ຫລາຍຂໍ້ຫ້າມຍັງປະຕິບັດບໍ່ໄດ້ໃນການສະຫລອງປີໃຫມ່ລາວ

       ການສະຫລອງບຸນປີໃຫມ່ ຢູ່ນະຄອນຫລວງວຽງຈັນ ມີຫລາຍກິດຈະກຳຈັດຂຶ້ນຕາມຮີດຄອງປະເພນີ ເຊັ່ນ : ການປະ ກວດ ແລະ ແຫ່ງນາງສັງຂານ,  ກິດຈະກຳສົງນ້ຳພະພຸດທະຮູບຕາມວັດວາອາຮາມ, ຕົບພະທາດ ຊາຍ ແລະ ອື່ນໆ ທີ່ເປັນຮີດຄອງ ປະເພ ນີໃນງານບຸນປີໃຫມ່ລາວ  ທີ່ໄດ້ສືບສານກັນມາ ນັບແຕ່ບູຮານນະການ ແລະ ຮັກສາໄດ້ມູນ ເຊື້ອປະເພນີອັນດີງາມດັ່ງກ່າວ, ເຈົ້າ ຄອງນະຄອນຫລວງວຽງຈັນ ໄດ້ອອກລະບຽບ ແລະ ຂໍ້ຫ້າມຕ່າງໆໃຫ້ປະຊາຊົນມີສະຕິ  ແລະ ຮັບປະກັນໄດ້ຄວາມເບີກບານ ມ່ວນຊື່ນ  ແຕ່ແລ້ວກໍຍັງພົບເຫັນການລ່ວງລະເມີດຂໍ້ຫ້າມດັ່ງກ່າວ ແລະ ເປັນພາບພົດອັນບໍ່ດີ ຕໍ່ບັນຍາກາດການສະຫລອງ ບຸນປີໃຫມ່ລາວ.

      ທ່ານ ພົນຈັດຕະວາ ດຣ ບຸນຊູ ນາມມະຈັກ ຫົວຫນ້າກອງບັນຊາການ ປກສ ນະຄອນຫລວງວຽງຈັນ ໃຫ້ສຳພາດຕໍ່ນັກ ຂ່າວລາວພັດທະນາວ່າ : ການສະຫລອງສົງການ ຢູ່ນະຄອນຫຼວງວຽງຈັນປີນີ້ແມ່ນມີບັນຍາກາດຟົດຟື້ນ ແລະ ສ່ວນຫລາຍແມ່ນ ດຳເນີນໄປຖືກຕ້ອງຕາມຮີດຄອງປະເພນີອັນດີງາມຂອງລາວເຮົາ ຕົວຢ່າງຄື :  ພິທີບາສີສູ່ຂວັນ ການເຂົ້າຮ່ວມສົ່ງພະຕາມວັດວາ ອາຮາມຕ່າງໆ ແຕ່ຄຽງຄູ່ກັນນັ້ນ ກໍຍັງມີຊາວຫນຸ່ມຍິງ-ຊາຍ ຈຳ ນວນຫນຶ່ງ ມີການປະພຶດທີ່ບໍ່ ຄ່ອຍເຫມາະສົມປານໃດ ເຊັ່ນ :  ການນຸ່ງເຄື່ອງຍົວະຍວນ, ການ ຫົດນ້ຳຕາມສາຍທາງ,  ຫົດສົງ ກັນດ້ວຍນ້ຳສີ ຫລື ນ້ຳເປື້ອນ ອື່ນໆ, ຝືນຕໍ່ລະບຽບການທີ່ວາງ ໄວ້ ແລະ ຮ້າຍແຮງໄປກວ່ານັ້ນ ຍັງມີປາກົດການຫຍໍ້ທໍ້ເກີດຂຶ້ນ 36 ເລື່ອງ, ເຈົ້າຫນ້າທີ່ສາມາດ ແກ້ໄຂໄດ້ 20 ເລື່ອງ, ກັດຕົວຜູ້ກະ ທຳ ຜິດມາດຳເນີນຄະດີ 27 ຄົນ, ພົ້ນເດ່ັນແມ່ນສະພາບລັກຊັບເກີດ ຂຶ້ນ 11 ເລື່ອງ, ໂດຍມີລົດຈັກເສຍ 1 ຄັນ, ທຳຮ້າຍຮ່າງກາຍ 2 ເລື່ອງ, ອາລະວາດຄອບຄົວ 7 ເລື່ອງ, ສໍ້ໂກງຊັບ 1 ເລື່ອງ ແລະ ອັກຄີໄພເກີດຂຶ້ນ 4 ກໍລະນີ, ອັນ ໄດ້ສ້າງຄວາມເສຍຫາຍເປັນຈຳ ນວນບໍ່ຫນ້ອຍ, ນີ້ຄືບົດຮຽນຂອງ ການຂາດຄວາມມີສະຕິລະວັງ ຕົວ ແລະ ບໍ່ປະຕິບັດຕາມຂໍ້ຫ້າມ ຕ່າງໆທີ່ກຳນົດໄວ້.