ຜົນສຳເລັດການເຂົ້າຮ່ວມກອງປະຊຸມຄະນະລັດຖະບານຮ່ວມລາວ-ໄທ ຄັ້ງທີ 2

        ໂດຍຕອບສະໜອງຕາມການເຊີນຂອງ ພະນະທ່ານ ນາງ ຍິ່ງລັກ ຊິນນະວັດ ນາຍົກ ລັດຖະມົນຕີແຫ່ງຣາຊະອານາຈັກ ໄທ ໃນວັນ ທີ 19 ພຶດສະພາ 2013, ພະນະທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິ ປະໄຕປະຊາຊົນລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນ ທາງໄປເຂົ້າຮ່ວມ ກອງປະຊຸມຄະນະລັດຖະບານຮ່ວມລາວ - ໄທ ບໍ່ເປັນທາງການ ຄັ້ງທີ 2 ທີ່ແຂວງ ຊຽງໃໝ່ຣາຊະອານາຈັກໄທ. ກອງປະຊຸມຄັ້ງນີ້ໄດ້ໄຂຂຶ້ນໃນທ່າມກາງບັນຍາກາດທີ່ສາຍ ພົວພັນມິດຕະພາບ ແລະ ການຮ່ວມມືລະຫວ່າງສອງປະເທດລາວ ແລະ ໄທ ໄດ້ຮັບການເພີ່ມທະວີ ແລະ ສືບຕໍ່ຂະຫຍາຍ ຕົວຢ່າງຕໍ່ເນື່ອງ. ໃນໂອກາດດັ່ງກ່າວລັດຖະບານຂອງສອງຝ່າຍໄດ້ທົບທວນຄືນ ແລະ ປຶກສາຫາລືກ່ຽວກັບການຮ່ວມມືໃນ ດ້ານຕ່າງໆໃນ 8 ຫົວຂໍ້ທີ່ສໍາ ຄັນຄື: 1)ການອໍານວຍຄວາມ ສະດວກໃນການຂົນສົ່ງຜ່ານ ດ່ານຊາຍແດນ,2) ການເພີ່ມເສັ້ນ ທາງ ເຊື່ອມໂຍງອະນຸພາກພື້ນ ເປັນຕົ້ນການຂົນສົ່ງຜ່ານເສັ້ນ ທາງເລກ 8 ແລະ ເລກ 12, 3) ການສົ່ງເສີມການຄ້າ ລາວ - ໄທ, 4) ການຮ່ວມມືດ້ານການທ່ອງທ່ຽວ , 5) ການຮ່ວມມືດ້ານແຮງງານ, ການສະກັດກັ້ນ ແລະ ປາບປາມການຄ້າມະນຸດ,6) ການ ຮັກສາຄວາມສະຫງົບຮຽບຮ້ອຍ ຕາມຊາຍແດນ, 7) ການປ້ອງ ກັນ ແລະ ປາບປາມຢາເສບຕິດ, 8) ການສໍາຫຼວດ ແລະ ປັກ ຫຼັກໝາຍຊາຍແດນ. ກອງປະຊຸມໄດ້ ຕີລາຄາການຮ່ວມມືສອງຝ່າຍໃນໄລຍະທີ່ຜ່ານມາແມ່ນໄດ້ຂະຫຍາຍຕົວ ນັບມື້ນັບດີຂຶ້ນ

ເປັນໜ້າເພິ່ງພໍໃຈໃຫ້ແກ່ທັງສອງຝ່າຍ ຊຶ່ງສອດຄ່ອງກັບຫຼັກການ ພື້ນຖານທີ່ລະບຸໄວ້ໃນບັນດາ ຖະແຫຼງການຮ່ວມ ແລະ ສົນ ທິສັນຍາມິດຕະພາບ ແລະ ການຮ່ວມມືລະຫວ່າງ ສາທາລະນະ ລັດ ປະຊາທິປະໄຕ ປະຊາຊົນ ລາວ ກັບ ຣາຊະອານາຈັກໄທ  ຊຶ່ງສະຫຼຸບໄດ້ດັ່ງນີ້:  ການອໍານວຍຄວາມສະດວກໃນການຜ່ານດ່ານຊາຍແດນ: ທັງສອງ ຝ່າຍເຫັນດີຮ່ວມກັນໃນການປັບ ປຸງ ແກ້ໄຂຂັ້ນຕອນການອຳນວຍ ວາມສະດວກການຂົນສົ່ງຄົນໂດຍສານ ແລະ ສິນຄ້າຜ່ານດ່ານຊາຍແດນ ໃຫ້ມີຄວາມວ່ອງໄວ ຂຶ້ນ ແລະ ໄດ້ມອບໝາຍໃຫ້ບັນດາກະຊວງທີ່ກ່ຽວຂ້ອງຂອງສອງຝ່າຍປຶກສາຫາລືໃນລາຍລະອຽດຮ່ວມກັນ.   

