ວັດຫໍພະແກ້ວມີນັກທ່ອງທ່ຽວເຂົ້າຊົມຫລາຍກວ່າພັນຄົນຕໍ່ມື້

          ຫໍພະແກ້ວ ເປັນບູຮານສະຖານທີ່ມີໂຄງສ້າງທາງສະຖາປັດຕະຍະກຳສິນ ອັນວິຈິດງົດງາມ, ເປັນມູນມໍລະດົກທາງສິ ລະປະວັດທະນະທຳທີ່ມີຄຸນຄ່າສູງ, ເປັນ ທີ່ເອກ ອ້າງທະນົງໃຈຂອງປະຊາຊົນລາວບັນດາເຜົ່າ,ຄວນຕໍ່ ການສຶກສາຄົ້ນຄວ້າ ແລະ ພວມເປັນແຫ່ຼງທ່ອງທ່ຽວ ທາງປະຫວັດສາດ-ວັດທະນະທຳ ຊຶ່ງບັນດານັກ ທ່ອງທ່ຽວ ທັງພາຍໃນ ແລະ ຕ່າງປະເທດທີ່ເຂົ້າມານະຄອນຫຼວງວຽງຈັນໃຫ້ ຄວາມສົນໃຈອັນໄດ້ປະກອບສ່ວນເຮັດໃຫ້ ສປປ ລາວໄດ້ຮັບລາງວັນປະເທດ ທີໜ້າທ່ອງທ່ຽວ ທີ່ສຸດໃນໂລກ ປີ 2013.  ທ່ານ ໂຄຈອນ ແກ້ວມະນີວົງ ຫົວໜ້າອຳນວຍການຫໍພິພິທະພັນສະຖານບູຮານນະຄອນຫຼວງວຽງ ຈັນໃຫ້ຮູ້ວ່າ: ສະເລ່ຍໃນແຕ່ລະມື້ມີນັກທ່ອງທ່ຽວເຂົ້າຊົມຫໍພະແກ້ວ 1 ພັນກ່ວາຄົນ, ເຂົ້າມາກາບໄຫວ້ເພາະມີຄວາມເຊື່ອວ່າ ຫໍພະແກ້ວ ເຄີຍເປັນບ່ອນປະດິດສະຖານພະແກ້ວມໍລະກົດທີ່ສັກສິດ, ຂະນະທີ່ນັກທ່ອງທ່ຽວຈາກຕາເວັນຕົກເຂົ້າມາທ່ຽວ ເພື່ອສຶກສາສະ ຖາປະນິກການອອກແບບລວດລາຍແກະສະຫລັກຕ່າງໆທີ່ເປັນເອກະລັກຂອງຊາດລາວ.    

            ຫໍພະແກ້ວ ແຕ່ເດີມຢູ່ພາຍ ໃນເຂດພະຣາຊະວັງຂອງເຈົ້າຊີ ວິດ ໄດ້ຮັບການກໍ່ສ້າງຂຶ້ນເພື່ອເປັນບ່ອນປະທັບຂອງ ພະແກ້ວມໍລະກົດ ໃນປີ ຄສ 1565 ສະຕະວັດທີ 16 ໄລ່ເລ່ຍກັນກັບການ ສ້າງວຽງຈັນຂຶ້ນເປັນນະຄອນຫລວງຂອງອານາ ຈັກລາວລ້ານ ຊ້າງ ພາຍໃຕ້ການນຳພາຂອງພະເຈົ້າ ໄຊຍະເຊດຖາທິຣາດ. ອົງ ພະແກ້ວມໍລະກົດແມ່ນມໍຣະດົກທາງວັດທະ ນະທຳ ທີ່ມີຄຸນຄ່າສູງຊຶ່ງພະເຈົ້າໄຊຍະເຊດຖາທິຣາດ ໄດ້ອັງເຊີນມາຈາກນະຄອນຊຽງໃໝ່ມາໄວ້ນະຄອນຊຽງທອງ (ຫລວງພະ ບາງ) ຕໍ່ມາຈຶ່ງຍ້າຍລົງມາຢູ່ວຽງຈັນ ແລະ ໄດ້ປະທັບຢູ່ໃນອານາຈັກລາວລ້ານຊ້າງໃນ ສະຕະວັດທີ 16-17 ແລະ 18 ໂດຍໄດ້ປະ ດິດສະຖານຢູ່ຫໍພະແກ້ວວຽງຈັນ ຕັ້ງແຕ່ ປີ ຄສ 1560 ເຖິງ ຄສ 1778 ລວມ ເປັນເວລາ ເຖິງ 218 ປີ ຈຶ່ງຖືກກອງທັບສະ ຫຍາມຢຶດໄປໄວ້ບາງກອກ ແລະ ມາຮອດປີ ຄສ 1828-1829 ເມື່ອ ເຈົ້າອະນຸວົງກະສັດວຽງຈັນ ອົງ ສຸດທ້າຍ ແຫ່ງ ອານາຈັກ ວຽງຈັນ ຜູ້ນຳພາກອບກູ້ເອກະລາດເສຍໄຊໃຫ້ແກ່ກອງທັບສະຫຍາມ, ເມືອງວຽງຈັນ, ຫໍພະແກ້ວ ແລະ ສິ່ງກໍ່ສ້າງອື່ນໆຢູ່ວຽງ ຈັນຖືກມ້າງເພຈູດເຜົາທຳລາຍ ແລະ ຖິ້ມປະເປັນເມືອງຮ້າງ ເປັນໄລຍະ ເວລາ 107 ປີ.ໃນເວລານັ້ນຫໍພະແກ້ວ ຍັງເຫລືອແຕ່ ຊາກຫັກເພພັງ, ເຫັນແຕ່ເສົາ ແລະ ສິ່ງກໍ່ສ້າງອັນເປັນຖານເບື້ອງລຸ່ມ, ມີເຄືອໄມ້  ແລະ ຫຍ້າຊະນິດຕ່າງໆ ເກີດຂຶ້ນ ຖ້ວມໝົດ, ສິລະປະດອກດວງ ທີ່ຍັງເຫລືອເປັນອະນຸສອນງົດງາມພິເສດແມ່ນບານປະຕູໃຫຍ່ ທາງເຂົ້າເບື້ອງທິດຕາເວັນອອກ ທີ່ຄວັດໃສ່ ໄມ້ເນື້ອແຂງເຂົ້າໃຈ ວ່າ: ສ້າງຂຶ້ນໃນສະຕະວັດທີ 18. ມາຮອດ ຄສ 1936,ຫໍພະແກ້ວ ກໍໄດ້ຮັບການກໍ່ສ້າງຄືນໃຫມ່ໃນການ ກໍ່ສ້າງຄືນໃໝ່ນັ້ນໄດ້ຮັກສາໂຄງສ້າງເດີມເທົ່າທີ່ຍັງເຫຼືອໄວ້, ສ່ວນໂຄງຮ່າງເບື້ອງເທິງ (ຫຼັງຄາ) ແມ່ນເຮັດຂຶ້ນໃໝ່ໝົດ.     

