ສຶກສານະຄອນຫລວງວຽງຈັນ ສະເຫນີຂໍ້ເພີ່ມງົບ 17% ເພື່ອພັດທະນາຂະແຫນງການ

     ເພື່ອເຮັດໃຫ້ວຽກງານການ ສຶກສາມີຄຸນນະພາບດີຂຶ້ນ ເພື່ອ ສາມາດຮອງຮັບເຂົ້າເປັນປະຊາ ຄົມເສດຖະກິດອາຊຽນໃນປີ 2015. ພະແນກສຶກສາທິການ ແລະ ກີລານະຄອນຫລວງວຽງ ຈັນ ນຳສະເຫນີງົບລົງທຶນໃສ່ ການສຶກສາເພີ່ມຕື່ມ 17% ເພື່ອ ສືບຕໍ່ປະຕິບັດແຜນພັດທະນາຊັບ ພະຍາກອນມະນຸດໃຫ້ສອດຄ່ອງ ກັບຍຸດທະສາດແຫ່ງການພັດທະ ນາ ແລະ ໂຄງປະກອບ ເສດຖະ ກິດຂອງປະເທດກໍຄືຂອງນະ ຄອນຫລວງວຽງຈັນ ເພື່ອເຊື່ອມ ໂຍງເຂົ້າກັບສາກົນເທື່ອລະກ້າວ ມາຮອດປີນີ້ ແມ່ນ ປີທີ 3 ຂອງ ການປະຕິບັດແຜນພັດທະນາ ເສດຖະກິດ-ສັງຄົມ 5 ປີ ຄັ້ງທີ VII  ເຊິ່ງເປັນໄລຍະແຫ່ງການ ສ້າງພື້ນຖານໂຄງ ລ່າງເສດຖ ກິດ, ເຕັກນິກວິທະຍາສາດ ແລະ ບຸກຄະລາກອນໃຫ້ມີຄຸນນະພາບ ເພື່ອຮອງຮັບການຫັນເປັນອຸດສາຫະກຳ ແລະ ທັນສະໄຫມ. ສະນັ້ນ, ການພັດທະນາການສຶກສາ ຕ້ອງເປັນວຽກງານໃຈກາງຂອງ ການພັດທະນາຊັບພະຍາກອນມະນຸດໃຫ້ ມີຄຸນນະພາບດີຂຶ້ນພ້ອມທັງຮັບປະກັນໃຫ້ກຸ່ມດ້ອຍໂອກາດໄດ້ຮັບການສຶກສາທີ່ມີຄຸນນະພາບເທົ່າທຽມກັນເພື່ອພັດທະນາ ເສດຖະກິດໃຫ້ຢືນຍົງ.

      ໃນກອງປະຊຸມຜູ້ບໍລິຫານ ການສຶກສາທົ່ວນະຄອນຫລວງ ວຽງຈັນ ເມື່ອບໍ່ດົນມານີ້ ໄດ້ຕີລາ ຄາວ່າ : ວຽກງານການສຶກ ສາ ໄດ້ມີການຂະຫຍາຍຕົວດ້ານປະ ລິມານ ແລະ ຄຸນນະພາບ ເມື່ອ ທຽບໃສ່ສົກຮຽນຜ່ານມາ ເຊັ່ນ : ຈຳນວນໂຮງຮຽນ, ຈຳ ນວນ ຫ້ອງຮຽນ, ຄູສອນ ແລະ ນັກ ຮຽນມີຈຳນວນເພີ່ມຂຶ້ນ ການສຶກ ສາໄດ້ຮັບການພັດທະນາຄົບ ຕາມ 3 ລັກສະນະ ແລະ 5 ຫລັກ ມູນຂອງການສຶກສາ ແລະ ການ ສຶກສາໄດ້ຂະຫຍາຍໄປສູ່ທ້ອງ ຖິ່ນ, ເຂດຊົນນະບົດຫ່າງໄກສອກ ຫລີກ ແລະ ມີ

