ແຂວງຫົວພັນວາງຍຸດທະສາດ- ພັດທະນາ ແລະ ສົ່ງເສີມການທ່ອງທ່ຽວ

   ເມື່ອບໍ່ດົນມານີ້ຂະແໜງທ່ອງທ່ຽວ, ພະແນກຖະແຫຼ່ງຂາວ- ວັດທະນະທຳ ແລະ ທ່ອງທ່ຽວ ແຂວງຫົວພັນໄດ້ຈັດກອງປະ ຊຸມທົບທວນການເຄື່ອນໄຫວ, ຈັດ ຕັ້ງຍຸດ ທະສາດການພັດທະນາ ແລະ ສົ່ງເສີມການທ່ອງທ່ຽວ ຂອງແຂວງໄລຍະ 3 ປີ ຜ່ານ ມາ ແລະ ສັງເກດເຫັນວ່າການທ່ອງທ່ຽວຂອງທ້ອງຖິ່ນມີການເຕີບໃຫຍ່ຂະຫຍາຍ ໂຕແລະ ຜູ້ເຂົ້າມາທ່ຽວຊົມກໍນັບມື້ ຫຼາຍຂຶ້ນ.

        ນັບແຕ່ປີ 2010-2012 ມີນັກທ່ອງທ່ຽວເຂົ້າມາທ່ຽວຊົມ ແຂວງຫົວພັນຫຼາຍ ກ່ວາ 77 ພັນກວ່າຄົນ. ໃນນີ້ ນັກທ່ອງ ທ່ຽວ ຈາກພາຍໃນ ມີເກືອບ 40 ພັນ ຄົນ, ຕ່າງປະເທດມີ 37 ພັນກວ່າ ຄົນ, ສາມາດ ເກັບຄ່າບໍລະການ ໄດ້ທັງໝົດຫຼາຍກວ່າ 24 ຕື້ກີບ, ປັດຈຸບັນແຂວງຫົວພັນມີແຫຼ່ງທ່ອງທ່ຽວ 116 ແຫ່ງ, ໃນນັ້ນ ແຫຼ່ງ ທ່ອງ ທ່ຽວປະຫວັດສາດ 50 ແຫ່ງ, ທຳມະຊາດ 35 ແຫ່ງ ແລະ ແຫຼ່ງທ່ອງທ່ຽວທາງດ້ານວັດທະນະທຳ 31 ແຫ່ງ, ເຊິ່ງເປີດໃຫ້ບໍລິ ການແລ້ວ 34 ແຫ່ງ. ແຕ່ນີ້ຮອດປີ 2022 ຈະດຶງດູດເອົານັກທ່ອງ ທ່ຽວທັງພາຍໃນ ແລະ ຕ່າງປະເທດເຂົ້າມາໃຫ້ໄດ້ປີລະ 60 ພັນ ຄົນແລະຈະສູ້ຊົນດຶງດູດການລົງທືນ ພັດທະນາຫີນຕັ້ງເມືອງຫົວເມືອງໃຫ້ເປັນແຫຼ່ງທ່ອງທ່ຽວມໍລະດົກໂລກແຫ່ງທຳອິດ ຂອງແຂວງຫົວພັນ.