວ່າການ ນຳເຂົ້າພະລັງງານເຊື້ອໄຟກໍຍັງ ສູງ ມີມູນຄ່າ 600 ລ້ານໂດລາສະ ຫະລັດ ຊຶ່ງກິດຈະການດ້ານຂຸດ ຄົ້ນບໍ່ແຮ່ ແລະ ການເພີ່ມຂຶ້ນຂອງຈຳນວນພາຫະນະມີຄວາມຫຍຸ້ງຍາກທີ່ຈະເຮັດໃຫ້ມີຄວາມ ສົມດູນ ລະຫວ່າງການນຳເຂົ້າ- ສົ່ງ ອອກ ພະລັງງານ ແລະ ພະລັງງານເຊື້ອໄຟ, ການປັບປຸງປະສິດທິພາບດ້ານພະລັງງານເຊື້ອໄຟໃຫ້ໄປໃນທິດທາງເສດຖະກິດ ແລະ ການພັດທະນາສີຂຽວເຮັດໃຫ້ຕົວເມືອງສະອາດເພີ່ມຂຶ້ນອາດເປັນທາງອອກຂອງບັນຫາດັ່ງກ່າວ.