ຜູ້ຕາງຫນ້າອົງການອາຫານໂລກລົງຕິດຕາມໂຄງການໂພຊະນາການຢູ່ແຂວງຫລວງນ້ຳທາ

     ຜູ້ຕາງໜ້າອົງການອາຫານໂລກ (WFP) ແລະ ສະຖານທູດ ຝຣັ່ງປະຈຳລາວໄດ້ກັບມາຈາກ ການລົງຢ້ຽມຢາມ ແຂວງ ຫລວງນ້ຳທາເພື່ອເບິ່ງການຈັດຕັ້ງປະຕິບັດໂຄງການໂພຊະນາການຂອງກະຊວງສາທາລະນະສຸກຢູ່ຂັ້ນ ແຂວງໂດຍການສະໜັບ ສະໜູນຂອງອົງການອາຫານໂລກ.

    ນັບແຕ່ວັນທີ 25-27 ມີນາແລ້ວ ນີ້, ທ່ານ ອີບຟ໌ຄາໂມນາ ເອກອັກ ຄະລັດຖະທູດຝຣັ່ງປະຈຳລາວ ແລະ ທ່ານ ພອລ໌ໂຮ ຮອງຜູ້ອຳນວຍການອົງການອາຫານໂລກ ປະຈຳລາວ ໄດ້ລົງຢ້ຽມຢາມສຸກ ສາລາ ແລະ ບ້ານເປົ້າໝາຍທີ່ໄດ້ ຈັດຕັ້ງປະຕິບັດ ໂຄງການເພື່ອປ້ອງກັນການຂາດສານອາຫານ ແບບຊ້ຳເຮື້ອ ຫລື ເອີ້ນວ່າ: ເຕ້ຍ ເມື່ອທຽບໃສ່ອາຍຸ ຂອງເດັກ ນ້ອຍອາຍຸໜ້ອຍ ກວ່າ 2 ປີ ໂດຍ ການໃຫ້ອາຫານເສີມທີ່ມີໂພຊະ ນາການແບບພິເສດ. ແມ່ຍິງທີ່ຖື ພາ ແລະ ແມ່ຍິງທີ່ຢູ່ໃນໄລຍະ ລ້ຽງລູກ ດ້ວຍນົມແມ່ ໄດ້ຖືກສົ່ງ ເສີມໃຫ້ມີການນຳໃຊ້ສູນສຸກສາ ລາຢ່າງຖືກຕ້ອງ ໂດຍການມອບ ເຂົ້າ ແລະ ອາຫານເສີມທີ່ມີໂພຊະ ນາການຫລາຍ.

    ທ່ານ ພອລ໌ໂຮ ກ່າວວ່າ: ໂຄງ ການດັ່ງກ່າວແມ່ນຊ່ວຍໃຫ້ເດັກ ນ້ອຍໄດ້ຮັບສານອາຫານທີ່ເຂົາ ເຈົ້າຕ້ອງການໃນການ ຈະເລີນ ເຕີບໃຫຍ່ສົມບູນດ້ານຮ່າງກາຍ  ແລະ ມັນສະໝອງ. ຂ້າພະເຈົ້າ ເຊື່ອວ່າ: ມັນມີຄວາມສຳຄັນຫຼາຍ ທີ່ຕ້ອງເຮັດໃຫ້ຄົນ ຮຸ່ນຕໍ່ໄປມີສຸ ຂະພາບແຂງແຮງ  ເພາະຈະສາມາດປະກອບສ່ວນເຂົ້າໃນວຽກງານການພັດທະນາປະເທດໃນ ໄລຍະຍາວ.

    ລັດຖະບານປະເທດຝຣັ່ງໄດ້ໃຫ້ການສະໜັບສະໜູນເງິນຈຳນວນ 3 ແສນເອີໂຣ ຕໍ່ແຜນງານໂພຊະນາການສຸຂະພາບແມ່ ແລະ ເດັກ ຂອງອົງການອາຫານໂລກ ໃນປີ 2012. ກອງທຶນດັ່ງກ່າວໄດ້ຖືກ ນຳໃຊ້ເຂົ້າໃນການສະໜອງອາ ຫານເສີມທີ່ມີໂພ ຊະນາການພິ ເສດໃຫ້ແກ່ເດັກນ້ອຍທີ່ມີອາຍຸລະ ຫວ່າງ 6-23 ເດືອນ.

    ທ່ານ ອີບຟ໌ຄາໂມນາ ກ່າວວ່າ: ປະເທດຝຣັ່ງໄດ້ຕິດຕາມຢ່າງໃກ້ ຊິດກ່ຽວກັບຄວາມພະຍາຍາມຂອງລາວທີ່ຈະປັບປຸງດ້ານ ໂພຊະນາການຢູ່ລະດັບທ້ອງຖິ່ນ. ຜົນໄດ້ຮັບຂອງແຜນງານໂພຊະນາການສຸຂະພາບແມ່ ແລະ ເດັກແມ່ນການດຶງດູດໃຫ້ຈຳ ນວນປະຊາຊົນທີ່ໄປໃຊ້ບໍລິການຢູ່ສຸກສາລາເພີ່ມຂຶ້ນ. ນີ້ແມ່ນສັນຍານທີ່ດີສຳ ລັບການປະກອບສ່ວນເຂົ້າໃນວຽກງານພັດທະ ນາໃນໄລຍະຍາວ.