ຫລາຍໂຄງການໄດ້ ນຳໄປຈັດຕັ້ງປະຕິບັດຢູ່ບັນດາ ເມືອງ, ບ້ານ ແລະ ກຸ່ມບ້ານພັດ ທະນາ ເປັນຕົ້ນແມ່ນການກໍ່ສ້າງ ໂຮງຮ ຽນແຕ່ລະຊັ້ນ ນັບແຕ່ຊັ້ນ ອະນຸບານຮອດ ມ.ປາຍ ເຊິ່ງເຮັດ ໃຫ້ຈຳນວນໂຮງຮຽນ, ສະຖານ ທີ່ຮຽນ, ຫ້ອງຮຽນ ເພີ່ມຂຶ້ນ ແລະ ໄດ້ເປັນເງື່ອນໄຂໃຫ້ແກ່ປະຊາ ກອນໃນແຕ່ລະກຸ່ມເປົ້າຫມາຍ ມີ ໂອກາດໄດ້ຮັບການສຶກສາຫຼາຍ ຂຶ້ນໂດຍສະເພາະ ແມ່ນຢູ່ນະຄອນ ຫຼວງວຽງຈັນ. ໃນສົກຮຽນ 2012-2013 ທົ່ວນະຄອນຫລວງວຽງຈັນ ມີໂຮງຮຽນທັງຫມົດ ລວມພາກລັດ ແລະ ເອກະຊົນ 881 ແຫ່ງ, ທຽບໃສ່ຜ່ານມາເພີ່ມຂຶ້ນ 24 ແຫ່ງ, ມີນັກຮຽນທັງຫມົດ 177,459 ຄົນ, ທຽບໃສ່ ຜ່ານມາ ເພີ່ມຂຶ້ນ 2,6%. ໃນແຕ່ລະປີລັດຖະບານກໍໄດ້ເພີ່ມງົບປະມານໃຫ້ແກ່ຂະແຫນງການສຶກ ສາ ເຊິ່ງເຫັນໄດ້ໃນສົກປີ 2012- 2013 ຂະແຫນການສຶກສາໄດ້ຮັບ ງົບປະມານທັງຫມົດ 172.259 ພັນກີບ.

        ທ່ານ ຊົມພູ ແກ້ວປັນຍາ ຫົວຫນ້າພະແນກສຶກສາ ແລະ ກິ ລາ ນະຄອນຫລວງວຽງຈັນ ໄດ້ ສະເຫນີໃນກອງປະຊຸມ ດ່ັງກ່າວວ່າ : ໃນສົກປີ 2013-2014 ພະ ແນກການຕົນໄດ້ວາງແຜນທິດ ທາງຄື ຈັດຕັ້ງປະຕິບັດແຜນງານຂະຫຍາຍໂອກາດ ດ້ານການສຶກສາ, ແຜນງານປັບປຸງຄຸນນະພາບ ແລະ ຄວາມສອດຄ່ອງ, ແຜນງານບໍລິຫານ ແລະ ຄຸ້ມຄອງການສຶກສາທັງ ສາມັນ, ອາຊີວະສຶກສາ ທັງໃນໂຮງຮຽນ, ນອກ ໂຮງຮຽນອະນຸບານພາກລັດ- ເອກະຊົນໃຫ້ກົມກຽວກັນ, ສົ່ງເສີມ ແລະ ຂະຫຍາຍໂຮງລ້ຽງເດັກ ແລະ ໂຮງຮຽນອະນຸບານພາກເອກະຊົນໃຫ້ຫລາຍຂຶ້ນ ໂດຍສະເພາະແມ່ນຢູ່ເຂດທີ່ບໍ່ມີ, ສືບຕໍ່ປັບ ປຸງ ແລະ ຂະຫຍາຍໂຮງຮຽນອາ ຊີວະສຶກສາໃຫ້ສາມາດຮັບນັກ ຮຽນໄດ້ຫລາຍຂຶ້ນ, ພ້ອມດຽວກັນກໍເອົາໃຈໃສ່ເຝິກອົບ ຮົມຍົກ ລະດັບສີມືໃຫ້ກຳມະກອນ ແລະ ຍົກລະດັບວິຊາການໃຫ້ນັກບໍລິ ຫານ, ນາຍຊ່າງ, ນັກຄຸ້ມຄອງ, ຜູ້ ບໍລິຫານ, ຜູ້ຈັດການດ້ວຍ ຫລາຍ ຮູບການທີ່ເຫມາະສົມ, ເພີ່ມການ ລົງທຶນຂອງລັດ ແລະ ຂອງສັງ ຄົມໃຫ້ມີຄວາມຕື່ນຕົວຢາກຮູ້- ຢາກຮຽນຂອງນັກ ຮຽນມີການ ປ່ຽນແປງໄປໃນທາງທີ່ກ້າວໜ້າ ແລະ ເພີ່ມງົບປະມານກ່ຽວກັບ ວຽກງານໂພຊະນະການເຂົ້າໃນຍຸດທະສາດຂອງ ການສຶກສາເພື່ອໃຫ້ຜູ້ດ້ອຍໂອກາດໄດ້ເຂົ້າເຖິງການສຶກສາເຊິ່ງຈະໄດ້ມອບໃຫ້ຫ້ອງການສຶກສາທິການເມືອງເປັນເຈົ້າການໃນ ການຕິດຕາມ, ນຳສະເຫນີແຜນໃຫ້ຂັ້ນນະຄອນຫລວງວຽງຈັນອະນຸມັດງົບປະມານໃສ່ການສຶກສາໃຫ້ ໄດ້ 17% ຂອງລາຍ ຈ່າຍນະຄອນຫລວງວຽງຈັນ.