ສປປ ລາວ ແລະ ຣາຊະອານາຈັກໄທ ເພີ່ມທະວີການຮ່ວມມືດ້ານນິຕິບັນຍັດ

    ​   ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ພ້ອມດ້ວຍຄະນະ ໄດ້ ສຳເລັດການຢ້ຽມຢາມສັນທະວະໄມຕີຢ່າງ ເປັນທາງການຣາຊະອານາຈັກໄທ ແຕ່ວັນ ທີ 8-10 ເມສາ 2013 ຕາມ​ການເຊື້ອເຊີນຂອງທ່ານ  ສົມສັກ ກຽດສຸລະນົນ ປະ ທານ ລັດຖະສະພາ, ປະທານສະພາຜູ້ແທນລາສະດອນແຫ່ງຣາຊະອານາຈັກໄທ ເພື່ອສືບຕໍ່ປະເພນີອັນດີງາມແຫ່ງ ການໄປມາຫາສູ່, ການຢ້ຽມຢາມ​ເຊິ່ງກັນ ແລະ ກັນລະຫວ່າງສະພາ​ແຫ່ງ​ຊາດ​ລາວ ແລະ ລັດຖະສະພາໄທ  ແນໃສ່ສືບຕໍ່ເສີມສ້າງ ສາຍພົວພັນ ມິດຕະພາບ ແລະ ການຮ່ວມມືທີ່ດີລະຫວ່າງ ສອງ ປະເທດກໍຄືສອງອົງການນິຕິບັດ ຍັດລາວ-ໄທ ໃຫ້ນັບມື້ແໜ້ນ ແຟ້ນ ແລະ ເຕີບໃຫຍ່ຂະຫຍາຍຕົວ.

       ການຢ້ຽມຢາມຄັ້ງນີ້, ຄະນະ ຜູ້ແທນຂັ້ນສູງສະພາແຫ່ງຊາດລາວໄດ້ຮັບການຕ້ອນຮັບຢ່າງອົບອຸຸ່ນເຕັມໄປດ້ວຍໄມຕີຈິດ ມິດຕະພາບ ແລະ ສົມກຽດ. ການພົບປະສອງຝ່າຍຂອງຄະນະຜູ້ແທນຂັ້ນສູງສະພາແຫ່ງຊາດລາວນຳ ໂດຍທ່ານນາງ ປານີ ຢາທໍ່ຕູ້ປະທານສະພາແຫ່ງຊາດລາວ ແລະ ທ່ານ ສົມສັກ ກຽດສຸລະນົນ ປະທານລັດຖະສະພາ, ປະທານສະພາຜູ້ແທນລາສະ ດອນໄດ້ ແລກ ປ່ຽນຄຳຄິດຄຳເຫັນ ດ້ວຍບັນຍາກາດທີ່ສະໜິດສະໜົມ, ສ້າງສັນ ແລະ ເຂົ້າອົກເຂົ້າໃຈກັນ ເປັນຢ່າງດີ ໂດຍ ປະທານສະພາແຫ່ງຊາດລາວໄດ້ສະແດງຄວາມປິຕິຍິນດີ ແລະ ຊື່ນຊົມ ເປັນຢ່າງຍິ່ງທີ່ເຫັນວ່າຣາຊະ ອານາຈັກໄທມີຜົນສ ຳ