    ຄະນະໄດ້ເດີນທາງໄປບ້ານກົກ ມ່ວງ ແລະ ບ້ານດອນໃໝ່ ເຊິ່ງ ຂຶ້ນກັບເມືອງສິງ. ຢູ່ສຸກສາລາ ຂອງບ້ານກົກມ່ວງ, ຄະນະ ໄດ້ໂອ້ ລົມກັບແມ່ຍິງທີ່ພວມເຂົ້າກວດສຸ ຂະພາບກ່ອນ ແລະ ຫລັງຖືພາ. ຢູ່ ບ້ານດອນໃໝ່, ຄະນະໄດ້ຮັບຟັງ ຄຳຄິດເຫັນຈາກ ແມ່ກ່ຽວກັບຜົນ ຕອບຮັບຂອງການປ້ອນອາຫານ ເສີມແບບພິເສດ ແລະ ການພັດ ທະນາການຂອງເດັກນ້ອຍ. ຈາກນັ້ນ ໄດ້ ລົງຢ້ຽມຢາມບ້ານນ້ຳ ຂອນ ເຊິ່ງຂຶ້ນກັບເມືອງນ້ຳທາ ເພື່ອເບິ່ງກິດຈະກຳການໃຫ້ ຄວາມຮູ້ກ່ຽວກັບໂພຊະນາການ ໃຫ້ແກ່ປະຊາ ຊົນຂອງອົງການອາຫານໂລກ ເຊິ່ງອອກແບບເພື່ອ ເພີ່ມຄວາມຮູ້ດ້ານໂພຊະນາການໃຫ້ແກ່ປະຊາຊົນ ແລະ ປັບປຸງອາຫານ ໂດຍການໝູນໃຊ້ອາຫານທີ່ ມີໂພຊະນາການຢູ່ແລ້ວພາຍໃນ ທ້ອງຖິ່ນຂອງເຂົາເຈົ້າ ແລະ ຄະ ນະຍັງໄດ້ເຫັນປະຊາຊົນຢູ່ບ້ານ ເຂົ້າຮ່ວມການປຸງແຕ່ງອາຫານ ແລະ ບາງທ່ານຍັງໄດ້ມີໂອກາດ ຊີມອາຫານທ້ອງຖິ່ນທີ່ປຸງແຕ່ງ ຈາກສູດອາຫານທີ່ມີໂພຊະນາ ການ.

    ແຜນງານໂພຊະນາການຂອງ ອົງການອາຫານໂລກແມ່ນເກີດຂຶ້ນມາໄດ້ເນື່ອງຈາກມີການສະ ໜັບສະໜູນຈາກບັນດາຜູ້ ໃຫ້ທຶນ ລວມທັງປະເທດຝຣັ່ງ. ການຊ່ວຍເຫລືອດັ່ງກ່າວແມ່ນຊຸກຍູ້ໃຫ້ອົງການອາຫານໂລກເຮັດວຽກກັບ ລັດຖະບານລາວ ເພື່ອແກ້ໄຂການ ຂາດສານອາຫານ ເຊິ່ງສອດ ຄ່ອງກັບຍຸດທະສາດ ແລະ ແຜນ ການຈັດຕັ້ງປະຕິບັດງານແຫ່ງ ຊາດວ່າ ດ້ວຍໂພຊະນາການ ແລະ ແຜນພັດທະນາເສດຖະກິດ-ສັງ ຄົມແຫ່ງຊາດ ຄັ້ງທີ 7 ຂອງລັດ ຖະບານລາວ (NSEDP).

    ອົງການອາຫານໂລກແມ່ນອົງ ການຊ່ວຍເຫລືອດ້ານມະນຸດສະ ທຳ ເພື່ອຕໍ່ສູ້ຕ້ານຄວາມອຶດຫິວ ທົ່ວໂລກ. ແຕ່ລະປີ ອົງການອາ ຫານໂລກໄດ້ໃຫ້ການຊ່ວຍເຫລືອ ຫລາຍກວ່າ 90 ລ້ານຄົນ ໃນຫຼາຍ ກວ່າ 70 ປະເທດ. ໃນປີ 2012, ອົງການ ອາຫານໂລກປະຈຳລາວ ໄດ້ໃຫ້ການຊ່ວຍເຫລືອທາງສະບຽງອາຫານຈຳນວນ 3.281 ໂຕນ ໃຫ້ແກ່ 2 ແສນກວ່າຄົນໃນ ທົ່ວປະເທດ.