ສະພາບຈອດລົດຊະຊາຍໃນຕົວເມືອງຍັງພົບເຫັນຫລາຍ

         ປັດຈຸບັນສະພາບການສັນ ຈອນໄປມາຂອງພາຫະນະຕາມ ທ້ອງຖະໜົນໃນ ນະຄອນຫລວງວຽງ ຈັນແມ່ນມີ ຄວາມແອອັດສັບ ສົນຫລາຍ,ເຊິ່ງສາເຫດໜຶ່ງແມ່ນ ເກີດຈາກການຈອດລົດຊະຊາຍ ຢ່າງບໍ່ເປັນລະບຽບຕາມແຄມ ທາງ.

        ຕາມສະຖິຕິຂອງກອງຄຸ້ມ ຄອງພາຫະນະ ແລະ ການຂັບຂີ່ ພະແນກໂຍທາທິການ ແລະ ຂົນ ສົ່ງ ນະຄອນຫລວງ ວຽງຈັນ ລາຍງານວ່າ: ປັດຈຸບັນ ສະເພາະລົດທີ່ໄດ້ຂຶ້ນທະບຽນຢູ່ນະຄອນ ຫລວງມີປະມານ 6 ແສນກວ່າຄັນ ແລະ ຍັງມີ ລົດທີ່ບໍ່ທັນໄດ້ຂຶ້ນທະ ບຽນອີກຈຳນວນຫລວງຫລາຍທີ່ແລ່ນໄປມາໃນຕົວ ເມືອງ, ອັນເປັນສາຍເຫດຕົ້ນຕໍພາໃຫ້ເກີດສະພາບລົດຕິດ ແລະ ແອອັດ.

     ສິ່ງນີ້ສັງເກດເຫັນວ່າ: ໃນໄລ ຍະ 5 ປີມານີ້ ປະຊາຊົນລາວມີສະ ພາບເສດຖະ ກິດດີຂຶ້ນ ຫລາຍ ແລະ ສາມາດມີເງິນໃຊ້ ຈ່າຍຊື້ສີນຄ້າເພື່ອຕອບສະໜອງຄວາມຕ້ອງ ການຂອງການໃຊ້ຊີວິດຂອງ ຄອບ ຄົວ ເຊິ່ງ ລົດກໍແມ່ນປັດໃຈໜຶ່ງທີ່ປະຊາຊົນ ນິຍົມຊື້ຫລາຍໃນ ປັດຈຸບັນ.ຈົນເຮັດ ໃຫ້ບໍລິສັດຜູ້ຜະ ລິດລົດຊື່ດັງໃນໂລກຫລາຍຍີຫໍ້ ຕ້ອງຫັນມາເປີດຕົວແທນຈຳ ໜ່າຍ ຢູ່ລາວ ເພື່ອຮອງຮັບຄວາມຕ້ອງການດັ່ງກ່າວ ມີທັງແບບຊື້ສົດ ແລະ ຊື້ຜ່ອນ. ແນ່ນອນ

ຈາກການເພີ່ມຂຶ້ນຢ່າງໄວວາຂອງພາ ຫະນະນັ້ນ ສິ່ງທີ່ພວມເປັນບັນຫາ ຕາມມາແມ່ນສະພາບການສັນ ຈອນທີ່ບໍ່ຄ່ອງຕົວຍ້ອນ ຄວາມແອ ອັດ ແລະ ການຈອດລົດ ຊະຊາຍຕາມແຄມທາງກໍແມ່ນສາເຫດ ໜຶ່ງທີ່ພາໃຫ້ເກີດຄວາມແອອັດໃນ ການສັນຈອນ ເຊິ່ງສິ່ງນີ້ມັນສະ ແດງໃຫ້ເຫັນເຖິງ ຄວາມຮັບຮູ້ເຂົ້າ ໃຈກົດລະບຽບການຂັບຂີ່ຂອງ ຜູ້ຂັບຂີ່ມີໜ້ອຍ,ຕາມການປະເມີນ ຂອງເຈົ້າໜ້າທີ່ຈະລາຈອນໃນ ການປະ ຕິບັດກວດກາຜູ້ຂັບຂີ່ ຕາມທ້ອງຖະໜົນ ພົບວ່າ:ຜູ້ຂັບຂີ່ ພາຫະນະທີ່ມີເອກກະ ສານຖືກ ຕ້ອງຄົບຖວ້ນມີປະມານ 30 % ແລະ ປະມານ 50% ແມ່ນບໍ່ມີໃບ ຂັບຂີ່ ແລະຜູ້ທີ່ບໍ່ມີໃບຂັບຂີ່ນີ້ສ່ວນ ຫລາຍກໍມັກລະເມີດລະບຽບການ ຂັບຂີ່ ເຊັ່ນ:ມັກ ຈອດລົດຊະຊາຍ, ຂັບຂີ່ລົດໄວເກີນຄວນ,ລ່ວງປ້າຍ ຫ້າມ,ບໍ່ໃສ່ໝວກກັນກະທົບ ແລະ ອື່ນໆ.