ເລັດຫລາຍດ້ານໃນການສ້າງສາພັດທະນາເສດຖະກິດ-ສັງຄົມ ແລະ ການແກ້ໄຂຄວາມທຸກຍາກຂອງປະຊາຊົນໄທໃຫ້ດີຂຶ້ນ ເປັນກ້າວໆ. ນອກຈາກນີ້, ການພົວພັນຮ່ວມມືລະຫວ່າງລາວ-ໄທໃນໄລຍະຜ່ານມາກໍໄດ້ຮັບການເສີມຂະຫຍາຍດີຂຶ້ນ, ລັດ ຖະບານຂອງສອງປະເທດໄດ້ພົບປະກັນຢ່າງເປັນປົກກະຕິເພື່ອແກ້ໄຂບັນຫາຮ່ວມກັນໃນຫລາຍໂຄງການທັງຮູບແບບສອງ ຝ່າຍ ແລະ ຫລາຍຝ່າຍ ເຊັ່ນ: ການເຂົ້າຮ່ວມກອງປະຊຸມລະດັບຂົງເຂດ ແລະ ພາພື້ນຂອງນາຍົກລັດຖະມົນຕີລາວ ແລະໄທ ໃນກອງປະຊຸມທີ່ທັງສອງປະ ເທດເປັນເຈົ້າພາບ,ລັດ ຖະ ບານ ໄທໄດ້ຊ່ວຍເຫລືອລ້າ ແລະ ກູ້ຢືມໃຫ້ແກ່ລັດຖະບານລາວ ເພື່ອກໍ່ສ້າງພື້ນຖານໂຄງລ່າງ,ໃຫ້ສິດ ພິເສດທາງການຄ້າໃຫ້ແກ່ສິນຄ້າ ຂາອອກຂອງລາວຫລາຍຂຶ້ນ, ການຊ່ວຍເຫລືອໃນຂະ ແໜງສາທາລະນະສຸກ, ການສ້າງຊັບພະຍາກອນມະນຸດ, ຊຸກຍູ້ການລົງທຶນຂອງພາກທຸລະກິດຢູ່ລາວເປັນລຳດັບ. ພິເສດລັດ ຖະບານຂອງສອງປະເທດລາວ-ໄທໄດ້ຊຸກຍູ້ຄະນະກຳມະການຮ່ວມມືລາວ- ໄທໄດ້ສືບຕໍ່ປຶກສາຫາລືເພື່ອຮ່ວມກັນແກ້ໄຂບັນ ຫາຕ່າງໆທີ່ເກີດຂຶ້ນຢ່າງທັນການ ແລະ ໃນໂອກາດດັ່ງກ່າວ,ປະ ທານສະພາແຫ່ງຊາດລາວ ໄດ້ ສະແດງຄວາມຂອບໃຈປະທານ ລັດຖະສະພາ,ປະທານສະພາຜູ້ ແທນລາສະດອນແຫ່ງລາຊະອາ ນາຈັກໄທທີ່ໄດ້ນຳພາຄະນະຜູ້ ແທນຂັ້ນສູງລັດຖະສະພາໄທ ເຂົ້າ ຮ່ວມກອງປະຊຸມອາເຊັບຄັ້ງທີ 7 ທີ່ສະພາແຫ່ງຊາດລາວເປັນ ເຈົ້າ ພາບ ແລະໄດ້ເອົາໃຈໃສ່ຊຸກຍູ້ພາກສ່ວນກ່ຽວຂ້ອງ ຝ່າຍໄທ ພິຈາລະນາເປີດໂຄຕານຳເຂົ້າສາ ລີແຫ້ງຈາກລາວ ຈຳນວນ 2 ແສນໂຕນໃນອັດຕາພາສີ0% ສະເພາະໄລຍະແຕ່ເດືອນ ມັງກອນ-ກຸມພາ 2013 ຜ່ານມາ ແລະ ຫວັງວ່າຈະມີການສືບຕໍ່ປະຕິບັດໃນທຸກໆປີ. ພ້ອມນີ້ໃນປີ 2014 ຈະມາເຖິງ, ສປປ ລາວ ອາດຈະໄດ້ຮັບກຽດເປັນເຈົ້າພາບຈັດກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ (ໄອ ປາ) ຄັ້ງທີ 35 ຢູ່ນະຄອນຫລວງວຽງຈັນເຊິ່ງຫວັງຢ່າງຍິ່ງວ່າຈະ ໄດ້ຮັບການສະໜັບສະໜູນ ແລະ ຂໍເຊື້ອ​ເຊີນທ່ານ ສົມສັກ ກຽດສຸ ລະນົນ ພ້ອມຄະນະໃຫ້ກຽດເຂົ້າຮ່ວມກອງປະຊຸມດັ່ງກ່າວດ້ວຍ.

         ປະທານສະພາແຫ່ງຊາດລາວ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມ ມືລະຫວ່າງ ສປປ ລາວ ແລະ ຣາ ຊະອານາຈັກໄທ ເຊິ່ງເຫັນວ່າ ໄດ້ຮັບການພັດທະນາດີຂຶ້ນບົນພື້ນ ຖານບ້ານໃກ້ເຮືອນຄຽງທີ່ດີ, ປະຊາຊົນສອງຊາດ ລາວ-ໄທມີ ຄວາມຜູກພັນນຳກັນມາແຕ່ບູຮານນະການ, ມີຮີດຄອງປະເພນີ ແລະ ວັດທະນະທຳທີ່ຄ້າຍຄືກັນ, ສິ່ງເຫລົ່ານັ້ນ ຢັ້ງຢືນວ່າ ສອງປະເທດພວກເຮົາບໍ່ສາມາດຕັດແຍກອອກຈາກກັນໄດ້, ມັນຮຽກຮ້ອງໃຫ້ປະຊາຊົນທັງສອງປະເທດ ຕ້ອງໄດ້ເພິ່ງພາອາ ໄສກັນເພື່ອການຄົງໂຕ. ສະນັ້ນ, ຈະຕ້ອງໄດ້ສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຖານບ້ານໃກ້ ເຮືອນຄຽງລະຫວ່າງປະຊາຊົນສອງປະເທດໃຫ້ໄດ້ຮັບການປັບປຸງດີຂຶ້ນ ເພື່ອຜົນປະໂຫຍດຂອງສອງຊາດພວກເຮົາເຊິ່ງໃນ ສະເພາະໜ້າແມ່ນສືບຕໍ່ຢ້ຽມຢາມ​ເຊຶ່ງກັນ ແລະ ກັນໃນລະດັບການນຳຂັ້ນ ສູງກໍຄືລະຫວ່າງບັນດາກຳມາທິການ, ຫ້ອງການສະ ພາແຫ່ງຊາດລາວ, ສຳນັກງານເລຂາທິການຂອງລັດຖະສະພາໄທ, ເພີ່ມທະວີການແລກປ່ຽນບົດຮຽນໃນຂົງເຂດການກໍ່ສ້າງ ແລະ ປັບປຸງກົດໝາຍ, ຊຸກຍູ້ລັດຖະບານສອງປະເທດຈັດຕັ້ງປະຕິບັດບັນດາສັນຍາ ແລະ ຂໍ້ຕົກລົງຕ່າງໆທີ່ໄດ້ລົງ ນາມຮ່ວມ ກັນໃຫ້ເກີດດອກອອກຜົນ, ສືບຕໍ່ປະສານງານເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນເພື່ອເສີມຂະ

ຫຍາຍສາຍພົວພັນມິດຕະພາບ ແລະ ການຮ່ວມມືເພື່ອປະກອບສ່ວນເຂົ້າໃນການປົກປັກຮັກສາສັນຕິພາບ ແລະ ສະຖຽນພາບ ໃນພາກພື້ນ ແລະ ໃນໂລກ .