ເຮືອບິນຂະໜາດນ້ອຍເສຍຫລັກເຈີດອອກທາງແລ່ນຢູ່ສະໜາມບິນແຂວງຫົວພັນໂຊກດີບໍ່ມີຜູ້ເສຍຊີວິດ

         ຜູ້ໂດຍສານຫລາຍຕ່າງກໍ ຟ້າວຝັ່ງໂຕນອອກຈາກເຮືອບິນ ຂະໜາດນ້ອຍຂອງ ລັດວິສາຫະ ກິດລາວເດີນອາກາດ,ກ່ອນ ເຮືອ ບິນດັ່ງກ່າວຈະໄຫລໄປລົງຄອງ ນ້ຳໃກ້ສ ະໜາມບິນນາທອງ ເມືອງ ຊຳເໜືອ ແຂວງຫົວພັນ, ແຕ່ໂຊກດີອຸປະຕິເຫດດັ່ງກ່າວບໍ່ມີ ຜູ້ເສຍຊີວິດມີພຽງບາດເຈັບເລັກໜ້ອຍ.

    ທ່ານ ດຣ ບຸນມາ ຈັນທະວົງສາ ອຳນວຍການລັດວິສາຫະກິດ ລາວເດີນອາກາດ ໃຫ້ຮູ້ວ່າ: ອຸປະ ຕິເຫດດັ່ງກ່າວເກີດຂຶ້ນ ເວລາ ປະມານ 14:35 ໂມງ ຂອງວັນທີ 17 ເມສາຜ່ານມານີ້,ໂດຍເຮືອບິນ ຍີຫໍ້ ທະວີນ ອອດເຕີ (TWIN OTER) ສອງເຄື່ອງຈັກ ທີ່ ບັນຈຸຜູ້ໂດຍສານເຕັມລຳຈຳນວນ19ບ່ອນນັ່ງທີ່ຈະມຸ້ງໜ້າແຕ່ແຂວງ ຫົວພັນມານະຄອນຫລວງວຽງຈັນ.ຂະນະກຳລັງແລ່ນຊິຂຶ້ນຈາກ ສະໜາມບິນດັ່ງກ່າວ ດ້ວຍຄວາມໄວເຮືອບິນ ເກີດເສຍຫລັກເຈີດ ອອກທາງ ແລ່ນ ເຮັດໃຫ້ປີກຂອງ ເຮືອບິນໄປເກາະ ກັບຕົ້ນໄມ້ ແລ້ວໄຫລອອກ ໄປຂ້າງສະໜາມບິນໄປຢຸດຢູ່ຄອງນ້ຳ, ອຸປະຕິເຫດຄັ້ງນີ້ ໄດ້ເຮັດໃຫ້ເຮືອບິນເປ່ເພສົມຄວນແຕ່ໂຊກດີບໍ່ມີຜູ້ເສຍຊີວິດມີພຽງ ຜູ້ຂັບເຮືອບິນ ແລະຜູ້ໂດ ສານໄດ້ຮັບບາດ ເຈັບບໍລິເວນແຂນ-ຂາ ເທົ່ານັ້ນ. ສ່ວນສາເຫດພາໃຫ້ເກີດອຸປະຕິເຫດດັ່ງ ກ່າວພວມ ຢູ່ໃນຂັ້ນຕອນການສອບສວນຂອງເຈົ້າໜ້າທີ່ກ່ຽວຂ້ອງ.

    ທ່ານ ອຳນວຍການລັດວິສາ ຫະກິດ ດັ່ງກ່າວ ບອກວ່າ: ລາວ ເດີນອາກາດໄດ້ເຮັດ ໜ້າທີ່ໃຫ້ ບໍລິການໃນສາຍທາງວຽງຈັນ- ຫົວພັນ 3 ຖ້ຽວຕໍ່ອາທິດ ແລະ ຜ່ານມາກໍບໍ່ໄດ້ມີອຸປະຕິເຫດຮ້າຍ ແຮງໃດໆເກີດຂຶ້ນແຕ່ຢ່າງໃດ.