ບໍ່ຄຳ-ທອງເຊໂປນ ມອບເງິນ ເພື່ອຟື້ນຟູຄວາມເສຍຫາຍ ຈາກພະຍຸໃຫ້ແກ່ເທສະບານແຂວງສະຫວັນນະເຂດ

         MMG LXML ເຊໂປນ ແມ່ນບໍລິສັດຂຸດຄົ້ນ ແລະ ຜະ ລິດແຮ່ຄຳ-ທອງ ຢູ່ແຂວງ ສະ ຫວັນນະເຂດ, ໄດ້ມອບເງິນຈຳ ນວນ 80 ລ້ານກີບ (ປະມານ 10.000 ໂດລາສະຫະລັດ) ເພື່ອ ຊ່ວຍໃນການສ້ອມແປງຟື້ນຟູຄວາມເສຍຫາຍໃນເຂດ ເທດ ສະບານແຂວງສະຫວັນນະເຂດ ຍ້ອນຖືກພະຍຸລະດູຮ້ອນ ພັດຢ່າງແຮງ ໃນວັນທີ 22 ມີ ນາຜ່ານມາ.

     ເຖິງແມ່ນວ່າ ບໍ່ມີການລາຍ ງານກ່ຽວກັບການບາດເຈັບ ຫລື ເສຍຊີວິດໃດໆກໍ ຕາມ ແຕ່ພະຍຸດັ່ງກ່າວໄດ້ສ້າງຄວາມ ເສຍ ຫາຍຕໍ່ເຮືອນຊານ ແລະ ຕຶກອາຄານສະຖານທີ່ຕ່າງໆ ຈຳນວນຫລາຍຮ້ອນຫລັງຄາ ເຮືອນ,ດັ່ງນັ້ນ ບໍລິສັດ ລ້ານ ຊ້າງ ມີເນໂຣນຈິ່ງໄດ້ຮີບຮ້ອນປະກອບສ່ວນທຶນ ຮອນ ຊວ່ຍອຳນາດການປົກຄອງ ແຂວງສະຫວັນ ນະເຂດ ໄດ້ສ້ອມ ແປງພື້ນຖານໂຄງລ່າງທີ່ຈຳ ເປັນທາງດ້ານການສື່ສານ ແລະ ພະ ລັງງານໄຟຟ້າເພື່ອຮັບປະກັນໃຫ້ປະຊາຊົນ ໃນເຂດທີ່ໄດ້ຮັບຜົນກະທົບສາມາດນຳໃຊ້ໄດ້ເປັນ ປົກກະຕິ.

    ຜູ້ບໍລິຫານບໍລິສັດ ເວົ້າວ່າ: ບໍລິ ສັດ MMG ມີຄວາມມຸ່ງໝັ້ນໃນ ການແບ່ງປັນ ຜົນປະໂຫຍດຈາກ ການດຳເນີນໂຄງການ ບໍ່ຄຳ- ທອງເຊໂປນຂອງພວກເຮົາເຊິ່ງ ລວມເຖິງການຊ່ວຍເຫລືອບັນດາຊຸມຊົນທີ່ ໄດ້ຮັບຜົນກະທົບຈາກພະຍຸ ຫລື ໄພນ້ຳ ຖ້ວມນອກນັ້ນທາງບໍລິສັດຍັງໄດ້ໃຫ້ການຊ່ວຍເຫລືອທາງກົງໃຫ້ແກ່ບັນດາຊຸມຊົນທ້ອງຖິ່ນໂດຍຜ່ານບັນດາກິດຈະກຳຕ່າງໆຂອງກອງທຶນ ພັດທະນາຊຸມຊົນອີກດ້ວຍ.