ນະຄອນຫລວງວຽງຈັນຫ້າມບໍ່ໃຫ້ລົດຮັບສົ່ງສິນຄ້າຈອດຊະຊາຍຕາມເສັ້ນທາງໃນໂມງລັດຖະການ

    ພະແນກອຸດສາຫະກຳ ແລະ ການຄ້ານະຄອນຫລວງວຽງ ຈັນໄດ້ອອກແຈ້ງການເ ຖິງຜູ້ປະກອບການ, ບໍລິສັດ ແລະ ຮ້ານຕ່າງໆ ໃນການຫ້າມບໍ່ ໃຫ້ລົດຮັບສົ່ງສີນຄ້າ ຈອດຊະຊາຍຕາມເສັ້ນທາງສາຍສຳ ຄັນໃນໂມງລັດຖະການຫລັງ ເຫັນວ່າ ຜ່ານມາ ໄດ້ສ້າງຄວາມສັບສົນຕໍ່ການສັນຈອນ ໃນຕົວເມືອງຫລາຍສົມຄວນ ໂດຍມີການກຳ ນົດເອົາເສັ້ນທາງ13ເໜືອ (ແຕ່ ສາມແຍກສີ ເກີດ -ສາມແຍກສີໄຄ),ຖະໜົນ ເກົ້າ ລ້ຽວ(ສາມແຍກເກົ້າລ້ຽວ- ສາມແຍກສີໄຄ),ຖະໜົນສຸພານຸວົງ, ຖະໜົນ ອາຊຽນ (T2), ຖະໜົນສີທອງ, ຖະໜົນເຈົ້າຟ້າງຸ່ມ, ຖະໜົນສາມແສນໄທ, ຖະໜົນເຊດຖາທິລາດ, ຖະໜົນໄກສອນພົມວິ ຫານ,ຖະ ໜົນລ້ານຊ້າງ,ຖະໜົນໜອງບອນ, ຖະໜົນດົງປ່າລານ,ຖະໜົນນາຄວາຍ-ຫົວຂົວ-ວັງ ຊາຍ, ຖະໜົນກຳແພງເມືອງ (T4),ຖະ ໜົນທ່າ ເດື່ອ ແຕ່ໄຟແດງໜອງໄຮ-ໄຟແດງ ທາດຂາວ,ຖະໜົນບໍ່ໂອ (ສາມແຍກສົ້ມໂຮງ-ສາມແຍກຈີ່ນາຍໂມ້) ເພື່ອໃຫ້ລົດຂົນ ສົ່ງສິນ ຄ້າທຸກປະເພດງົດການຈອດຮັບ - ສົ່ງສິນຄ້າຊົ່ວຄາວໃນວັນລັດຖະ ການຕາມເວລາດັ່ງນີ້:ຕອນເຊົ້າ ເລີ່ມແຕ່ 7:00 ໂມງ- 9:00 ໂມງ, ຕອນ ທ່ຽງເລີ່ມແຕ່ 11:30 ໂມງ - 13:00 ໂມງ,ຕອນແລງເລີ່ມແຕ່ເວ ລາ 15:00 ໂມງ-18:00 ໂມງ ເຊິ່ງ

ຖ້າບຸກຄົນ,ນິຕິບຸກຄົນ,ຫົວໜ່ວຍ ທຸລະກິດໃດຝ່າຝືນ ຫລື ເມີນເສີຍ ແລະ ລ່ວງລະເມີດຂໍ້ຫ້າມດັ່ງ ກ່າວຈະ ຖືກປະຕິບັດວິໄນ ຕາມດຳ ລັດຂອງນາຍົກລັດຖະມົນຕີວ່າ ດ້ວຍການປັບໃໝ ແລະ ມາດຕະການຕ່າງໆຕໍ່ຜູ້ລະເມີດລະ ບຽບ ກົດໝາຍການຈະ ລາຈອນທາງ ບົກ,ການຂົນສົ່ງທາງບົກ ແລະ ການປົກປັກຮັກສາທາງຫລວງ ຊຶ່ງມອບໃຫ້ຂະແໜງການຄ້າ ພາຍໃນ, ຫ້ອງການ ອຸດສາຫະກຳ ແລະ ການຄ້າປະຈຳເມືອງສົມທົບກັບ ຕຳຫລວດຈະລາຈອນເປັນເຈົ້າການຈັດຕັ້ງປະຕິບັດ ຢ່າງເຂັ້ມງວດ.