ຕອນເຊົ້າຂອງວັນທີ 10 ພຶດ ສະພານີ້, ທ່ານ ພັນທອງ
ພິດທຸມ ມາ ຮອງເລຂາພັກແຂວງ, ຮອງເຈົ້າແຂວງຫລວງນ້ຳທາ ພ້ອມ ດ້ວຍຄະນະ ໄດ້ລົງຊຸກຍູ້ໂຄງ ການກໍ່ສ້າງຂະຫຍາຍເສັ້ນທາງ
4 ເລນ ແຕ່ສາມແຍກ ປກສ ແຂວງຫາສະໜາມບິນເມືອງຫລວງນ້ຳທາ.
ທ່ານ ອານຸສອນ ຈັນທະວິສິດ ຫົວໜ້າຂະແໜງຄຸ້ມຄອງທາງ
ບົກ-ທາງນ້ຳ ພະແນກໂຍທາທິການ ແລະ ຂົນສົ່ງແຂວງຫຼວງ ນ້ຳທາໄດ້ລາຍງານສະພາບຄວາມຄືບໜ້າການກໍ່ສ້າງເສັ້ນ
ທາງ 4 ເລນ ແຕ່ສາມແຍກ ປກສແຂວງຫາສາມແຍກສະໝາມບິນ ເມືອງຫຼວງນ້ຳທາ ເຊິ່ງສຳເລັດ ແລ້ວ
98,3% ຂອງໜ້າວຽກທັງ ໝົດ, ໜ້າທາງໄດ້ຂະຫຍາຍອອກ ເບຶ້ອງລະ 3,5 ແມັດ, ຍົກ ລະດັບໜ້າທາງ ແລະ
ປູຢາງ 2 ຊັ້ນ, ເສັ້ນທາງມີຄວາມຍາວ 5.500 ແມັດ ມູນຄ່າການກໍ່ສ້າງທັງໝົດ 59 ຕື້ກີບ ແມ່ນງົບປະ
ມານຂອງ ລັດຖະບານ 100% ໂດຍແມ່ນບໍລິ ສັດຈະເລີນກໍ່ສ້າງຈຳກັດເປັນຜູ້ ຮັບເໜົາກໍ່ສ້າງ
ເຊິ່ງນຳໃຊ້ທຶນ ຂອງບໍລິສັດ ກ່ອນ, ເສັ້ນທາງໄດ້ ເລີ່ມລົງມືກໍ່ສ້າງມາແຕ່ວັນທີ 22 ເມສາ
2011 ພາຍຫຼັງກໍ່ສ້າງສຳເລັດແລ້ວ ທາງບໍລິສັດຍັງຄ້ຳປະ ກັນ 12 ເດືອນ ເພື່ອສ້ອມແປງຈຸດທີ່ເປ່ເພບໍ່ໄດ້ມາດຕະຖານ.
ໃນໂອກາດນີ້, ຮອງເຈົ້າ ແຂວງ ໄດ້ລົງຊຸກຍູ້ການກໍ່ສ້າງເສັ້ນທາງດັ່ງກ່າວ
ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍບໍລິ ສັດທີ່ໄດ້ມີຄວາມຮັບຜິດຊອບການກໍ່ສ້າງໜ້າວຽກແຕ່ລະດ້ານ
ເຫັນວ່າມີຄຸນນະພາບທີ່ຈະເຮັດໃຫ້ການສັນຈອນໄປມາມີຄວາມສະດວກຂຶ້ນຕື່ມ.
No comments:
Post a Comment