      ທ່ານ ໂຄຈອນ ແກ້ວມະນີວົງ ໄດ້ໃຫ້ຮູ້ຕື່ມວ່າ: ປັດຈຸບັນພາຍໃນ ຫໍພະແກ້ວ ໄດ້ຈັດວາງສະແດງ ສະຖາປັດຕະຍະກໍາທີ່ ເກົ່າແກ່ຫລາຍກວ່າ 1 ພັນຊະນິດ ໃນນັ້ນ ມີພະພຸດທະຮູບທອງສໍາລິດ, ພະ ພຸດທະຮູບແກະສະຫລັກໄມ້, ຄໍາບຸ, ເງິນບຸ (ພະ ພຸດທະຮູບທີ່ເຮັດ ຈາກດິນ ໂອບຄໍາ, ເງິນ),ວັດຖຸ ເຄື່ອງໃຊ້ຂອງຄົນໃນສະໄຫມບູ ຮານ ເຊັ່ນ: ຂວານຫີນ, ເຄື່ອງປັ້ນ ດິນເຜົາ. ນອກນັ້ນ ຍັງມີສິລາຈາ ລຶກເປັນໂຕອັກສອນມອນ, ບາລີ- ສັນສະກຣິດ ໃນສະຕະວັດທີ 6 ຫາ 12,ສິລາຈາລຶກເປັນພາສາລາວ ເດີມ ໃນສະຕະວັດທີ 16 ຫາ 17. ການທີ່ນັກທ່ອງທ່ຽວ ມີຈຸດ ປະສົງ ເຂົ້າຊົມຫໍພະແກ້ວ ແມ່ນສາ ມາດເຂົ້າໄດ້ທຸກມື້ສະ ເພາະຕອນເຊົ້າ ແຕ່ເວລາ 8:00 ໂມງ ເຖິງ 12:00 ໂມງ, ຕອນບ່າຍ ແຕ່ເວລາ 13:00 ໂມງເຖິງ 16:00 ໂມງ. ໃນເວລາ ທ່ຽວ ຊົນນັ້ນຫ້າມຖ່າຍຮູບພາຍໃນຫໍ,ສ່ວນບໍລິເວນ ດ້ານນອກນັບທັງລະບຽງນັ້ນ ແມ່ນອະນຸຍາດໃຫ້ຖ່າຍຮູບໄດ້. ພ້ອມນີ້ ທ່ານຍັງ ໃຫ້ຮູ້ຕື່ມວ່າ: ການທີ່ຈະດຶງດູດນັກທ່ອງທ່ຽວ ໃຫ້ເຂົ້າມາທ່ຽວຊົມຫໍພະແກ້ວ ໃຫ້ຫລາຍຂຶ້ນນັ້ນ ຍັງຕ້ອງໄດ້ເອົາໃຈໃສ່ພັດທະ ນາແຫຼ່ງທ່ອງ ແລະ ປັບປຸງສິ່ງຮອງຮັບຕ່າງໆເພື່ອອຳນວຍຄວາມສະດວກ ເຊັ່ນ: ສະຖານທີ່ຈອດລົດ ແລະ ຫ້ອງນ້ຳໃຫ້ພຽງພໍ ກັບຄວາມຕ້ອງການຂອງນັກທ່ອງທ່ຽວທີ່ນັບມື້ເພີ່ມຂຶ້ນ.