ບັນລຸການສ້າງຕັ້ງບໍລິສັດຫລັກ ຊັບຮ່ວມທຶນລາວ-ຈີນ

     ພິທີເຊັນສັນຍາຮ່ວມທຶນສ້າງ ຕັ້ງບໍລິສັດຫລັກຊັບ ລາວ-ຈີນ ໄດ້ ຈັດຂຶ້ນ ຢູ່ອາຄານທະນາຄານສົ່ງ ເສີມກະສິກຳ ໃນວັນທີ 27 ມີນາ ແລ້ວນີ້ ລະຫວ່າງ ທະນາຄານສົ່ງ ເສີມກະສິກຳ, ບໍລິສັດຂໍ້ມູນ-ຂ່າວ ສານຂອງລາວ ກັບບໍລິສັດຫລັກ ຊັບປາຊີຟິກຮຸ້ນ ສ່ວນຈຳກັດ ສປ ຈີນ ໂດຍການໃຫ້ກຽດເຂົ້າເປັນ ສັກຂີພະ ຍານຂອງທ່ານ ສົມພາວ ໄຟສິດ ຜູ້ວ່າການທະນາຄານ ແຫ່ງ ສປປ ລາວ. ພ້ອມນີ້ກໍມີຜູ້ບໍ ລິຫານລະດັບສູງຈາກ 3 ຝ່າຍ ແລະ ບັນດາຄະນະນຳ-ເຈົ້າໜ້າທີ່ ຂັ້ນສູງທີ່ກ່ຽວຂ້ອງຂອງລາວ ແລະ ຈີນ ເຂົ້າຮ່ວມຢ່າງຄົບຖ້ວນ.

    ການລົງນາມໃນສັນຍາຮ່ວມ ທຶນສ້າງຕັ້ງບໍລິສັດຫລັກຊັບ ລາວ-ຈີນ ຝ່າຍລາວໂດຍແມ່ນ ທ່ານ ບົວເງິນ ພົງສະຫວັດ ຜູ້ອຳ ນວຍການໃຫຍ່ທະນາຄານສົ່ງ ເສີມກະສິກຳ ແລະ ທ່ານ ວິເພັດ ສີ ຫາຈັກ ຜູ້ອຳນວຍການບໍລິສັດຂໍ້ ມູນ-ຂ່າວສານ ແລະ ຝ່າຍ ຈີນ ໂດຍແມ່ນທ່ານ ຫລີ ຊັນເຫວ ຜູ້ອຳນວຍການໃຫຍ່ບໍລິສັດຫລັກ ຊັບປາຊີຟິກຮຸ້ນສ່ວນຈຳກັດ ໂດຍ ຊ້ອງໜ້າບຸກຄົນສຳ ຄັນຂອງ ສປປ ລາວ ແລະ ສປ ຈີນ. ການສ້າງຕັ້ງບໍລິສັດຫລັກຊັບຮ່ວມທຶນ ລາວ-ຈີນ ແມ່ນສືບເນື່ອງມາຈາກການເຊັນບົດ ບັນທຶກຄວາມເຂົ້າ ໃຈ (MOU) ລະຫວ່າງ 3 ຝ່າຍໃນທ້າຍເດືອນກັນຍາ 2010 ແລະ ເພື່ອເປັນການເສີມຂະຫຍາຍສາຍພົວ

ພັນ ແລະ ການຮ່ວມມືລະ ຫວ່າງ ລາວ-ຈີນ ໃນຂົງເຂດການ ຄ້າ ແລະ ການລົງທຶນ ເວົ້າສະ ເພາະໃນຂົງເຂດຕະຫລາດທຶນ.

    ທ່ານນາງ ວັດທະນາ ດາລາ ລອຍ ຫົວໜ້າສຳນັກງານຄະນະ ກຳມະການຄຸ້ມຄອງຫລັກຊັບ ແລະ ຕະຫລາດຫລັກຊັບລາວ  ກ່າວວ່າ: ການສ້າງຕັ້ງບໍລິສັດ ຫລັກຮ່ວມທຶນຊັບ ລາວ-ຈີນ ໃນ ເທື່ອນີ້ ຈະກາຍເປັນບາດກ້າວໃໝ່ ໃນຕະຫລາດທຶນຂອງລາວ ແລະ ໝັ້ນໃຈວ່າ: ບໍລິສັດຫລັກຊັບຮຸ້ນສ່ວນຈຳກັດຈະນຳເອົາບົດຮຽນ, ປະສົບການດ້ານບໍລິຫານ, ເຕັກນິກ-ເຕັກໂນໂລຊີ, ເງິນທຶນລວມເຖິງບຸກຄະລາກອນເຂົ້າມາດຳ ເນີນການເຄື່ອນໄຫວຢູ່ຕະຫລາດ ຫລັກຊັບຂອງລາວ ປະກອບສ່ວນເຂົ້າໃນ ການພັດທະນາຕະຫລາດ ເງິນ-ຕະຫລາດທຶນ ແລະ ເສດຖະ ກິດຂອງລາວໃຫ້ເຕີບໃຫຍ່ຂະ ຫຍາຍຕົວເປັນກ້າວໆ.

    ບໍລິສັດຫລັກຊັບປາຊີຟິກ ໄດ້ ອອກຈຳໜ່າຍຮຸ້ນ ແລະ ຈົດທະ ບຽນຢູ່ຕະຫລາດຫລັກຊັບ ສປ ຈີນ, ເປັນອົງການການເງິນ ທີ່ມີທ່າອ່ຽງພັດທະນາຢ່າງເຂັ້ມແຂງ, ມີຖານະນຳໜ້າຢູ່ພາກຕາເວັນຕົກ ສຽງໃຕ້, ມີປະສົບການດ້ານບໍລິ ຫານ ແລະ ດຳເນີນທຸ ລະກິດຫລັກຊັບ.