ຜູ້ຮັບເໝົາກໍ່ສ້າງເສັ້ນທາງໜອງໜ່ຽງ-ຫົວຂົວຢຶນຢັນຈະໃຫ້ສຳເລັດການປູເບຕົງກ່ອນລະດູຝົນນີ້

       ປັດຈຸບັນ ການສັນຈອນໄປ ມາໃນເສັ້ນທາງ ແຕ່ຂົວບ້ານ ໜອງໜ່ຽງ-ສາມ ແຍກບ້ານຫົວ ຂົວ ຍັງພົບຄວາມຫຍຸ້ງຍາກລຳ ບາກເປັນທີ່ສຸດ, ບາງຄັ້ງເກີດ ແອອັດ ເກີດອຸປະຕິເຫດກໍມີ ຍ້ອນການສ້ອມແປງເສັ້ນທາງດັ່ງກ່າວທີ່ແກ່ຍາວມາເປັນເວ ລາຫລາຍ ເດືອນແລ້ວ, ຂະນະດຽວກັນ ຜູ້ຮັບເໝົາກໍ່ສ້າງກໍໄດ້ອອກມາຢືນຢັນ ວ່າຈະໃຫ້ສຳເລັດກ່ອນລະດູຝົນທີ່ຈະເຖິງນີ້ ເພື່ອຮັບປະກັນໃຫ້ການສັນຈອນມີຄ ວາມສະດວກຂຶ້ນ.

        ທ່ານ ຄຳມ່ວນ ປັນຍາສານ ປະທານບໍລິສັດດາວເຮືອງສົງ ກໍ່ສ້າງຂົວ-ທາງ ຈຳກັດ ກ່າວວ່າ: ເສັ້ນທາງດັ່ງກ່າວຈະປູເບຕົງເສີມ ເຫລັກ ມີຄວາມຍາວ 6,2 ກິໂລ ແມັດ,ໜ້າທາງກວ້າງ 12 ແມັດ, ທາງຍ່າງສອງຝາກທາງ ກວ້າງ 1,5 ແມັດ,ມີຮ່ອງລະບາຍນ້ຳ ແລະ ລະບົບໄຟເຍືອງທາງຄົບຊຸດ, ມາຮອດປັດຈຸບັນການກໍ່ສ້າງມີຄວາມຄືບໜ້າ 85% ແລະ ຈະເລັ່ງໃຫ້ສຳເລັດການວາງທໍ່ ລະບາຍນ້ຳ ແລະ ປູເບຕົງກ່ອນລະ ດູຝົນຈະເຖິງນີ້ແນ່ນອນ.

      ທ່ານຫົວໜ້າບໍລິສັດຮັບເໝົາກໍ່ ສ້າງ ໃຫ້ຮູ້ວ່າ: ໄລຍະກໍ່ສ້າງຜ່ານມາ ຍອມຮັບວ່າມີຄວາມຊັກຊ້າຈົນເກີດມີຫາງສຽງຈົ່ມ ວ່າ ຕ່າງໆນາໆຈາກຜູ້ໃຊ້ລົດໃຊ້ຖະໜົນເນື່ອງຈາກການກໍ່ສ້າງແມ່ນພົບ ບັນຫາກີດຂວາງຈາກເສົາໄຟຟ້າ ແລະ ສິ່ງປຸກສ້າງຂອງ ປະຊາຊົນ,ນອກຈາກນີ້ການສັນຈອນຜ່ານໄປມາຂອງພາຫະນະຕະຫລອດທັງວັນກໍແມ່ນບັນຫາໜຶ່ງທີ່ເຮັດໃຫ້ການກໍ່ສ້າງມີລັກສະນະ ຢຸດໆຢ່ອນໆ ໂດຍສະເພາະໃນໂມງລັດຖະການແມ່ນມີຄວາມ ສັບສົນທີ່ສຸດ.ແຕ່ແນວໃດກໍຕາມ ຮັບປະກັນວ່າການກໍ່ສ້າງຈະໃຫ້ ສຳເລັດຕາມແຜນວາງໄວ້ຢ່າງແນ່ນອນ.