ເສັ້ນທາງແຕ່ບ້ານຈຽງ ຫາ ເມືອງ ແມດ ໄດ້ຮັບການລົງມືກໍ່ສ້າງແລ້ວ

         ໂຄງການກໍ່ສ້າງເສັ້ນທາງ ປູຢາງສອງຊັ້ນທາງເລກທີ 4502 ແຕ່ທາງແບ່ງ ບ້ານຈຽງເມືອງກາ ສີຫາເມືອງແມດແຂວງ ວຽງຈັນ ເຊິ່ງມີຄວາມຍາວເຖິງ60ກິໂລ ແມັດໄດ້ຮັບການລົງມືກໍ່ສ້າງເປັນ ທີ່ຮຽບຮ້ອຍແລ້ວພິທີເຊັນສັນຍາ ການກໍ່ສ້າງດັ່ງ ກ່າວໄດ້ມີຂຶ້ນໃນ ຕອນເຊົ້າຂອງວັນທີ 23 ເມສາປີ 2013 ນີ້ລະຫວ່າງ ທ່ານ  ສຸມຸນ ທາ ສົມຈັນມະວົງ ຮັກສາການຫົວ ໜ້າ ພະແນກໂຍທາທິການ ແລະ ຂົນສົ່ງ ຕາງໜ້າໃຫ້ແກ່ອຳນາດ ການປົກຄອງແຂວງ ວຽງຈັນ ແລະ ທ່ານ ນາງ ວຽງນະຄອນ ສິດສຸວົງ ຜູ້ອຳນວຍການບໍລິສັດພັດທະນາສາມຫລ່ຽມເສດຖະກິດຄົບວົງຈອນໂດຍການເຂົ້າຮ່ວມເປັນສັກຂີພະຍານຂອງ ທ່ານ ຄຳເມິງ ພົງທະດີ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນພ້ອມດ້ວຍພະນັກງານຂັ້ນສູງຂອງທັງສອງ  ຝ່າຍ.

          ທ່ານນາງ ວຽງນະຄອນ ສິດສຸວົງ ຜູ້ອຳນວຍການບໍລິສັດ ດັ່ງກ່າວ ໄດ້ກ່າວໃນພິທີວ່າ: ໂຄງ ການກໍ່ສ້າງເສັ້ນທາງ ປູຢາງສອງ ຊັ້ນແຕ່ບ້ານຈຽງຫາເມືອງແມດມີ ຄວາມຍາວ 60 ກິໂລແມັດໂດຍ ແມ່ນບໍລິສັດລົງທຶນກ່ອນ ແລະ ອຳນາດການ ປົກຄອງແຂວງວຽງຈັນ ຈະຊຳລະຄືນໃຫ້ຕາມ ຫຼັງພາຍໃນໄລຍະ 10 ປີ. ເສັ້ນ ທາງດັ່ງກ່າວໃຊ້ງົບປະມານ ເຖິງ 774 ຕື້ກວ່າ ກີບ, ເສັ້ນທາງຄວາມ ກວ້າງ 8 ແມັດ,ສ້າງຂົວເບຕົງ 4 ແຫ່ງພ້ອມວາງທໍ່ລອດທາງອີກ ຈຳນວນໜຶ່ງ ໂດຍໃຊ້ເວລາການ ກໍ່ສ້າງ ເຖິງ 36 ເດືອນແຕ່ມື້ລົງ ລາຍເຊັນປັນຕົ້ນໄປ. ທ່ານ ສຸມຸນ ທາ ສົມຈັນມະວົງ ຮັກສາການ ຫົວໜ້າພະແນກ ຍທຂ ແຂວງ

ວຽງຈັນກ່າວວ່າ: ພາຍຫຼັງເສັ້ນ ທາງສາຍນີ້ສຳເລັດຈະເປັນທ່າ ແຮງທາງເສດຖະກິດໃຫ້ແກ່ ແຂວງວຽງຈັນໃນການຂົນ ສົ່ງສິນຄ້າ ແຕ່ຊະນະຄາມ, ເມືອງແມດຫາເທສະບານແຂວງ ແລະ ເຂົ້າສູ່ນະຄອນຫຼວງ, ສ້າງຄວາມສະດວກໃຫ້ແກ່ປະຊາຊົນ ເຂດດັ່ງ ກ່າວໃນການສັນຈອນໄປມາ. ທ່ານສຸມຸນທາກ່າວຕື່ມອີກ ວ່າ: ພາຍຫຼັງສຳເລັດເສັ້ນທາງ ດັ່ງກ່າວນີ້ແລ້ວບໍລິສັດດັ່ງກ່າວ ຈະໄດ້ ສືບຕໍ່ກໍ່ສ້າງເສັ້ນທາງປູຢາງສອງຊັ້ນແຕ່ເມືອງແມດຫາ ເມືອງຊະນະຄາມເຊິ່ງມີຄວາມຍາວ 113 ກິໂລແມັດສ່ວນການລົງມືກໍ່ ສ້າງຕົວຈິງຈະໄດ້ມີພິທີເຊັນສັນຍາການກໍ່ສ້າງຕື່ມອີກ.