         ການຂົນສົ່ງຕາມເສັ້ນທາງ ເລກ8 ແລະ ເລກ12: ທັງສອງ ຝ່າຍມີຄວາມຍິນດີທີ່ຈະສືບຕໍ່ຮ່ວມມືກັນ ແລະ ລັດຖະບານ ໄທ ຍິນດີຈະໃຫ້ການຮ່ວມມື ແລະ ຊ່ວຍເຫຼືອໃນການປັບປຸງເສັ້ນ ທາງດັ່ງກ່າວແນໃສ່ເພີ່ມທະວີ ການເຊື່ອມໂຍງຕາມແລວເສດ ຖະກິດຂອງສອງປະເທດ ແລະ ອະນຸພາກພື້ນ ຊຶ່ງຈະປະກອບສ່ວນຢ່າງສໍາຄັນໃນການຮ່ວມມືເສດຖະກິດ ແລະ ການໄປມາ ຫາສູ່ຂອງປະຊາຊົນສອງປະ ເທດແລະພາກພື້ນໃຫ້ມີຄວາມສະດວກຍິ່ງຂຶ້ນ.    

        ການສົ່ງເສີມການຄ້າຊາຍ ແດນລາວ-ໄທ:ທັງສອງຝ່າຍໄດ້ ມີຄວາມຕັ້ງໜ້າສືບຕໍ່ຮ່ວມມືກັນທາງດ້ານການຄ້າໃຫ້ເພີ່ມ ຂຶ້ນຢ່າງຕໍ່ເນື່ອງແລະໃນໂອການດນີ້ ລັດຖະບານໄທໄດ້ສະແດງຄວາມ ຍິນດີຂະຫຍາຍໄລຍະເວລາໃນການນຳເຂົ້າສິນຄ້າປະ ເພດກະສິກຳຈາກ ສປປ. ລາວ ໂດຍສະ ເພາະແມ່ນສິນຄ້າສາລີ, ກະລຳປີ, ໝາກເດືອຍ, ອ້ອຍ ແລະ ສິນຄ້າ ປະເພດອື່ນໆ ໃຫ້ເປັນໄປຕາມກົນ ໄກການຕະຫຼາດແລະ ການຕົກ ລົງຂອງສອງຝ່າຍ ໂດຍສະເພາະ ແມ່ນການສົ່ງເສີມການຜະລິດກະ ສິ ກຳຕາມສັນຍາ (Contract Farming).      

        ການຮ່ວມມືດ້ານການທ່ອງ ທ່ຽວ : ທັງສອງຝ່າຍໄດ້ສະແດງ ຄວາມ ຍິນດີທີ່ນັກທ່ອງທ່ຽວ ຂອງທັງສອງປະເທດ ມີ ທ່າອ່ຽງ ເພີມຂຶ້ນໂດຍນັກທ່ອງທ່ຽວລາວ ເດີນທາງໄປປະເທດ ໄທເຖິງ 1 ລ້ານກ່ວາຄົນ ແລະ ຂະນະດຽວກັນນັກທ່ອງທ່ຽວ ໄທ ເດີນ ທາງ ໄປ ສປປ. ລາວ ເຖິງ1,9 ລ້ານຄົນ ໃນປີ 2012 ເພີມຂຶ້ນ 30% ທຽບ ໃສ່ປີກ່ອນໜ້ານີ້. ທັງສອງຝ່າຍເຫັນດີ ທີ່ຈະພັດທະນາການຮ່ວມມືດ້ານການທ່ອງທ່ຽວໃຫ້ມີຫຼາຍ ຮູບແບບ ໂດຍສະເພາະເພີ່ມການໂຄສະນາເພີມທະວີການຮ່ວມ ມືດ້ານການອໍານວຍຄວາມສະດວກໃນຫຼາຍດ້ານ ແລະ ເຫັນດີມອບໃຫ້ສອງກະຊວງທີ່ກ່ຽວຂ້ອງປຶກສາຫາລືໃນລາຍລະ ອຽດຕື່ມ.     

        ການຮ່ວມມືດ້ານແຮງງານ ແລະ ການສະກັດກັ້ນ ແລະ ປາບປາມການຄ້າມະນຸດ: ສໍາລັບບັນຫານແຮງງານລາວ ໃນ ປະເທດໄທ, ທັງສອງລັດຖະບານເຫັນດີໃຫ້ພາກສ່ວນທີ່ກ່ຽວຂ້ອງທັງສອງຝ່າຍເພີ່ມມາດຕະການໃນການຄຸ້ມຄອງແຮງງານ ລາວໃຫ້ ຖືກຕ້ອງຕາມກົດໝາຍສອງຝ່າຍ ໄດ້ເຫັນດີເຫັນພ້ອມນໍາກັນວ່າຂະ ບວນການຄ້າມະນຸດຂ້າມຊາດມີການເຄື່ອນ ໄຫວນັບມື້ເລິກແລບແນບນຽນໂດຍສະເພາະແມ່ນ ການຄ້າປະເວນີ ຊຶ່ງທັງສອງ ຝ່າຍຈະຕ້ອງເພີ່ມທະວີການຮ່ວມມືເພື່ອ ນໍາໃຊ້ມາດຕະການສະກັດກັ້ນ ແລະ ປາບປາມຢ່າງມີປະສິດທິຜົນ.    

        ການຮັກສາຄວາມສະຫງົບ ຮຽບຮ້ອຍຕາມ ຊາຍແດນ, ລັດ ຖະບານທັງສອງໄດ້ສະແດງ ຄວາມຍິນດີຕໍ່ການ ຮ່ວມມື ຢ່າງ ໃກ້ສິດ ອັນໄດ້ເຮັດໃຫ້ຊາຍແດນ ຂອງສອງປະເທດ ມີຄວາມສະ ຫງົບໂດຍພື້ນຖານແລະຢືນຢັນ ຈະສືບ ຕໍ່ຮ່ວມມືກັນ ຢ່າງຈິ່ງຈັງ ໂດຍບໍ່ອະ ນຸຍາດໃຫ້ຄົນບໍ່ຫວັງ ດີຕໍ່ສາຍພົວພັນລາວ-ໄທນໍາໃຊ້ ດິນແດນຂອງຝ່າຍໃດຝ່າຍ ໜື່ງ ເຄື່ອນໄຫວຕໍ່ຕ້ານ ອີກຝ່າຍໜື່ງ. ພ້ອມນັ້ນ, ທັງສອງຝ່າຍຍັງໄດ້ຕົກ ລົງໃຫ້ບັນດາກົນ ໄກຮ່ວມມືຂອງສອງຝ່າຍລວມທັງລະດັບແຂວງ-ຈັງຫວັດ ທີ່ກ່ຽວຂ້ອງສືບຕໍ່ພົບປະປຶກສາ ຫາລືກັນເປັນປົກກະຕິ ແລະ ແກ້ໄຂບັນຫາຮ່ວມກັນຢ່າງທັນການ.       

         ການປ້ອງ ກັນແລະປາບ ປາມຢາເສບຕິດ:ກອງປະຊຸມໄດ້ ຕີລາຄາສູງຕໍ່ຜົນສໍາເລັດ ໃນການ ຮ່ວມມືສະກັດກັ້ນ ແລະ ປາບ ປາມການຜະລິດ ແລະ ການຄ້າ ຂາຍຢາເສບຕິດ ໃນລະດັບສອງ ຝ່າຍແລະ ຫຼາຍຝ່າຍ; ແຕ່ກໍເຫັນ ໄດ້ສິ່ງທ້າທ້າຍ ອັນ ໃຫຍ່ຫຼວງການຜະລິດ ແລະ ການຄ້າຂາຍ ຢາເສບຕິດໃນອະນຸພາກພື້ນດັ່ງນັ້ນ ສອງຝ່າຍຈຶ່ງສະແດງຄວາມ ຕັດສິນໃຈສູງໃນ ການສືບຕໍ່ຮ່ວມ ມືກັນຢ່າງໃກ້ຊິດ, ມີການກໍານົດແຜນປະຕິບັດງານຮ່ວມກັນໃນດ້ານຕ່າງໆ, ການແລກປ່ຽນຂໍ້ມູນຂ່າວສານ ແລະຮ່ວມມືກັນໃນການໃຊ້ມາດຕະການອັນເດັດຂາດຕໍ່ຜູ້ຜະລິດແລະຜູ້ຄ້າຂາຍຢາເສບຕິດ. ທັງສອງຝ່າຍຈະເພີ່ມຄວາມ ເຂັ້ມ ແຂງໃຫ້ແກ່ຫນ່ວຍປະສານງານຕາມຊາຍແດນຂອງສອງປະເທດ ໃຫ້ມີປະສິດທິຜົນ ສູງຂຶ້ນ ແລະ ລັດຖະບານໄທຍິນດີທີ່ຈະ ສືບຕໍ່ໃຫ້ການຊ່ວຍເຫລືອໃນດ້ານຕ່າງຕາມການຕົກລົງຂອງສອງຝ່າຍ.     

             ການສໍາຫຼວດແລະ ປັກ ຫຼັກໝາຍຊາຍແດນ:ສອງລັດຖະ ບານໄດ້ເຫັນດີເປັນເອກະພາບກັນປະຕິບັດຕາມເຈດຕະ ນາລົມ ຂອງປະມຸກລັດທັງສອງປະເທດ ທີ່ຢາກໃຫ້ຊາຍແດນຂອງສອງ ປະເທດມີຄວາມຈະແຈ້ງແລະຊັດ ເຈນຢ່າງຕະຫຼອດ ການ, ເປັນ ຊາຍແດນ ແຫ່ງສັນຕິພາບ, ມິດຕະພາບແລະການຮ່ວມມືຕະ ຫຼອດໄປ. ສອງຝ່າຍເຫັນດີສືບຕໍ່ເລັ່ງລັດການສຳ ຫຼວດ ແລະ ປັກຫຼັກໝາຍຊາຍແດນຮ່ວມທາງບົກໃຫ້ມີຄວາມຄືບໜ້າຢ່າງເປັນ ຮູບປະທໍາພ້ອມດຽວກັນກໍເລັ່ງ ລັດ ໃຫ້ເລີ່ມ ຕົ້ນການສຳຫຼວດ ແລະ ປັກຫຼັກໝາຍຊາຍແດນ ທາງນ້ຳຜົນສໍາເລັດໃນວຽກງານ ດັ່ງກ່າວນີ້ເພື່ອໃຫ້ເປັນມູນມໍລະ ດົກຕົກທອດ ແກ່ອະນຸຊົນລຸ້ນຫຼັງ ໄດ້ສືບທອດຕໍ່ໄປ.    

         ນອກຈາກນີ້ທັງສອງຝ່າຍ ຍັງໄດ້ລົງນາມສັນຍາສາມສະບັບ ໂດຍການເປັນ ສັກຂີ ພິຍານຂອງ ສອງນາຍົກລັດຖະມົນຕີ ຊຶ່ງມີ ລາຍລະອຽດດັ່ງນີ້:1) ຖະແຫຼງ ການຮ່ວມຂອງກອງປະຊຸມ ຄະ ນະລັດຖະບານຮ່ວມ ລາວ-ໄທ ບໍ່ເປັນທາງການ ຄັ້ງທີ II, 2) ບົດ ບັນທຶກຄວາມເຂົ້າໃຈ ວ່າດ້ວຍ ການຮ່ວມມືດ້ານກະສິກໍາ ລາວ- ໄທ, 3) ຂໍ້ຕົກລົງວ່າດ້ວຍກໍາມະ ສິດການນໍາໃຊ້, ການບໍລິການ ແລະ ການບູລະນະຮັກສາຂົວມິດ ຕະພາບ 4(ຫ້ວຍຊາຍ-ຊຽງຂອງ). ນອກຈາກການພົບປະສອງຝ່າຍ ລາວ-ໄທແລ້ວ.      

          ໃນແລງຂອງວັນດຽວກັນ ພະນະທ່ານນາຍົກລັດຖະມົນຕີ ທອງສິງທຳມະວົງ ຍັງ ໄດ້ພົບປະ ກັບ ທ່ານ ຫງວຽນ ຖ້ຽນ ເຍີນ, ຮອງນາຍົກລັດຖະມົນຕີ ສສ. ຫວຽດນາມແລະທ່ານ ປະທານາ ທິບໍດີ ມິຄາຍ ຊະອາກາດສວີລີ .    

            ກອງປະຊຸມ ຄັ້ງນີ້ໄດ້ຮັບ ຜົນສໍາເລັດເປັນໜ້າເພິ່ງພໍໃຈ ຂອງທັງສອງຝ່າຍ ຊຶ່ງເປັນການ ສະແດງໃຫ້ເຫັນ ເຖິງຄວາມ ພະຍາຍາມອັນຕັ້ງໜ້າແລະສ້າງ ສັນຂອງສອງລັດຖະບານລາວ- ໄທໃນການເພີ່ມທະວີສາຍພົວພັນມິດຕະພາບ ແລະ ຄວາມ ສາມັກຄີຊ່ວຍເຫຼືອ ເຊິ່ງກັນແລະກັນ ທີ່ເປັນມູນເຊື່ອອັນດີງາມລະຫວ່າງສອງປະເທດໃຫ້ນັບມື້ນັບຂະຫຍາຍຕົວ ແລະ ເກີດ ດອກອອກຜົນຢ່າງບໍ່ຢຸດຢັ້ງ ຕອບສະໜອງຜົນປະໂຫຍດອັນຊອບທໍາຂອງປະຊາຊົນສອງຊາດລາວ ແລະ ໄທ. ຄະນະຜູ້ແທນ ລາວ ໄດ້ກັບຄືນມາເຖິງນະຄອນຫລວງວຽງຈັນ ໃນຕອນບາຍຂອງ ວັນ ທີ 20 ພຶດສະພາ 2013 ດ້ວຍຄວາມສະຫວັດດີພາບ ທຸກປະການ.